إنجیل یُوحَنَّا 9
9
شَفاء عَمیٰ مِن الْوَلاده
1عیسیٰ مِن چان یِمشي بي الطَّریق، شاف عَمیٰ مِن الْوَلاده. 2تِلامیذه سِألُوا مِنَّه: «یا مُعَلِّم، هَذا ذَنِب مِن إلْلي هَذا الزِّلمه یَاي لِلدِّنیا عَمیٰ؟ ذَنبه لُو ذَنِب والدِینه؟» 3عیسیٰ جاوُب: «لا ذَنبه، لا ذَنِب والدِینه؛ بَل هِیچ صار خاطِر أعمال الْإلَه تِظْهَر بيه. 4ما طول نَهار کون نِعمِل أعمال الْإموَدّیني؛ اللِّیل گاعِد یِتْگَرَّب وَ بي اللِّیل ما أحَد یِگدَر یِعمِل شي. 5ما طول أنا بي الْعالَم، أنا أکون نور الْعالَم.» 6گال هَي وَ تِفَل عَل گاع، سُوّا طینه و حَطها عَلَیٰ أعیون ذاک زِلمه الْعَمیٰ 7وَ گِلَّه: «روح وَ بي حُوض سْیلوآم، إلْلي بي مَعني الْرَسول، أغسِل.» چَا راح وَ غِسَل وَ مِنَّاک رِجَع إمْفَتِّش.
8الْجیران وَ أشخاص إلْلي مِن گَبُل چانُوا شایفینه یِجَدّي، سِألُوا: «مو هَذ ذاک إلْلي چان یِگعِد وَ یِجَدّي؟» 9بَعَض گالُوا: «هُوَّ.» الآخَرین گالُوا: «لا، یِشِبْهه.» أمَّن هُوَّ أکَّد وَ گال: «أنا هُوَّ.» 10چَا، سِألُوا مِنَّه: «إشلون أعیونَک فِتِّشَن؟» 11جاوُب: «زِلمه بي أسِم عیسیٰ، سُوّا طینه وَ حَطها عَلَیٰ أعیوني وَ گال ”روح لِحُوض سْیلوآم وَ أغسِلْهِن.“ چا رِحِت غِسَلِتْهِن وَ فِتِّشِت.» 12سِألُوا مِنَّه: «وَین هُوَّ؟» جاوُب:«ما أدري.»
13چَا ذاک زِلمه إلْلي گَبُل چان عَمیٰ؛ یَابُوا عِند فِرقَة الْفَریسیین. 14ذاک الْیُوم إلْلي عیسیٰ سُوّا طینه و فِتَّش أعیونه، چان یُوم الْشَبّات. 15بَعدِین الْفَریسیین هَم گامُوا یِتْسائِلون مِنَّه إلْلي إشلون فِتَّش. بي الْجواب گِلهُم: «حَط عَلَیٰ أعیوني طینه وَ غِسَلِتهِن وَ هَسّه إمْفَتِّش.» 16چَا بَعض الْفَریسیین گالُوا: «ذاک الْزِلمه مو مِن طَرَف الْإلَه، لِأن ما یِحتَرم الْشَبّات.» أمَّن الْآخَرین گالُوا: «إشلون شَخُص مُذنِب یِگدَر یِعمِل هِیچ نِیاشین؟» وَ صار بِیناتهُم أختِلاف. 17چَا مَرَّه أخریٰ مِن ذاک الْعَمیٰ سِألُوا: «أنتَ شِتْگول عَنَّه؟ لِأن هُوَّ فِتَّش أعیونَک.» جاوَب: «هُوَّ نَبي.»
