Bhaefeso Nnongolelo
Nnongolelo
Balua kwa Bhaefeso jikajandikwa mu muuda gumo na pajikajandikwa balua ya Bhakolosai mu chaaka cha 60 baada ja kubhelekwa Ayesu Kilisito. Jwaakajandika akachikongolela mweene handa Andundame Apaulo, mu chula ja 1:1. Akaachomi bhajingi bhatendakondanga kubhee Apaulo akajandika balua jenjeni kwa Bhaefeso, hata handa balua jenejo jangali na chalamu jabhe mweene handa chiibhile kwa balua ja Bhakolosai. Ligongo helyo, komboleka jikapalikwa jitiindilwe pakati ja mabhoga ga bhandu bhabhahobhalela Akilisito gagabhile mu chilambo chenecho. Kabhele, Apaulo pabhakajandika balua jenejo akibha atabhitwe, mu chula ja 3:1, 4:1, 6:20. Apaulo akajipeleka balua jenejo kwa kwaalagia Atikiko jwaakibha mu makongano ga kulityangila libhoga lya bhandu bhabhahobhalela Akilisito bha ku Efeso, mu chula ja 6:2, 1-22.
Efeso chikibha nga chilambo chikolongwa na mamulaka gabhe makolongwa ga ku Loma mu chilambo chichoko cha Asia. Chilambo cha ku Efeso chikibha chitendakumanyikana muno kubhokana na Nyuumba ja Annoongo jijikabhee monomwe na yakubhee likibha litekubhekwa kwa ligongo lya lihengo lya annoongo ahikege jwa Chiyunani chichikakemwa Alitemu, mu Hikubho chula ja 19:23-3-1. Libhoga lya bhandu bhabhahobhalela Akilisito lilikibha ku Efeso likajemeka kongo libhi na machili nambo muuda gugukahika likachiobhalela, Uhunukulo chula ja 2:1-7.
Apaulo atendakongolela mu chehemu ja kujemeka ja balua jenjeni henela Annoongo chibhakaagula bhandu na kwaaokoanga kubhoka mu mabohu gabhenji kupetela Ayesu Kilisito. Atendakulilandanikia libhoga lya bhandu bhabhahobhalela Akilisito na mmele, na Akilisito handa mutwe gwabhe. Hela hela atendakulilandanikia libhoga lya bhandu bhabhahobhalela Akilisito na nyuumba, na Akilisito handa liganga lya nchingi au liganga lya nnungulugulu lya nyuumba jenejo. Mu chehemu ja bhele ja chitabu chenjeni, Apaulo atendakongolela abhikulangia henala mundu jwaatekwahobhalela Akilisito chibhapalikwa kutama kwa kwanhobhalela jonojwe.
Gagabhile
Apaulo atendakuchikongolela mweene na kwaachalimianga bhandu bha ku Efeso, mu chula ja 1:1-2
Ngapena atendakongolela kubhandikilana pakati ja libhoga lya bhandu bhabhahobhalela Akilisito na Akilisito, mu chula ja 1:3-3:21.
Ngapena Apaulo atendakujandika abhikulangia henela bhandu bhabhahobhalile Akilisito chiipalikwa kutama, mu chula ja 4:1-6:20.
Apaulo atendakujomolekea kwa kulongela malobhe ga kujomolekea, mu chula ja 6:21-24.
Currently Selected:
Bhaefeso Nnongolelo: NTNHBL
Highlight
Copy
Compare
Share
Want to have your highlights saved across all your devices? Sign up or sign in
The New Testament in Ndondehamba Language ©The Word for the World International and Ndondehamba Language Translation, All rights reserved.