لوقا 10
10
أرسال سِبعین تِلمیذ
1مِن بَعَد ذاک، الرَّب عیسیٰ عَیَّن سِبعین شَخُص آخَر وَ أثنَین أثنَین وَدّاهُم جِدّامه لِکِل مَدینه وَ مَنطَقه إلْلي چان یِقصِد ایروح أهناک. 2گال ألهُم: «الْمَحصول چِثیر، أمَّن الْشُواغیل قَلیله. چا ریدوا مِن راعي الْمَحصول یِوَدّي شُواغیل لِحَصاد مَحصوله.» 3روحوا! أنا أوَدّیکُم مِثِل طُلیان بِین الْذِیاب. 4لا تَأخذون چیس أفلوس لُو صُرَّه لُو قِندَرَه، وَ بي الطَّریق لا تْضَیعون وَکِتکُم بي السَّلام. 5بي یا بِیت إلْلي إتْدِشّون، أوَّل گولوا: ”سَلام عَلَیٰ هِل بِیت.“ 6لُو أحَد بي ذاک الْبِیت إیکون مِن أهَل صُلح وَ سَلام، سَلامکُم یِتوَجَّه لَه، وَ لُو لا، یِرجَع ألکُم. 7ضُلّوا بي ذاک الْبِیت وَ شِنهو ما أنْطوکُم، أکلوا وَ أشُربوا، لِأن الشّاغول یِستِحِق مَعاشه. لا تِنتَقْلون مِن بِیت لِبِیت آخَر. 8وَکت إلْلي دِشِّتوا بي فِرِد مَدینه وَ إتلِگوکُم بي شَعَف، أکلوا کِل شي إلْلي حَطُّوا جِدَّامکُم. 9أشفوا مَرضیٰ أهناک وَ گولوا: ”مَلَکوت الْإلَه أتگَرَّب ألکُم.“ 10أمَّن وَکت إلْلي دِشِّتوا بي فِرِد مَدینه وَ ما إتلِگوکُم، روحوا لِشَوارِع ذیچ الْمَدینه وَ گولوا: 11”إحنَا حَتّیٰ أتراب مَدینِتکُم إلْلي گاعِد عَلَیٰ ریلِینا، نِنِکْته عَلِیکُم. أمَّن أُعُرفوا إلْلي أتگَرَّب مَلَکوت الْإلَه.“ 12بي یَقین أُعُرفوا إلْلي بي یُوم الْحِساب، تَحَمُّل الْعَذاب لِسُدوم إتکون أسهِل مِن ذیچ الْمَدینه.
13«یا وَیلکُم، یا أهَل خورَزین! یا وَیلکُم، یا أهَل بِیت صِیْدا! لِأن مُعجِزات إلْلي صارَت عِندکُم لُو چانِت صایره بي صُور وَ صَیدون، أهالي أهناک مِن زَمان چان لِبسُوا أهدوم الْحِزِن وَ گِعدَوا عَلَیٰ التَّراب وَ تابُوا. 14أمَّن بي یُوم الْحِساب، تَحَمُّل الْعَذاب لِصُور و صَیدون إتکون أسهَل مِنکُم. 15وَ أنتَ یا کَفَرناحوم، هَل تِرفَع رأسَک لِحَد السَّماء؟ أبَداً، بَل إتْطیح بي أعماق جَهَنَّم.
16«کِلمَن یِسمَعکُم، سامِعني؛ وَ کِلمَن ما یِقبِلکُم، رافُضني؛ أمَّن کِلمَن ما یِقبِلني، رافُض الْأموَدّیني.»
17ذاکول السِّبعین شَخُص بي فَرحَه رِجعَوا وَ گالُوا: «یا سِیِّدنا، حَتَّیٰ أرواح الْشَیطانیّه هَم بي أسمَک یِطیعَننا.» 18عیسیٰ گال ألهُم: «شِفت الشِّیطان مِثل الْبَرُق چان یِسقَط مِن السَّماء. 19هَسّه أنْطیکُم أقتدار خاطِر إتْدوسون الْحَیَّایه وَ الْعَگارِب وَ کِل قُوَّة الْعَدو، وَ وَلا شي یِگدَر یِضُرکُم. 20أمَّن لا تْفُرحون مِن هَي إلْلي أرواح الْخَبیثه یِطیعَنکُم، بَل فَرحَتکُم إتکون مِن هَي إلْلي أسِمکُم مَکتوب بي السَّماء.»
21بي ذیچ السّاعَه، عیسیٰ فَرَح بي روح الْقُدُس وَ گال: «یا أباه، صاحِب السَّماء وَ الْأرض، أحِمدَک إلْلي خِفَیت هِل حَقایِق مِن الْعارفین وَ الْفاهمین وَ إمْبَیِّنْهِن لِلْأطفال. نَعَم، یا أباه، لِأن إرادتَک إلْلي مِتْروسه مِن لُطف چانَت بي هَي. 22أبوي وَکَّلني بي کِل شي. أحَد ما یُعرُف یاهو الْابِن غِیر الْأب، وَ أحَد ما یُعرُف یاهو الْأب غِیر الْابِن، وَ الْابِن یِبَینه لِذاکول إلْلي ایرید.»
