2 Juan 1
1
1Ya sulat ini, lyumekat adi kanak na maggagaday sa manga mangintu-uway. Pigsulatan ta kamu na manga pigginawa͡an ku.
Dun ni kamayu pagkatipun pada manimba, pigpa-unawa ku kamu sa sambuk na ina na pigpamalliꞌ da na Tyumanem, aw ya kadég mayu na nyangintu-u kasiling kamu na mangayseꞌ nan. Aw alag ta kamu pigginawa͡an, aw bekeꞌ ku oloꞌ, dala uman ya kadég na manga mangintu-uway na dyumalug sa matinaw na palna-u. 2Aw ya pagginawa nami kamayu, asuntu na pigdawat tadun ya matinaw na palna-u aw awun yeiy gayed ni kanaten anenganeng na walaꞌ ya tyamanan.
3Awun gayed ni kanaten ya grasya aw kallat aw kalinaw na lekat adti Tyumanem na yan ya Ama, aw lekat uman adti kan Jisu-Kristu na kanan Iseꞌ. Alag yeiy tadun matagtun asuntu na nyangintu-u kitadun sa tengteng matinaw aw asuntu uman na miggaginawa͡ay kitadun.
Ya paggaginawa͡ay na manga mangintu-uway
4To-o aku migleya asuntu na dyengeg ku na ya eped kamayu gayed dyumalug sa matinaw na palna-u, kasiling na pigsuguꞌ na Ama kanaten. 5Yanagaw nyanginayuꞌ aku kamayu na maggaginawa͡ay ya kadég tadun. Bekeꞌ yeiy na bagu na suguꞌ kay kya-ede-an da tadun lekat pa na bagu kitadun nyangintu-u. 6Ya tengteng pagginawa sa Tyumanem, yan ya pagdalug sa manga suguꞌ nan. Aw ini ya suguꞌ nan kanaten na dyengeg mayu lekat pa idtu na bagu kamu nyangintu-u kan Jisu-Kristu: Ka-ilangan maggaginawa͡ay ya kadég tadun.
Ya manga po-on ni Kristu
7Na, migsulat aku kamayu kay madég da ya magpalna-uway sa galuꞌ na asini tas na lupaꞌ. Pigbalyaw nilan na si Jisu-Kristu nya-imoꞌ utaw, aw silan ya manga po-on na mig-ampang sa palna-u nan, aw gayed nilan pigpasuway ya manga utaw. 8Yanagaw, magpakatadeng kamu na diliꞌ malagak ya kamayu kyapagudan, aw tibagsegi mayu uman na madawat ya kadakulaꞌ na pigtagilan da na Tyumanem kamayu.
9Ya utaw na walaꞌ da pangintu-u sa palna-u ni Kristu manang pigdugangan pa nan baling ya palna-u yeiy, walaꞌ dun ni kanan ya Tyumanem. Manang ya magpadeleg mangintu-u sa palna-u nan, awun ni kanan ya Ama aw ya Iseꞌ. 10Aw kun awun utaw na mawun dun ni kamayu na magpalna-u sa sangkamuluꞌ, diliꞌ mayu sakanan pagpaseleden adti kamayu balay aw diliꞌ kamu maglong na magad kanan ya kalinaw. 11Kay kun magbalawbalaw da kamu, kasiling na tyumabang kamu kanan adti imo-unun na malatay.
12Na, madég pa galu ya un ku paglongun kamayu, manang diliꞌ ku betang asini sulat ini, kay kaliman ku na magkakita͡ay pa kitadun aw magbalawbalaw pada malingeb ya kanaten pagleya.
13Ya manga mangintu-uway na migkatipun nyanimba idi, nyangumusta silan kamayu. Kasiling silan na kaylug mayu na pigpamalliꞌ uman na Tyumanem.
Currently Selected:
2 Juan 1: klgv
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc. All rights reserved.
