لوقا 21
21
هِدیَّة أرمَله الْفَقیره
1عیسیٰ باوَع لِلْأطراف وَ شاف أغنیاء إلْلي چانُوا یِذِبّون هَدایاهُم بي صَندوگ الْمَعبَد. 2بي ذاک الْبِین هَم شاف أرمَله فَقیره إلْلي ذِبِّت فِلسِین بي الصَّندوگ. 3عیسیٰ گال: «بِالْحَق أگِلکُم، هَي أرمَله الْفَقیره أَنْطَت أکثَر مِن کِل ذاکول. 4لِأن ذاکول کِلهُم أنْطُوا مِن چِثرَة أموالهُم، أمَّن هَي الْمَراء بي ضیگَتها، أَنْطَت کِل رِزِقها.»
علایِم نَهایَة هَذا الْعَصر
5وَکت إلْلي بَعَض چانُوا یِحچون بي وَصف الْمَعبَد إلْلي إشلون إمزَیَّن بي صَخَر حِلو وَ هَدایَاء، عیسیٰ گال: 6«ایّي زَمان إلْلي مِن شي إلْلي إتشوفون أهنا، ما تُبقیٰ صَخرَه عَلَیٰ صَخرَه أخریٰ، بَل کِلَّه یِنْهِدِم.»
7سألُوا: «یا مُعَلِّم، یِمته یِوُگعَن هِل وَقایِع وَ شِنهو عَلامَة گُرُبهِن؟» 8عیسیٰ جاوَب: «کونوا واعیین خاطِر لا تْضَیعون الطَّریق؛ لِأن چِثیرین إیّون بي أسمي وَ ایگولون: ”إنّي أنا هُوَّ“ وَ ”واصِل زَمان الْمُوعود“. لا تِّبْعونهُم.
9«وَ وَکت إلْلي تِسِمْعون خَبَر الْحُروب وَ إغتِشاشات، لا تْخافون. لِأن کون أوَّل إتْصیر هِیچ وَقایِع، أمَّن نَهایِتها ما تُوصَل فُوراً.» 10بَعدِین گال ألهُم: « راح إیگوم قُوم عَلَیٰ قُوم وَ حُکومَه عَلَیٰ حُکومَه أخریٰ. 11راح تیّي زَلازِل شَدیده وَ گَحَط وَ طاعون بي أماکِن مِختِلفه، وَ إتْصیر وَقایِع إتْخَوُّف، و راح تِظهَر عَلایِم عَظیمَه مِن السَّماء.
12«أمَّن گَبُل هِذِن کِلهِن، یِکُضّونکُم، یِلَوْعونکُم وَ یِسِلمونکُم لِمَحَل عِبادَة الْیَهُود وَ السُّجون، وَ لِخاطِر أسمي، یَأخذونکُم عِند الْمُلوک وَ الْوالین 13وَ هِیچ تِلگون فُرصَه خاطِر تِشِهدون. 14خِلّوا هَي بي بالکُم زِین إلْلي مِن گَبُل لا تْصیرون بي فَکِر إلْلي شِتْگولون بي دِفاع مِن نِفِسکُم. 15لِأن أنْطیکُم کَلام وَ حِکمَه إلْلي وَلا أحَد مِن عِدوانکُم یِگدَر یِقاوُم لُو یِخالِفْهِن. 16حَتَّیٰ والدِین وَ خُوّانکُم، گَرایِب وَ صُدقانکُم یِسِلمونْکُم لِلْعَدو وَ یِقِتلون بَعَض مِنکُم. 17النَّاس کِلها تِکرَهکُم لِخاطِر أسمي. 18أمَّن ما تْطیح شَعره مِن روسکُم. 19إتنَجّون نِفِسکُم بي صَبُر. 20«وَکت إلْلي إتشوفون أورشَلیم إمحاصَر بي الجِّیوش، أُعُرفوا إلْلي إنهِدامه جِریب. 21بَعدِین ذاکول إلْلي إیکونون بي مَنطَقة الْیَهُودیَّه