Iironga 17
17
ONTOPORUA 17.
Omuapostoli Paulus t’uvica eehapu da Karunga mu Tessalonika no mu Aten.
1Sho ja piti mu Amfipolis no mu Apollonia, oje ja ku Tessalonika. Mpoka pua ri osinagoga haajuda.
2Komukaro gue Paulus okua ha mo ku jo, nde te j’uvicire omasabati gatatu eehapu dobibeli.
3Okue di ja fatururira he te ja urukire nokutja Kristus okua ri e nokueepekua nokujumuka kuusi ta ti: “Kristus nguno ohe Jesus, ngu ngaje tandi mu uvicire.”
4Jamue mokati kauo#17:4 Okutja mokati kaajuda. oj’iteera, ja gama ku Paulus no, ku Silas. Otsho uo ongundu onene ha mboka haa simaneke Karunga kotshiri#17:4 Okutja aaproseliti. Aantu mba je ri mehiteero rjaajuda nde jo kaje shi eevarere daajuda. no maapagani uo nojendji jaakiintu aanamadina.
5Ndere aajuda oja geje. Oja kuca mongundu haantu aarumentu jamue aahineji, ja ngundumana, ja vundakanica otshirando, ja hi kondjugo ha Jason#17:5 Paulus na Silas oja ri aahenda ja Jason. je ja kongo, je ja fare miipaci jaantu.
6Sho inaa ja mona oja kokororere Jason naarongua jamue aamuahina komarenga gotshirando nde taj’igida taa ti: “Ojo mboka mba taa vundakanica otshirando nde je ja hu.#17:6 Oja konga Paulus na Silas mondjugo ha Jason.
7Jason okue ja tuumba. Jo ajeshe ohaa jono iipango jomukuaniirua,#17:7 Okutja omukuaniirua guaaroma. oshoka ohaa ti: ’Opu nomukuaniirua gurue, Jesus.”
8Otsho ja tsitsimikire aantu nomarenga gotshirando, sho j’uvu eehapu di.
9Ndere moru’omarombuerero gauo Jason noojakuauo oj’eciua.
10Uusiku aarongua aamuahina oja tumu Paulus na Silas ku Berea. Sho ja ciki ko, oja hi mosinagoga haajuda.#17:10 Oja ciminikua okurombuera nokutja taa tindire Paulus na Silas omuraro.
11Mboka oja ri neemtima eemhanaua je vure mbejaka jo mu Tessalonika. Oja tuumba ohapu noku hi arerera, nde ja konakona keshe esiku mobibeli, nge otsh’uka tuu shoka ja rombuerua.
12Ojendji jomu jo oj’iteere, otsho uo maapagani aakiintu aanamadina naarumentu uo, kaje shi aatshona.
13Ndere aajuda jomu Tessalonika, sho j’uvu nokutja Paulus ot’uvica ohapu ha Karunga mu Berea uo, oja hi hoka, ja vundakanica aantu nokuninga mokati kauo epijagano.
14Okuza mboka aarongua aamuahina oja tumu Paulus a he ruo kefuta. Ndere Silas na Timoteus oja tumu Paulus a he ruo kefuta. Ndere Silas na Timoteus oja kara po.
15Mba ja cindikira Paulus oje mu fara sigo okotshirando Aten. Taa garuka nohapu he hi romborue ku Silas no ku Timoteus, je je ku he nzijanzija.
16Manka Paulus e ja tegerera mu Aten, okua geje unene momuenjo gue, sho a mona nokutja otshirando shika okua tsh’uda esimaneko rjiikarunga j’iirombo.
17Mosinagoga okua popi naajuda noonakutirakarunga. Nomasiku ageshe okua popi pomarandero na ajeshe mba ja ri po.