18الْیَهُود بَعَدهُم ما چانُوا إمْأَجنین إلْلي چان عَمیٰ و فِتَّش، لُمَّن ما رادُوا والدِینه 19وَ سِألُوا مِنهُم: «هَلْ هَذا ابِنکُم، ذاک إلْلي إتْگولون وُلَد عَمیٰ؟ چا إشْلون هَسّه یِگدَر یِشوف؟» 20الْوالدِین جاوُبُوا: «أحنَا نُعرُف هُوَّ ابِننا، وَ هَم نُعرُف إلْلي وُلَد عَمیٰ. 21أمَّن هَذا إلْلي إشلون هَسّه گام یِشوف، لُو یا شَخُص فِتَّش أعیونه، ما نُعرُف. إسِألوا مِنَّه. هُوَّ بَالِغ وَ هُوَّ یِحچي عَن نَفسه.» 22هِذول بي هِل سَبَب هِیچ گالُوا چِن چانُوا یِخافون مِن الْیَهُود. لِأن الْیَهود گَبُل تَعاهِدُوا کِلْمَن یِعتُرُف أن عیسیٰ هُوَّ مَسیح الْمُوعود، یِطَردونه مِن مَحَل عِبادَة الْیَهُود. 23بي هِل سَبَب والدِینه گالُوا: «هُوَّ بَالِغ؛ إسِألوا مِنَّه.»
24چَا بَعَد مَرَّه رادُوا ذاک زِلمه إلْلي گَبُل چان عَمیٰ، گِلولَه: «مَجِّد الْإلَه! إحنَا نُعرُف إلْلي هُوَّ زِلمه مُذنِب.» 25الْإمفِتِّش جاوَب: «ما أعرُف لُو هُوَّ مُذنِب. بِس أعرُف فِرِد شي، وَ هَي إلْلي چِنِت عَمیٰ وَ هَسّه فِتَّشِت.» 26سِألُوا: « إشْسُوّا لَک؟ إشْلون فِتَّش أعیونَک؟» 27جاوَب: «أنا خُو گِلتِلکُم، أمَّن أنتُم ما تِسِمْعون؛ لِیش هِنّوب تِرْدون تِسِمعون؟ هَلْ أنتُم هَم تِرْدون إتْصیرون مِن تِلامیذه؟» 28ذاکول شِتِّمُوا، گالُوا: «أنتَ مِن تِلامیذه! إحنَا تِلامیذ مُوسیٰ. 29إحنَا نِدري الْإلَه تِکَلَّم مَعَ مُوسیٰ. أمَّن هَذا الْشَخُص ما نِدري إمْنَین.» 30ذاک الْزِلمه بي جَوابهُم گال: «عَجیب! مَعَ هَي إلْلي فِتَّش أعیوني، ما تِدْرون إمْنَین. 31أمَّن إحنَا نِدري الْإلَه ما یِسْمَع دُعَاء الْمُذنِبین، أمَّن لُو واحَد خایِف الْإلَه وَ یِعمِل بي إرادته، الْإلَه یِسْمَع دُعَائه. 32مِن بِدایَة الْعالَم لِهَسّه ما سِمَعنا واحَد إمْفَتِّش أعیون شَخُص عَمیٰ مِن الْوَلاده. 33لُو هَذا الْزِلمه ما چان مِن طَرَف الْإلَه، ما چان یِگدَر یِعمِل شي.» 34ذاکول بي الْجَواب گالُوا: «أنتَ وُلَدِت بي أعماق الْذُنوب. هَسّه هَم إتْدِرِّسنا؟» چا طُردُوا مِنَّاک.
35وَکت إلْلي عیسیٰ سِمَع طُردُوا ذاک الْزِلمه، لِگاه وَ سِأل مِنَّه: «تُؤمِن بي ابن الْإنسان؟» 36جاوَب: «یا سِیِّدي، گول یاهو خاطِر اُؤمِن بيه.» 37عیسیٰ گِلَّه: «أنتَ شایفه! هُوَّ ذاک إلْلي هَسّه گاعِد یِحچي وَیَّاک.» 38گال: «یا سِیِّدي، أؤمَن.» وَ سِجَد لَه.
39عیسیٰ گال: «أنا یَاي لِأحکُم هَذا الْعالَم، خاطِر الْعِمیان یِفَتِّشون وَ الْإمفَتِّشین یِعمون.» 40بَعَض مِن الْفَریسیین إلْلي چانُوا عِندَه، وَکت إلْلي سِمعَوا هَي، سِألُوا: «هَلْ إحنَا هَم عِمیان؟» 41عیسیٰ گِلهُم: «لُو چِنتوا عِمیان ما چان عِندکُم تَقْصیر؛ أمَّن هَسّه إلْلي إتْگولون إنْشوف، تَقْصیرکُم یُبقیٰ عَلِیکُم.
Currently Selected:
إنجیل یُوحَنَّا 9: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
