إنجیل مَرقُس 16
16
قیام عیسیٰ
1وَکت إلْلي تَعَدَّه یُوم الْشَبّات، مَریَم الْمَجدَلیّه وَ سالومه وَ مَریَم، أم یَعقوب، إشْتَرَن زِیوت مُعَطَّره خاطِر یِرْحَن وَ یِدَهنَن جَسَد عیسیٰ. 2چا بي أوَّل یُوم مِن الْأسبوع، الْفَجُر، بي وَکِت طَلعَة الشَّمِس، راحَن صُوب الْگَبُر. 3ذِنیچ چانَن ایگولِن وَحده لِلْأخرَیٰ: «یاهو یِدَحرِج ألنا الصَّخره مِن جِدَّام الْگَبُر؟» 4أمَّن مِن باوِعَن، شافِن ذیچ الصَّخره إلْلي چانَت وایِد چِبیره، إمدَحْرِجه مِن جِدَّام الْگَبُر عَلَیٰ جَنَب. 5وَکت إلْلي دَخلَن بي الْگَبُر، شافِن شاب چان گاعِد عَل یَمین وَ لابِس ثِیاب بیض. خافَن مِن شافَنه. 6الشّاب گِلهِن: «لا تْخافَن. أنتِن إتدَورَن عَلَیٰ عیسیٰ النَّاصِري إلْلي إنْصَلَب. هُوَّ گایِم؛ مو أهنا. باوعَن لِمَکان إلْلي چانُوا حاطّین جَسَده. 7هَسّه، روحَن وَ گولِن لِتِلامیذه وَ لِپِطرُس إلْلي هُوَ یِسبُگْکُم وَ ایروح لِمَنطَقة الْجَلیل؛ إتْشوفونه أهناک، مِثِل ما گَبُل چان گایِل ألکُم.» 8چا الْنِسوان طَلْعَن وَ شِردَن مِن الْگَبُر، لِأن چانَن یِرِجفَن وَ مِتْحَیّرات. ذِنیچ ما گالِن شي لِأحَد، لِأن چانَن یِخافَن.
9وَکت إلْلي عیسیٰ بي الْفَجُر، أوَّل یُوم الْأسبوع گام، أوَّل ظَهَر عَلَیٰ مَریَم الْمَجدَلیّه إلْلي چان إمْطَلِّع مِنها سِبِع أرواح شَیطانیَّه. 10مَریَم هَم راحَت وَ خَبِّرَت أصحابه إلْلي چانُوا حازْنین وَ یِبچون. 11أمَّن ذاکول مِن سِمعَوا إلْلي عیسیٰ حَيّ وَ مَریَم شایْفِته، ما إجِّنَوا.
12مِن بَعَدها، عیسیٰ بي غِیر وَیِه ظَهَر عَلَیٰ شَخصِین مِن ذاکول إلْلي چانُوا یِرحون لِلْمَزارِع. 13ذاکول الْأثنَین رِجعَوا وَ خَبِّرُوا باجي الْأشخاص مِن هَذا الْأمَر، أمَّن ما إجِّنُوا حَچیهُم.
14بَعدِین عیسیٰ ظَهَر عَلَیٰ ذاکول الْأحدَعَش شَخُص، بي وَکت الْأکِل، وَ لامهُم بي سَبَب عَدَم إیمان وَ صَلابَة گُلوبهُم، لأن ما إجِّنُوا حَچي أشخاص إلْلي چانُوا شایفینه مِن بَعَد قیامه. 15بَعدِین گِلهُم: «روحوا لِکِل الْعالَم وَ وَعظوا الْإنجیل لِکِل الْخَلایِگ. 16کِلمَن یُؤمِن وَ یِتْعَمِّد، یِنْجَح. أمَّن کِلمَن ما یُؤمِن، یِنْحُکُم. 17وَ هِذِن الْعَلائِم إتْکون مَعَ الْمُؤمِنین: بي أسمي یِخَرجون إرواح الْشَیطانیَّه وَ یِحچون بي ألسِنه جِدیده 18وَ یِکُضّون الْحَیَّایه بي إیدهُم، وَ وَکت إلْلي یِشُربون سَم چَتّال، ما یِصیبهُم شي، وَ یِحُطّون إیدهُم عَلَیٰ الْمَرضیٰ وَ ذاکول یِشفون.»
19عیسیٰ الرَّب بَعَد ما گِلهُم هَذا الْحَچي، إنْرُفَع لِلسَّماء وَ گَعَد عَلَیٰ إید یِمنَة الْإلَه. 20چا هِذول طَلعَوا، بي کِل مَکان چانُوا یوعظون، وَ الرَّب چان يِساعِدهُم وَ یِثَبِّت کَلامه مَعَ الْمُعجِزات إلْلي چانَت مَعَهُم.
Currently Selected:
إنجیل مَرقُس 16: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
