لوقا 18
18
مَثَل أرمَله مُلِحَّه
1عیسیٰ یاب مَثَل لِلْتِلامیذ خاطِر یِراوي إلْلي کِل وَکِت کون یِنْدِعون وَ أبَد لا یِأَیْسون. 2گال: «بي فِرِد مَدینه چان قاضي إلْلي لا چان یِخاف مِن الْإلَه، وَ لا یِعْتِني لِخَلگه. 3بي ذیچ الْمَدینه چانِت أرمَله إلْلي دایماً تیّي عِندَه وَ چانِت إترید مِنَّه یَأخذ حَگها مِن الْعَدو. 4الْقاضي چِم وَکِت ما أعْتَنیٰ بیها. أمَّن بي الْأخیر مَعَ نَفسه گال: ”وَلُو أنا ما أخاف مِن الْإلَه وَ لا أعْتِني لِخَلگه، 5أمَّن چِن هَي الْأرمَله دایماً إتزاحِمني، أخَذ حَگها، خاف دایماً تیّي وَ تِطلَع روحي!“» 6بَعدِین عیسیٰ الرَّب گال: «سِمَعتوا هَذا الْقاضي إلْلي مو مُنْصِف، إش گال؟ 7هَسّه، هَلْ الْإلَه ما یَأخِذ حَگِّ الْمِختارهُم إلْلي لِیل وَ نَهار یِطُلبون مِنَّه؟ هَلْ کِل وَکِت یِأَخِّر هَل شُغله؟ 8أگِلکُم إلْلي بي هِل گُرُب یَأخِذ حَگهُم. أمَّن وَکت إلْلي ابن الْإنسان، ایّي، هَلْ یِلگه إیمان عَل أرض؟»
مَثَل الْفَریسي وَ مُجَمِّع الْضَریبه
9بَعدِین لِذاکول إلْلي چانُوا مِتِّچین عَلَیٰ صالِحیِّتهُم وَ چانُوا یِباوعون لِلْآخَرین بي حَگارا، یَاب هَذا الْمَثَل: 10«شَخصِین راحُوا لِلْمَعبَد لِلْعِباده، واحَد عالِم فَریسي وَ الْآخَر مُجَمِّع الْضَریبه. 11الْفَریسي وُگَف وَ مَعَ نِفسه هِیچ إندَعیٰ: ”یا إلَه، أشکُرَک إلْلي ماني مِثِل باجي النَّاس حَرامي وَ فاسِد وَ زاني، وَ ماني مِثِل هَذ مُجَمِّع الْضَریبه. 12مَرتِین بي الْأسبوع أصوم وَ مِن کِل شي إلْلي أحَصله، أنْطي عُشر.“ 13أمَّن ذاک إلْلي یَأخِذ ضَریبه وُگَف بِعید وَ حَتَّیٰ ما راد یِشیل أعیونه صُوب السَّماء، بَل چان ایطِگ عَلَیٰ صَدره وَ ایگول: ”یا إلَه، أرحَمني، أنا مُذنِب.“ 14أگِلکُم هَذا الْزِلمه، وَ مو ذاک الْعالِم، إنحِسَب صالِح وَ راح لِلْبَیت. لِأن کِلمَن یِرفَع نَفسه، یِضغَر، وَ کِلمَن یِضَغُّر نَفسه یِنرُفُع.»
عیسیٰ وَ الْأطفال
15النَّاس حَتَّیٰ چانُوا ایِّبون الْرُضّاع عِند عیسیٰ خاطِر یِحُط إیده عَلِیهُم. التِّلامیذ وَکت إلْلي شافُوا هَي، عاتِبُوا النَّاس. 16أمَّن عیسیٰ رادهُم عِندَه وَ گال: «خِلّوا الْأطفال إیّون عِندي؛ لا تِمنَعونهُم، لِأن مَلَکوت الْإلَه لِهِیچ أشخاص. 17بِالْحَق، أگِلکُم، کِلمَن ما یِقبِل مَلَکوت الْإلَه کِطُفِل، أبَد ما یِدخَل الْمَلَکوت.»