یِشِردون لِلْیِبال وَ ذاکول إلْلي إیکونون بي الْمَدینه یِطُلعون مِن الْمَدینه وَ ذاکول إلْلي إیکونون بي الْبَر وَ الصَّحراء لا یِدِشّون بي الْمَدینه. 22لِأن ذِکِن الْأیَّام، إیکونَن أیَّام عِقاب وَ تِتْحَقِّق بیهِن کِل شي إلْلي مِکتوب. 23یا وَیل عَلَیٰ الْحَوامِل وَ الْأمَّهات إلْلي یِرَضعَن بي ذِکِن الْأیَّام! لِأن مُصیبَه عَظیمَه إتْصیر بي هِل أراضي وَ هَذا الْقُوم یِبتِلي بي غَضَب الْإلَه. 24یِنقَتلون بي السِّیف وَ یِتْأسِّرون بِین جَميع الْأقوام وَ یِنْداس أورشَلیم مِن طَرَف غِیر الْیَهُود، لِوَکت إلْلي تِنتِهي دُورَة غِیر الْیَهُود.
25«تِظهَر عَلایِم بي الشَّمِس وَ الْگُمَر وَ النُّجوم. عَل أرض، الْأقوام تِتوَتَّر وَ تِحتار مِن هِیجَة روي الْبَحَر. 26النَّاس مِن فُکرَة شي إلْلي کون یِحدِث عَلَیٰ الدِّنیا، مِن چِثرَة الْخُوف یِغشي عَلِیهُم، لِأن نَظم وَ ثِبات السَّماء تِهتَز. 27بَعدِین یِشوفون ابِن الْإنسان إلْلي بي قُوَّه وَ مَجِد عَظیم ایّي بي غِیمه. 28وَکت إلْلي تِبدَء هِل أمور، أُگفوا جِد وَ أُرُفعوا رَؤسکُم، لِأن تَحریرکُم جِریب!»
29وَ یَاب ألهُم هَذا الْمَثَل: «باوعوا لِشِجرَة التّین وَ أشجار أخریٰ. 30وَکت إلْلي إتخَضُّر، تِگِدرون إتْشوفون وَ تِفتَهمون إلْلي الْگِیض جِریب. 31بي هِل شِکِل، کِل ما إتْشوفون یِصیرَن هِذِن الْأشیاء، تِفتَهمون إلْلي مَلَکوت الْإلَه إتگَرَّب. 32بِالْحَق، أگِلکُم، یُبقیٰ هَذا الْجیل لَمَّن توگَع کِل هِل أمور. 33السَّماء وَ الْأرض یِنْمَحَن، أمَّن حَچیي أبَد ما یِنْمِحي.
34«کونوا واعین، خاف الْوَناسه وَ السَّکُر وَ هُموم الْعیشه إتثَگُّل گُلوبکُم وَ ذاک الْیُوم مِثِل فَخ فِرِد مَرَّه یِغافِلکُم. 35لِأن یوگَع عَلَیٰ کِل النَّاس بي کِل الْعالَم. 36چا کِل وَکِت دیروا بالکُم وَ إنْدِعوا خاطِر تِگِدرون إتضُلّون بي أمان مِن کِل هِل أشیاء إلْلي بي گُرُب توگَع، وَ تُوگفون بي حُضور ابِن الْإنسان.»
37عیسیٰ کِل یُوم چان یِعَلِّم بي مَعبَد الْیَهُود وَ کِل لِیله چان یِطلَع مِن الْمَدینه وَ چان یِگَضّي اللِّیل لِلصُّبُح فُوگ یِبَل الْمَعروف بي زِیتون. 38الصُّبحیات النَّاس چانُوا یِنجَمعون بي الْمَعبَد خاطِر یِسِمعون حَچیه.
Currently Selected:
لوقا 21: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
