Wahiyuu 5
5
Kalulungina Kitabi Motosegele tee Anana Dumba
5:1-14
1 #
Yes. 29:11; Yeh. 2:9-10. Kasiimpo i lima kaanana mouncurana i bhawona kauncuramaka sumai, kukamata saangu kalulungi mobukeakana kaburi i weta i sambali tee i weta i nuncana. Kalulungina sumai atosegele tee pitu angu segele minaaka i taru. 2Iaku uka kukamata malaaʼekati momakaana mpuu bukuna, mogorana tee suara makaa, "Incema buaka molaengana mobungkalena manga segelena tee mobungkalena kalulungina sumai?" 3Inda dhaangia samia uka, malape i sorogaa, i bhawona alamu, atawa i tambena alamu, momembalina mobungkalena kalulungi sumai atawa mokamatana antona. 4Sumaimo kutangi kukaʼusuʼusu roonamo inda samia uka ipotibhaakaku molaengana to mobungkalena kalulungi sumai atawa mokamatana antona. 5#Bhaa. 49:9; Yes. 11:1; 11:10. Kasiimpo samia minaaka i tanga-tangana manga mancuana sumai apogau tee iaku, "Bholimo utangi! Kamatea, Singa mokokuasana mominaakana i lipuna Yuda tee Kulesena Daud,#5:5 Kulesena Daud: Siitumo sala saangu saro mokomaʼanana ande o Al Masi ijanjiaka sumai aminaaka i siwuluna Raja Daud. Kamata Yes. 29:18-19; 35:4-6; 42:6-7tee Mat. 9:27. siitumo siwuluna Raja Daud, akanamo, sabutuna Incia amembali abungkale kalulungina sumai tee pitu angu segelena."
6 #
Yes. 53:7; Zak. 4:10. Kasiimpo kukamata i tanga-tangana kauncuramaka dhaangia tee pata mbaa mahaluku tee i tanga-tangana manga mancuana sumai akakaro sambaa Anana Dumba#5:6 Anana Dumba: Sambaa dumba atopake to kurubani mohapusuna dosa i nuncana Hukumuna Taurati. Yahya asarongiaka Isa Al Masi "Anana Dumba" i nuncana boku incia sii, roonamo Incia atokurubaniaka mamudhaakana ahapusu manga dosana dunia. mboomo mopadhana motosumbele. Dumba sumai akotandu tee akomata pitu angu, siitumo pitu angua Rohina Aulataʼala mopadhana ilambokona i saangua dunia. 7Kasiimpo Anana Dumba sumai aumba tee aala kalulungi sumai minaaka i lima kaanana mouncurana i bhawona kauncuramaka sumai. 8#Zab. 141:2. Wakutuuna kalulungi sumai aalea, asujumo pata mbaaia mahaluku tee rua pulu pata miaia mancuana sumai i aroana Anana Dumba,#5:8 Anana Dumba: Siitumo Isa. sumbesumbere akeni kecapi tee mangkona bulawa mobukeakana dhupa, siitumo doʼana manga mia mosaalihi. 9#Zab. 33:3; 98:1; Yes. 42:10. Manga incia bhari-bharia alaguaka saangu lagu bhaau, mboosii onina,
"Ingkoo ulaenga uala kalulungi sumai
tee ubungkale manga segelena,
roonamo Ingkoo padhamo utosumbele,
tee raamu Ingkoo utolosiaka manga incia to Aulataʼala
minaaka i bhari-bharia pogau, kaomu, suku, tee lipu.
10 #
Limb. 19:6; Wah. 1:6. Ingkoomo mopamembalina manga incia amembali saangu pamarinta tee manga imamu to Aulataʼalata,
tee manga incia bhari-bharia bheaparinta i bhawona dunia."
11 #
Dan. 7:10. Kasiimpo kukamata tee kurango rewu-rewuna tee juta-jutana kabharina suarana malaaʼekati. Manga incia abulilingi kauncuramaka tee pata mbaaia mahaluku tee manga mancuana sumai. 12Manga incia tee suara makaa alaguaka pogau incia sii,
"Alaenga o Anana Dumba mopadhana isumbele sumai
to atarima kakuasa, karangkaea, hikimati, kakaa,
kahoromati, kamuliangi, tee kapujia!"
13Kasiimpo kurangoa uka bhari-bharia mahaluku i sorogaa, i dunia, i tambena dunia, i tawo, tee bhari-bharia modhaangiana i nuncana apogau,
"Sagala kapujia, kahoromati, kamuliangi, tee kuasa saʼumurua
to Incia mouncurana i bhawona kauncuramaka sumai tee Anana Dumba sumai."
14Pata mbaaia mahaluku sumai uka apogau, "Aamin." Kasiimpo bhari-bharia manga mancuana sumai uka asuju asomba.
Currently Selected:
Wahiyuu 5: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