رَئیس الْغَني
18واحَد مِنِ الرُّؤَساء سِأل مِنَّه: «یا مُعَلِّم الْطَیِّب، شِسَوّي خاطِر أَورِث حَیَاة الْأبَدیَّه؟» 19عیسیٰ جاوَب: «لِیش إتْنادیني طَیِّب؟ وَلا أحَد طَیِّب، غِیر الْإلَه بِس. 20تُعرُف الْأحکام: لا تِزني، لا تِقتِل، لا تْبوگ، لا تِشهَد چِذِب، أکرَم أبوک و أمَّک.» 21ذاک الرَّئیس گال: «عامِل هِذِن کِلهِن مِن ضُغري.» 22عیسیٰ وَکت إلْلي سِمَع هَي، گال: «بَعَد عِندَک شي ناگِص؛ شي إلْلي عِندَک بیعَه وَ قَسِّم ثَمَنه بِین الْفُقَراء، لِأن إتکون عِندَک خِزنه بي السَّماء. بَعدِین تَعال وَ أتبَعني.» 23ذاک الْزِلمه وَکت إلْلي سِمَع هَي، حِزَن، لِأن چان عِندَه ثَروَه چِثیره. 24عیسیٰ باوَع لَه وَ گال: «إشگَد صَعبه دِشِّة الْأغنیاء بي مَلَکوت الْإلَه! 25دِشِّة الْیِمَل مِن مِزگ الْإبره أسهَل مِن دِشِّة شَخص الْغَني بي مَلَکوت الْإلَه.»
26أشخاص إلْلي سِمعَوا هَي، سِألُوا: «چا یاهو یِگدَر یِنْجَح؟» 27عیسیٰ گال: «شي إلْلي مو مُمکِن لِلْإنسان، مُمکِن لِلْإلَه.»
28پِطرُس گال: «إحنَا عِفنا الْبَیت وَ عیشَتنا خاطِر نِتِبْعَک!» 29عیسیٰ گِلهُم: «بِالْحق، أگِلکُم، ماکو أحَد ایْعوف الْبَیت لُو الْمَراء لُو الْخُوّان لُو الْوالدِین لُو الْأولاد لِخاطِر مَلَکوت الْإلَه، 30وَ بي هَذا الزَّمان ما یْحَصُّل چِم أضعاف أکثَر، وَ بي زَمان الْآتي هَم ما یْحَصُّل حَیاة الْأبَدیَّه.»
نُبُوَّة عیسیٰ عَن مُوت وَ قیامته مَرَّه أخریٰ
31بَعدِین ذاکول الْأثنَعَش شَخُص یِرهُم عَلَیٰ کِتُر وَ گِلهُم: «هَسّه إنروح لِأورشَلیم. أهناک یِکمَل کِل شي إلْلي الْأنبیَاء کاتبینه عَن ابن الْإنسان. 32لِأن یِسَلمونه لِأقوام أجانِب. ذاکول یِمَسخُرونه وَ یِهینونه وَ یِتِفلون عَلِیه وَ یِجِلدونه وَ یِقِتلونه. 33أمَّن بي یُوم الثّالِث ایگوم.» 34التِّلامیذ ما فْتِهمَوا شي مِن کَلامه. مَعني حَچیه چان مَخفي عَنهُم وَ ما فْتِهمَوا عَن شِنهو یِحچي.
شَفاء فَقیر الْعَمیٰ
35وَکت إلْلي عیسیٰ وَصَل جِریب مَدینَة أریحا، فِرِد زِلمه عَمیٰ چان گاعِد عَل طَریق وَ یِجَدّي. 36وَکت إلْلي سِمَع صُوت الْجَمعیَّه إلْلي چانُوا یِتْعَدّون مِنَّاک، سِأل: «إش خَبَر؟» 37گالُوا: «عیسیٰ النَّاصِري گاعِد یِتْعَدَّه.» 38ذاک الْعَمیٰ صاح: «یا عیسیٰ، ابِن دَاوُد، أرحَمني!» 39أشخاص إلْلي جِدَّام الْجَمعیَّه چانُوا یِمشون، عاتِبُوه وَ رادُوه یِسکِت. أمَّن هُوَّ أکثَر صَیَّح إلْلي: «یا ابِن دَاوُد، أرحَمني!» 40بَعدِین عیسیٰ وُگَف وَ أمَر ایِّبون ذاک الْزِلمه عِندَه. وَکت إلْلي إتگَرَّب، عیسیٰ سِأله: 41«شِتْرید أسَوّي لَک؟» گال: «سِیِّدي، أرید أفَتِّش.» 42عیسیٰ گِلَّه: «فِتِّش! إیمانَک شَفاک.» 43الْعَمیٰ بي لَحظَتها فِتِّش وَ هُوَ یِشکُر الْإلَه، تِبَع عیسیٰ. وَکت إلْلي النَّاس شافُوا هَي، کِلهُم شِکرُوا الْإلَه.
Currently Selected:
لوقا 18: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
