Zaburu 90
90
BOKU I PATA ANGUNA:
ZABURU 90--106
Kawasana Opu, Tampana Peulusa Saʼumurua
90:1-17
1Doʼana Musa, bhatuana Aulataʼala.
E Kawasana Opu, Ingkoomo tampamami tapeulu
to saʼumurua.
2Indapo manga gunu atopadhaangia,
indapo alamu tee dunia sii upamembalia,
Ingkoomo Aulataʼala mobakaa, inda tee auwalina inda tee aahirina.
3 #
Bhaa. 2:7. Ingkoo ubhalii maanusia amembali ngawuna tana,
firimanimu, "Mbulimo i asalamu e anana maanusia."
4 #
2Ptr. 3:8. I nuncana pokamatamu sarewu tao
apokana mboomo eo iawi siimpo molapana,
atawa mboomo sapalika jagaana malo.
5Ingkoo upepadhai dhadhimami mboomo tapongipi,
mboomo rumpu motunana saeona;
6wakutuuna saeona o rumpu atuwu tee atuna,
maka wakutuuna konowia amalau tee amatuu.
7Sababuna ingkami tamofu roonamo amaramu,
tee ingkami tatokidha roonamo pamurumu.
8Manga kasalahamami udhikaia i aroamu
tee o dosamami motobuniaka atokamata i nuncana caheana roumu.
9Sababuna bhari-bharia eomami tanamisi pamurumu mokarore-rore,
tee talaloi tao-taomami mboomo kadheina tapoinunca.
10Kangengena dhadhimami tangkanamo pitu pulu tao,
atawa ande amakaa o bukumami koroo akawa walu pulu tao,
maka manga eo momalape mpuu ipotibhaakamami tangkanamo kasukara tee kanarakaa;
dhadhimami amampodho tee amasimba, sapadhana sumai tamofumo.
11Incema buaka momatauna kaogena amaramu?
Pamurumu amaoge mpuu apokana mboomo mia amaekako.
12Manga adharimo to tagagari eo-eomami momampodhona sii
mamudhaakana ingkami tapotibhaaka o ngangaranda moʼaarifu.
13E KAWASANA OPU, mbulimo. Sakawana naepia Ingkoo uʼamara?
Maasiakapea manga bhatuamu.
14Patumpua o incamami i wakutuuna saeona tee kaasimu molagina
mamudhaakana ingkami tasambo-sambo tee takaunde-unde saʼumurua dhadhimami.
15Pasanaaia o incamami, apokana mboomo upewau eo-eomami i piamo itu asukara,
tee apokana tee tao-tao itanggomami wakutuuna tanamisi kanarakaa.
16Taroakamo opea ipewaumu akamatea manga bhatuamu,
tee o kuasamu momulia sumai akamatea manga anamami.
17Taroakamo kabarakatina Kawasana Opu, Aulataʼalamami, dhaangia to ingkami.
Pekatangkea o angkana limamami, mamudhaakana usahamami akohasili!
Currently Selected:
Zaburu 90: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
