Bhagalatia 6
6
Tuhimbalilane na Kujangatilana
1Akaannung'una bhangu, handa mwabhonite amundu teno atekulemwa, bahi, mwangota bhabhantandaa na Mboomo ja Annoongo mwanyamuke mundu jonojwe kwa kuchitimalika, nambo nchilolekeenge nkotokujingilanga mu kujigwa konokwe. 2Nnyangatilanange mu hindondo yinunji na henela mpakwela malagilo ja Akilisito. 3Handa mundu apakuchibhona kubhee nga jwammbone kongo abhi ngabha jwammbone, jonojwe apakuchitemba mwene. 4Nambo kila jumo na achilolekee henela chibhatama. Handa atendakutama kwa kupangana hikubho yammbone, bahi apakombola kuhanagalala pangali kuchilandanikia na chibhatama mundu jongi. 5Maana kila jumo apalikwa kuhitola hindondo yabhe mwene. 6Bahi, jwajigana lilobhe lya Annoongo na achikichane na jwaajigana jwabhe mu genigala gammbone. 7Nkotokutembekwa na bhandu, Annoongo ngatendelwa mbeenje. Chibhaapandite mundu nga chiapakuuhuna. 8Jwaapangana handa mmele gwabhe chigupala, apakuhuna mabohu, na jonojwe jwaapangana hikubho hiibhajilwa Mboomo jwa Annoongo apakupata umomi gwa machobha goa pangali kupela. 9Bahi, tukotokutotokela kutenda gammbone, maana handa ngahekeleka ntima, tupakuhuna kwa muuuda gwabhe 10Henela, tukibha tangu na muda, twatendelange bhandu bhoha gammbone, muno kwa akaajitu bhabhahobhalela Akilisito.
Majigano ga kupela na chalaamu
11Nnolange henela chinannyandikilinge kwa majandiko makolongwa, kwa lubhoko lwangu namwene. 12Bhenibhala bhabhapalanga kubhonekana bhakuhalala kwa hikubho ya mmele nga bhabhapalanga kunkulumikianga mwangota bhanhinange. Bhatenda henela ligongo limo tu, kupala bhenabho bhene bhakotokulaganganga ligongo lya kujigana tu kwa ngani ja nchalaba gwa Akilisito. 13Maana, habhobho bhene bhahinitinge ngakamulanga malagilo, bhampalanga mwangota bhanhinange bhapatange kuchipunilanga alama jenejo mummele jinunji. 14Nambo nenga nichipunilaopo ng'o chohachela ila nchalaba gwa Hangwana bhitu Ayesu Kilisito, maana kwa ndela ja nchalaba hogwe hikubho yoa pachilambo gangalimaana kwaachangu ligongo ndekubhee handa mundu junyomwiike mu hikubho yeneyo. 15Kuhinwa au pangakuhinwanga ngabha chilebhe, nambo chikubho chichibhii chikolongwa nga mundu kutendwa kubhee jwa nangocheni. 16Bhabhaakagulanga kutandaikwa konokwe, ndendakuntakianga kuhengwa na kiha, kuhengwa na kiha kwa bandu bha ku Isilaeli. 17Bahi, nangocheni mundu johajola akotokunjumbua kabhele, maana mii na chilangio mummele gwangu jijilangia kubhee nenga nga jwa Ayesu.
18Mwakanung'una, umbone gwa Hangwana bhitu Ayesu Kilisito jibhee na mwangota. Jibhee henela.
Currently Selected:
Bhagalatia 6: NTNHBL
Highlight
Copy
Compare
Share
Want to have your highlights saved across all your devices? Sign up or sign in
The New Testament in Ndondehamba Language ©The Word for the World International and Ndondehamba Language Translation, All rights reserved.