18Aanongo jamue jaaepikurei no jaastoa#17:18 Aanongo mbo aapagani mba ja rukua uo aafilosofi, oja ara okudimburura meendunge dauo enongero rjetshito rjuujuni aushe, rjo rjaantu ajeshe, necikiro rjauo, nuuhanaua mbu u nokuarikua ku jo. Sho inaa hiteeracana momadiradiro guauo opua ri iimpaga jiiri no jiiri jaanongo nenge jaafilosofi. Otsho uo otshimpaga tshaaepikurei notshimpaga tshaastoa niimpaga jirue. oja patacana na he ja ti: “Omujejagani nguno okua ara tshee?” Jakuauo oja ti: “He okua f’omuhokorori guiikarunga iipe” oshoka he okue ja uvicire Jesus nejumuko.
19Oje mu kuca no je mu fara ko Areopag#17:19 Areopag orjo edina rjondundu homotshirando Aten. Kombanda hondundu ndjika oko kua haku kara iigongi jaantu nomapanguro. ja ti: “Itatu vuru nani okutshiua omarongo ngaka omape, nga taga uvicua kungueje?
20Oshoka oto etere omakutsi getu eehapu dimue eempe, no tua ara okutshiua nokutja do oda tshee?”
21Aahateni ajeshe naakuiirongo mba ja kara mpo, oja pitica ecimbo rjauo arishe nokuokorora nenge nokuuva iinima iipe.
22Paulus okua cikama pokati ka Areopag a ti: “Jahateni, ondi uete mu nehiteero miinima ojindjindji.
23Oshoka ngaje, sho nd’endagura nda tara iiherekera jeni jiikarunga, onda mona uo ohaltari hi netshangua ndi: ’Oha Karunga ina tshiuika. “Shoka tamu amberere nanto inamu tshi tshiua, ngaje andi tshi mu uvicire.
24Karunga ngu a tshita uujuni natshishe shoka tshi ri mo, ohe Muene gueguru no guevi, ita kara meetempeli di da tungua nomake.
25He otsho ka jakurua komake gaantu, a fa ngu a pumbua tsha, oshoka ohe muene ta pe ajeshe omuenjo nomufudo niinima ajishe.
26Okua tshita uo orudi arushe ruaantu, ndu rua za momuntu gumue, ru kare kombanda hevi arishe. Okua uca uo omacimbo neengamba dokukara kuauo.
27Jo ja konge Karunga, ja tare nge taa vuru oku mu pampadara noku mu mona,#17:27 Aapagani uo otaa vuru okudimburura Karunga miironga je iinene, mbi ji vure eenkondo daantu. oshoka ka kara kokure na gumue guomokati ketu.
28Oshoka mu he tu nomuenjo, otu’injenganjenga, nde tua kara mo, ngashi aaruki jiiteuo jakueni ja tire: ‘Nasse uo orudi rue.’#17:28 Oshoka nasse uo otu nomuenjo kagu sa.
29Moruashi nasse uo orudi rua Karunga, ano nduno inatu ara okudiradira nokutja uukarunga oua f’otshingoldi nenge otshisilveri nenge emanja, ua f’otshiherekera tsh’ongua nuunkurungu nomeere gopaantu.
30Tshiri Karunga oku’ididimikire omacimbo ngaka guusama. Nedere nena ota rombuere aantu nokutja oje nokuidirurura ajeshejeshe napeshepeshe.
31Oshoka oku’ucire esiku rjokupangura uujuni aushe muujuki komurumentu ngu a hogororua ku he, he e mu jumuda kuusi, opo ajeshe je mu iteere.”
32Sho j’uvu ejumuko rjaasi, jamue oja jora, nde jamue oja ti: “Otua ara tu ku uve iinima mbika uunarumue.”
33Paulus okua zi mo mokati kauo.
34Aarumentu jamue oja gama ku he, j’iteera. Mokati kauo omua ri uo Dionisius#17:34 Dionisius okua ningi uunarumue omuepiskopi guotango mu Aten. omuareopagi, nomukiintu gumue, edina rje Damaris, no jakuauo puamue na jo.
Omission Heklesia Ekatolika, 1951. Namibian Catholic Bishops Conference.