23بَعدِین بِیناتهُم، باوَع لِلتِّلامیذ وَ گال: «خِیعون أعیون إلْلي شي إلْلي أنتُم إتشوفونه، یِشوفِنها. 24لِأن أگِلکُم چِثیر مِن الْأنبیَاء وَ الْمُلوک چانُوا یِتْمَنّون یِشوفون شي إلْلي أنتُم إتشوفون، وَ ما شافُوا، وَ شي إلْلي أنتُم تِسِمعون، یِسِمعون وَ ما سِمعَوا.»
مَثَل سامِري الْطَیِّب
25فِرِد یُوم واحَد مِن الْفُقَهاء گام خاطِر بي هَذا الْسؤال یِمتِحِن عیسیٰ: «یا مُعَلِّم، شِسَوّي خاطِر أَوْرِث حَیاة الْأبَدیَّه؟» 26عیسیٰ بي الْجَواب گال: «شِنهي مَکتوب بي التُّورات؟ شِنهي تِفتِهِم مِن ذاک؟» 27جاوَب: «”حِبِّ الرَّب إلَهَک بي کِل گَلبَک وَ بي کِل نِفسَک وَ بي کِل قوتَک وَ بي کِل فُکرَک وَ حِب جارَک مِثِل ما إتحِب نِفسَک.“» 28عیسیٰ گال: «جاوَبِت صَحیح. أعمِل هَي إلْلي إتکون عِندَک الْحَیاة.»
29أمَّن ذاک لِأن یِبَرِّر نِفسه، سِأل مِن عیسیٰ: «أمَّن یاهو جاري؟» 30عیسیٰ بي الْجَواب هِیچ گال: «فِرِد زِلمه چان ایروح مِن أورشَلیم لِأَریحا. بي الطَّریق طاح بي إید الْإمْسَیلِبچیَّه. ذاکول عَرْیِنوه، کِتلُوه، وَ بِین عَدِل وَ الْمِیِّت تَیِّهُوه وَ راحُوا. 31بي صِدفه فِرِد کاهِن مَعْبَد مِن ذاک الطَّریق چان یِتْعَدَّه. أمَّن وَکت إلْلي طاحَت عِینه عَلَیٰ ذاک الْزِلمه، غَیَّر طَریقه وَ راح مِن صُوب آخَر. 32فِرِد لاوي هَم چان یِتعَدَّه مِنَّاک. هُوَّ هَم وَکت إلْلي وَصَل أهناک وَ شاف ذاک الْزِلمه، غَیَّر طَریقه وَ راح مِن صُوب آخَر. 33أمَّن فِرِد إمْسَافِر سامِري وَکت إلْلي وَصَل أهناک وَ شاف ذاکِ الْزِلمه، گَلبه أحتَرَگ لَه. 34چا راح عِندَه وَ چِب عَلَیٰ جُروحه شَراب وَ دَهَّنْهِن زِیت وَ شِدهِن. بَعدِین رَکُّبَه عَلَیٰ یَحْشَه وَ أخَذه لِلنَّزله وَ دار باله عَلِیه. 35یُوم التَّالي، أنطَیٰ دینارِین إلْلي چانَن إبگد أُجرَة یُومِین شاغول لِصاحِب النَّزله وَ گال: ”دیر بالَک عَلَیٰ هَذا الْزِلمه وَ لُو أکثَر مِن هَي خَرَجِت، مِن أرجَع أنْطیک.“ 36هَسّه بي نَظَرَک یاهو مِن هِذول ثِلِث أشخاص، چان جار زِلمه إلْلي طاح بي إید الْإمْسَیلِبچیَّه؟» 37جاوَب: «ذاک إلْلي رَحَّمَه.» عیسیٰ گِلَّه: «روح وَ أنتَ هَم هِیچي سَوّي.»
بي بِیت مَرْیَم وَ مارتا
38وَکت إلْلي بي الطَّریق چانُوا یِرحون، دَخَل بي قَریه. أهناک مَراء بي أسِم مارتا عِزمَت عیسیٰ لِبَیتها. 39مارتا چان عِندها أخِت بي أسِم مَرْیَم. مَرْیَم چانَت گاعده یِم ریلِین الرَّب وَ تِتْصَنَّط لِحَچیه. 40أمَّن مارتا إلْلي حِیل چانَت مَشغوله بي الضِّیافه إیِّت عِند عیسیٰ وَ گالِت: «سِیِّدي، ما تْبالي إلْلي أختي إمخَلْیِتني لِوَحدي بي شُغل الضِّیافه؟ گِل ألها إتساعِدني!» 41الرَّب جاوَب: «مارتا! مارتا! أنتي تِهْتَمّین وَ تِتْوَتِّرین لِأشیاء چِثیره، 42هَسّه بِس فِرِد شي لازِم؛ وَ مَرْیَم مِختاره ذاک نَصیب الْأحسَن، إلْلي ما یِنْوُخِذ مِنها.»
Currently Selected:
لوقا 10: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
