Roomi 6

juppoota kapa sekaatta ka Kiristoosin kallaatta

1Ka kuli oori, maanan kiina? Akka daassata Waaqa koopto'e, hela juppoota koda kamma kamaannen kallaanna? 2Inna'a! Ino a tootan sekaatta mina kitto juppoota kapa sekaade, attan juppoota koda kamma kameetan kallaanna? 3Ino a Yesuusi Kiristoosi olli takka koddeeta jaqqame piisa, akkiman tootaadi kuli oppa qoottatta malla jaqqamme a uptane? 4Eten jaqqaminnon isha olli hawlammeeyye, ha tootaadippan qoottanne. Semmalla akkima Kiristoosi ulfeena a Waaqa Aappaatin tootoppa xa'e mina'e, ino kuli caatta haarayannen kallaanninna#Qola 2:12 .

5Oton tootaadin isha olli asse takka koddineeyye, asseewwen tootoppa xaanaadin isha olli takka koddinaaw. 6Dakintase xanno juppoolayteeta koddite, akka ino quda sekaatto, karpishshadda a juppoota koddeetinno ka haso'e, dakintase xanno kerite akka Kiristoosi olli fannisamte in upna. 7Nama to'e, juppoota piddama kela nata sooke. 8Semmalla, oton in Kiristoosi olli tooneeyye, akkiman isha olli caattan kallaanno in amanninna. 9Kiristoosi qoota tootoppa xa'e malla, lammatta akkan in toonin, toota ka isha in ukkummin, in upna. 10Isha ete to'eyye, juppoota akka ishan ukkummini'i takkan to'e umma oppa oora in qaptooy; amma oto caattan kallaannooyye, Waaqaxe kallaanni. 11Semmalla ishina a toota mina kitto akkima juppoota kapa sekaatten ka Yesuusi Kiristoosi qudan Waaqa caannittan dikada.

12Semmalla, juppoota akka dakintaayshin a toonitto qara hupna ukkumeeta qapnaatto ka a xajeelta so'assenati a piddammaati'i ishin kooto'e, ishi in salan. 13Umma meella a dakintayshina meeha falqati in kodan. Ka juppoota'en piddaccisan. Se kapaayye, a tootoppa xa'e ka caati isi koda ka Waaqa isi daasha. Ka meellaassin a dakinta piisa mehadda hanqeellumaati koda ka Waaqa piddacciisa. 14Amma ishina daassata Waaqa kela kaltan diisheey, seera kela a kaltaneey; juppoota ishin ukkuma isheeta parpaaccisni in kitto.

Orxaya a hanqeeta koddeeta

15Semmalla oori, maanan kiina? Qootan daassata Waaqa kela kinno ka seera kela an kinnin malla, hela juppootan koona? Inna! 16Oto nama takka orxaya kodda'e ka isha ajajama'e, isi dehannittaneeyye, namoose a ishi ajajamtane'e akkima orxaya kodditen i'uptan akkimoose mina'ew oto juppoota ajajammittaneeyye, juppootase toota ishin qara qeennito kela'e orxaya koddinittan. Ma xoori kati Waaqa ajajamittan kiiteeyye hanqeelluma akkattan. 17Ishina turanne a karpishshadda juppoota, amma xoori, kollissoose atteyyattene'e qoota karittayshin piisan ajajamten malla, kalata a Waaqa kayo. 18Ka karpishshuma juppoota kela natan sookten ka orxaya hanqeeta kodditen. 19Waan malla anti afa orra kallaatin asse haasawanna, qoota dikattaayshinan nukkullittan malla. Akkima se turan meellaassina a dakinta orxaya a nyala ka a tiyyaati kooten ka dehassen mina'e, ammaaw akka meellaassina a dakinnta qulqullaawane'e, asseew orxaya a hanqeetati koda ka ishootta dehaayshaaw.

20A karpishshadda juppoota kodditeneeyye, akka hanqeelluma kodeeta ishina parpaaccisnitto ishina dakaani in kitto. 21Ka kuli sitiiyyi tookta maana'e kela teyten? Wa a amma ishin jeertane mali tookta takka nefo kelaayye, a teyne. Piraampira wesseneti tootaay! 22Amma xoori qoota karpishshuma juppoota kela nataan sookten ka orxaya Waaqa kodditen malla. Qulqulluma akkattan; piraampira Qulqulluma'ew caatta parapara. 23Tookta a juppoota kela deenitto toota. Daassata a Waaqa kapa daasammitto xoori, caatta a parapara; a Poqallaanno Yesuusi Kiristoosi qudan teynaan.

Currently Selected:

Roomi 6: MaQu

Highlight

Copy

Compare