Popular Bible Verses from Wahiyuu 5

Share

Manga incia bhari-bharia alaguaka saangu lagu bhaau, mboosii onina, "Ingkoo ulaenga uala kalulungi sumai tee ubungkale manga segelena, roonamo Ingkoo padhamo utosumbele, tee raamu Ingkoo utolosiaka manga incia to Aulataʼala minaaka i bhari-bharia pogau, kaomu, suku, tee lipu.

Manga incia tee suara makaa alaguaka pogau incia sii, "Alaenga o Anana Dumba mopadhana isumbele sumai to atarima kakuasa, karangkaea, hikimati, kakaa, kahoromati, kamuliangi, tee kapujia!"

Ingkoomo mopamembalina manga incia amembali saangu pamarinta tee manga imamu to Aulataʼalata, tee manga incia bhari-bharia bheaparinta i bhawona dunia."

Kasiimpo kurangoa uka bhari-bharia mahaluku i sorogaa, i dunia, i tambena dunia, i tawo, tee bhari-bharia modhaangiana i nuncana apogau, "Sagala kapujia, kahoromati, kamuliangi, tee kuasa saʼumurua to Incia mouncurana i bhawona kauncuramaka sumai tee Anana Dumba sumai."

Kasiimpo samia minaaka i tanga-tangana manga mancuana sumai apogau tee iaku, "Bholimo utangi! Kamatea, Singa mokokuasana mominaakana i lipuna Yuda tee Kulesena Daud, siitumo siwuluna Raja Daud, akanamo, sabutuna Incia amembali abungkale kalulungina sumai tee pitu angu segelena."