Wahiyuu 4
4
Rua Pulu Pata Mia Mancuana tee Pata Mbaa Mahaluku
4:1-11
1Kasiimpo, iaku kukamata saangu bhamba atobungkale i sorogaa, tee o suara mopadhana irangoku i piamo itu, apogau tee iaku mboomo onina sangkakala, pogauna, "Penemo iwe sii, Iaku bhekususuakako manga giu bhemomembalina naile itu." 2#Yeh. 1:26-28; 10:1. Wakutuu incia sumai uka akuasaiaku Rohina Aulataʼala, kasiimpo kukamata saangu kauncuramaka i sorogaa, tee dhaangia samia o mia mouncurana i bhawona kauncuramaka incia sumai. 3Rouna mia incia sumai akocahea mboomo tundu yaspis tee tundu sardis, tee saangu ntorouwe mokowaranaana mboomo zamrud mobulilingina kauncuramaka sumai. 4I saripina kauncuramaka sumai dhaangia rua pulu pata angu kauncuramaka mosagaanana, tee i bhawona manga kauncuramaka sumai auncuramikia rua pulu pata mia manga mancuana. Manga incia apake pakea maputi tee mahakota bulawa i bhaana. 5#Limb. 19:16; Yeh. 1:13; Zak. 4:2; Wah. 1:4; 8:5; 11:19; 16:18. Minaaka i kauncuramaka sumai apokilati o bhibhito tee suarana bherese mopogunturi. Dhaangia uka pitu angu oboro mororena i aroana kauncuramaka sumai, siitumo pitu angua Rohina Aulataʼala. 6#Yeh. 1:22. #Yeh. 1:5-10; 10:14. I aroana kauncuramaka sumai dhaangia saangu tawo motokamatana mboomo kaca tee arara mboomo kristal.
I tanga-tangana kauncuramaka sumai abulilingia pata mbaa mahaluku mobukeakana tee mata i aroa tee i talikuna. 7Mahaluku mobhaa-bhaana o bhanguna mboomo singa, mahaluku i rua mbaana mboomo anana sapi, mahaluku i talu mbaana o rouna mboomo maanusia, tee o mahaluku i pata mbaana mboomo manu-manu bunia motangasaana mopolaka. 8#Yes. 6:2-3; Yeh. 1:8; 10:12. Pata mbaaia mahaluku sumai sumbesumbere akopani nama angu, sainamo i saripina tee i weta i nuncana abukeaka mata. Malo eona manga incia inda aunto apogau,
"Amangkilo, amangkilo, amangkilomo
o Aulataʼala, Kawasana Opu Mokokuasana Mpuu,
modhaangiana i zamani i piamo itu, modhaangiana sii-sii, tee bhemodhaangiana saʼumurua."
9Wakutuuna pata mbaaia mahaluku sumai alaguaka lagu kapujia tee adhawuaka kahoromati tee kasukuru to Incia mouncurana i bhawona kauncuramaka tee modhadhina saʼumurua sumai, 10rua pulu pata miaia mancuana sii asujumo i aroana Incia mouncurana i bhawona kauncuramaka, tee asomba Incia modhadhina saʼumurua sumai. Kasiimpo manga incia adhika mahakotana samia-samia i aroana kauncuramaka sumai apoose apogau,
11"E Aulataʼala, e Kawasana Opumami, Ingkoo ulaenga
utarima kahoromati, kamuliangi, tee kuasa.
Roonamo Ingkoomo mopadhaangiana sagala giu,
tee minaaka i kapeeluamu uka bhari-bharia sumai adhaangia
tee atopadhaangia."
Currently Selected:
Wahiyuu 4: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
