لوقا 15
15
مَثَل طُلي الضّایِع
1وَ أمَّن مُجَمِّعین الْضَریبه وَ الْمُذنِبین کِلهُم چانُوا یِتجَمعون عِند عیسیٰ خاطِر یِسِمعون حَچیه. 2أمَّن عُلَماء فِرقَة الْفَریسیین وَ مُعَلِّمین التُّورات بي دَندَنه چانُوا ایگولون: «هَذا الْزِلمه یُرَحِّب الْمُذنِبین وَ یِگعِد مَعَهُم عَلَیٰ السُّفرَه.»
3چا عیسیٰ یاب ألهُم هَذا الْمَثَل: 4«یاهو مِنکُم إلْلي عِنده مِیَة طُلي وَ وَکت إلْلي واحَد مِن ذِکِن یِضیع، ما یِعوف ذِکن التِّسعَه وَ تِسعین بي الصَّحراء وَ ما یِروح وَراء ذاک الضّایِع خاطِر یِلگَه؟ 5وَ وَکت إلْلي لِگه طُلي الضّایِع، بي فَرحَه یِحُطَّه عَلَیٰ چِتفه 6وَ ایّي لِلْبِیت، وَ ایرید الصُّدقان وَ الْجيران وَ ایگول: ”أُفُرحوا مَعَي، لِأن لِگِیت طُلْیي الضّایِع.“ 7أگِلکُم، بي هِل شِکِل لِفِرِد مُذنِب إلْلي یِتوب، إتصیر حَفله أعظَم بي السَّماء بي النِّسبه لِتِسعَه و تِسعین صالِح إلْلي مو عایزین التُّوبه.
مَثَل سِکَّة الضّایعَه
8«وَ یا مَراء إلْلي عِندها عَشُر سِکّات فُضَّه وَ وَکت إلْلي إتضَیِع وَحده مِنهِن، ما تِشعِل فانوس وَ ما تِکنِس الْبَیت وَ لِوَکت إلْلي ما تِلگاها، ما تْیوز مِن التِّدِوُر؟ 9وَ وَکت إلْلي لِگِتها، إترید صَدیقات وَ جاراتها وَ إتگول: ”أُفُرحَن مَعَي، لِأن لِگِیت سِکتي الضّایعَه.“ 10أگِلکُم، بي هِل شِکِل، لِتُوبَة فِرِد مُذنِب، إتْصیر حَفله وَ فَرحَه بي حُضور مَلائِکَة الْإلَه.»
مَثَل وَلَد الضّایِع
11بَعدِین عیسیٰ أستَمَر وَ گال: «فِرِد زِلمه چان عِنده أثنَین أولاد. 12فِرِد یُوم ابن الضِّغیر گال لِأبوه: ”یا بویه، سَهم إلْلي یُوصَل لي مِن أموالِک، هَسّه أنْطینیاه.“ چا الْأبو قَسَّم أمواله بِین ذاکول الْأثنَین. 13مِن بَعَد مُدَّه، ابن الْأضغَر لِم شي إلْلي چان عِندَه وَ مِشی لِدیره بِعیده وَ بي وَناسه حَرَّم أمواله أهناک. 14وَکت إلْلي صَرَف کِل شي إلْلي چان عِندَه، صار گَحَط شَدید بي ذیچ الدّیره وَ هُوَّ حِیل ضاگِت إیده. 15بي هِل سَبَب، صار یِشتُغُل خادِم لِواحَد مِن أهالي ذیچ الدّیره، وَ هُوَّ جَعَله راعي الْخَنازیر بي مَزرَعته. 16الْوَلِد چان یِتْمَنَّیٰ یِشَبِّع بَطنه مِن أکل الْخَنازیر، أمَّن أحَد ما چان یِنْطيه شي. 17بي الْأخیر رِجَع لِنَفسه وَ گال: ”شُواغیل أبوي إشگَد عِندهُم أکِل زایِد هَم، وَ أنا أهنا گَاعِد أهلَک مِن چِثرَة الْیُوع. 18چا أگوم وَ أروح عِند أبوي وَ أگول: ”بویه، خِطَیت بي حَگّ الْإلَه وَ بي حَگِّک. 19بَعَد ما أستِحِق یِنگال لي ابنَک. إتعامِل وَیَّاي مِثِل واحَد مِن شُواغیلِک.“
20«چا الْابِن گام وَ مِشیٰ لِبِیت أبوه. أمَّن بَعده چان بِعید إلْلي أبوه شافه، إحتَرَگ گَلبه عَلِیه وَ بي سُرعَه رَکَض صُوبه، حِضَنه وَ ضَل یِحَبِّب بيه. 21الْوَلِد گال: ”بویه، أنا خِطَیت بي حگّ الْإلَه وَ بي حَگِّک. بَعَد ما أستِحِق یِنگال لي ابنَک.“ 22أمَّن الْأبو گال لِخِدَّامه: ”بي سُرعَه روحوا! یِبوا أحسَن هِدِم وَ لِبسوه. حُطّوا مِحبِس بي أصُبعَه وَ لِبسوه قِندَرَه. 23یِبوا عییل سِمین، إذِبْحوا خاطِر نَأکِل وَ نِحتِفِل. 24لِأن هَذ ابني چان مِیِّت، إستَحیَاء؛ چان ضایِع، إنْلِگه!“ چا گامُوا یِحتَفلون.
25«وَ أمَّن ابن الْأکبَر چان بي الْمَزرَعَه. وَکت إلْلي إتگَرَّب لِلْبَیت وَ سِمَع صوت الْأغاني وَ الرِّگاصَه، 26راد واحَد مِن الْخِدَّام وَ سِأَل: ”إش صایِر؟“ 27الْخادِم جاوَب: ”أُخوک یَاي وَ أبوک ذابِح عییل سِمین، لِأن لاگي ابنَه صاحي.“ 28وَکت إلْلي ابن الْچِبیر سِمَع هَي، عَصَّب وَ ما راد یِدخَل الْبَیت. چا أبوه طَلَع وَ ضَل یِدَخِّل. 29أمَّن هُوَّ بي جَواب أبوه گال: ”شوف إسنین خِدَمتَک مِثِل الْعَبید وَ أبَد ما خالَفِت أمرَک. أمَّن أنتَ أبَد ما أنْطَیتني حَتّیٰ فِرِد سَخله خاطِر أسَوّي عَزیمه لِصُدقاني. 30وَ هَسّه إلْلي هَذ ابنَک راجِع، ابن إلْلي إمحَرُّم أموالِک عَلَیٰ الْفاحِشات، ذِبَحِت لِه عییل سِمین!“ 31الْأبو گال: ”یا ابني، أنتَ کِل وَکِت مَعَي، وَ کِل شي إلْلي عِندي، ألَک. 32أمَّن هَسّه کون نِحتِفِل وَ نِفرَح، لِأن هَذ أُخوک چان مَیِّت، إستَحیَاء؛ چان ضایِع، إنْلِگه!“»
Currently Selected:
لوقا 15: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
