Zaburu 73
73
BOKU I TALU ANGUNA:
Zab. 73--89
Giu Imeriaka tee Giu Iharapu
73:1-28
1Zaburuna Asaf.#73:1Asaf: Incia apatugasiakea Nabii Daud to akapalai molaguna i nuncana Bhanuana Aulataʼala.
Satotuuna o Aulataʼala sumai amalape tee miana Israel,
tee mia morelana totona incana.
2Maka iaku saidhepo kusindoli,
tee saidhepo kumanduli,
3roonamo kugigibulu kukamata mia mosombo
wakutuuna kukamata kasanaana tee karangkaeana mia madhaki.
4Manga incia inda anamisi kapii,
badana manga incia amalompo tee amakaa.
5Manga incia inda anamisi kanarakaa mboomo mia mosagaanana,
tee manga incia inda akangkanaia balaa mboomo maanusia mosagaanana.
6Siitumo o sababuna manga incia aporanteaka tee pewau mosombo,
tee kasegana asalibumbuaka karona mboomo juba.
7Matana manga incia aʼuntu roonamo kaogena bukuna,
ngangarandana manga incia abukeaka tee manga haejati madhaki.
8Manga incia tee kadhakina aele-ele tee apeonii mia mosagaanana,
tee kalangana incana manga incia apekapahanda tee apekapisaki.
9Ngangana manga incia ahina sorogaa,
tee dhelana atipua saangua dunia to abhoasaka manga pogau inda mokoguna.
10Sumaimo manga mia ambuli aose manga incia,
tee inda apotibhaaka saangu kasalaha uka minaaka i manga incia.
11Tee manga mia madhaki apogau, "Tuaapa o Aulataʼala bheamataua opea ipewaumami?
Buaka Incia Momalangana dhaangia tee imatauna?"
12Kamatamea, mboo siimo manga mia madhaki:
manga incia atanangi torosu tee o harataana ahandamo abhari.
13Satotuuna asia-siamo kujagani ngangarandaku mamudhaakana amangkilo,
tee kubhanui limaku to tandana inda kusala.
14Roonamo saeoa akangkanaiaku balaa,
tee saraneeo-saraneeo kutohukumu.
15Ande kupogau, "Iaku gauku kupogau mboo sumai,"
sumaimo iaku kuhianati siwuluna uumatimu.
16Maka i wakutuuna kuʼusaha to kumaʼanaia,
hali incia sumai amarasai mpuu to iaku;
17siimpo kumataua o kapadhaana dhadhina manga incia
wakutuuna kupesua i nuncana bhanuana Aulataʼala.
18Satotuuna, i tampa momararo udhika manga incia,
tee upekandawua manga sakawana abinasa.
19Manga incia abinasa sakijamata,
apaampea sakawana amofu minaaka i kamingkiri.
20Manga mia madhaki bheaila mboomo pongipi i wakutuuna o mia atobhangu i koleana.
E Kawasana Opu, kaudhania to manga incia uhapusua wakutuuna ubhangu.
21Wakutuuna ngangarandaku amaporo mpuu,
tee o baatiniku mboomo isusu-susu,
22iaku kukabhongo-bhongo tee inda tee imaʼanaiku,
i aroamu iaku mboomo binata inda mokoʼakala.
23Moomini mboo sumai, iaku sadia i saripimu.
Ingkoo ukeni lima kaanaku.
24Ingkoo utondaaku tee naasehatimu,
tee utarimaaku tee kahoromati naile itu.
25Incema motulungiaku i sorogaa ande mencuana Ingkoo?
I dunia sii inda dhaangia ipeeluku, ande mencuana Ingkoo.
26Inyawa tee badaku amembali amofu tee abinasa,
maka o Aulataʼala kakaana incaku
tee o tinaurakaku saʼumurua.
27Satotuuna o mia momaridhona minaaka i Ingkoo bheabinasa.
Ingkoo bheupabinasa manga mia mohianatiko.
28Maka to iaku, tapanamo kalape ande kupomakasu tee Aulataʼala,
KAWASANA OPU Aulataʼala bhekupamembalia o tampana peulusaku
mamudhaakana kumembali kupetulatulaakea bhari-bharia ipewaumu!
Currently Selected:
Zaburu 73: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
