إنجیل یُوحَنَّا 10
10
أنا أکون راعي الْطَیِّب
1«بِالْحَق، بِالْحَق، أگِلکُم، ذاک إلْلي ما یِدیش مِن باب یَاخور الطُّلیان، بَل مِن طَریق آخَر یِصعَد، حَرامي و إمْسِلَبچي. 2أمَّن ذاک إلْلي مِن الْباب یِدیش، راعي الطُّلیان. 3حارِس الْباب، یِفتَح ألهِن الْباب وَ الطُّلیان یِسِمعَن صُوته؛ هُوَّ یِصیح طُلیانه بي أسامیهِن، وَ یِطَلِّعهِن بَرّا. 4وَکت إلْلي کِل طُلیانه یِطَلِّعهِن بَرّا، یِمشي جِدَّامهِن وَ الطُّلیان یِتِبْعَنه، لِأن یِعُرفَن صُوته. 5أمَّن أبَد ما یِمشَن وَراء الْغَریب، بَل یِشِرْدَن مِنَّه، لِأن ما یِعُرفَن أصوات الْغُرَباء.»
6عیسیٰ گِلهُم هَذا الْمَثَل، أمَّن ذاکول ما فْتِهمُوا شي گیلهُم.
7چَا مَرَّه أخریٰ گِلهُم: «بِالْحَق، بِالْحَق، أگِلکُم، أنا أکون ”باب“ لِلطُّلیان؛ 8ذاکول إلْلي گَبلي إیَّوا، کِلهُم حَراميَّه وَ إمْسَلِبچیَّه، أمَّن الطُّلیان ما سِمْعَنهُم. 9أنا أکون ”باب“؛ کِلْمَن یِدخَل مِن طَریقي یِنْجَح، وَ بي حُرّیَه یِدخَل و یِخرَج وَ یِلگه مَکان لِلسَّرِح. 10الْحَرامي ما ایّي غِیر لِلْبُوگ وَ الْقَتِل وَ الْهَلاک؛ أنا یَاي خاطِر هِذول إتکون عِندهُم حَیَاة وَ إتکون ألهُم حَیَاة مَلیئه.
11«أنا أکون راعي الْطَیِّب. راعي الْطَیِّب یِفدي روحَه لِلطُّلیان. 12شَخُص الْمَأجور، چِن مو راعي وَ الطُّلیان مو ألَه، کِل ما یِشوف ایّي ذیب، یِعوف الطُّلیان وَ یِشرِد وَ الذّیب یِکمُشهِن وَ یِطَشِّرهِن. 13شَخُص الْمَأجور یِشرِد، لِأن هُوَّ مو أکثَر مِن مَأجور وَ ما یِفَکِّر بي الطُّلیان. 14أنا أکون راعي الْطَیِّب. أنا أعرُف طُلیاني وَ طُلیاني یِعُرفَنّي، 15مِثِل ما أب السَّماوي یِعرُفني وَ أنا أعرُف أب السَّماوي. أنا أفدي روحي بي طَریق الطُّلیان. 16عِندي هَم طُلیان أخریٰ إلْلي مو مِن هِل یَاخور. ذاکول هَم کون أیِّبهُم وَ ذاکول هَم یِسِمعون صُوتي. بَعدِین یِصیرون قَطیع واحَد مَعَ راعي واحَد. 17الْأب، بي هَذا السَّبَب یِحِبّني لِأن أفدي روحي خاطِر هِنّوب أحَصِلها. 18أحَد ما یَأخِذها مِنّي، بَل أنا بي رَادتي أفدیها. مُختار أفدیها وَ مُختار أرَجِّعها. هَذا الْخَیار مَأخذه مِن أبي.»
19بي سَبَب هَذا الْحَچي، مَرَّه أخریٰ صار أختِلاف بِین الْیَهُود. 20چِثیرین مِنهُم گالُوا: «هُوَّ مِتلَبِّس روح شَیطانیّه وَ مِجنون؛ لِیش تِسِمعون حَچیه؟» 21أمَّن الْآخَرین گالُوا: «هَذا مو حَچي واحَد مِتلَبِّس روح شَیطانیّه. هَل روح الْشَیطانیّه تِگدَر إتفَتِّش أعیون الْعِمیان؟»
أنا وَ الْأب إنکون واحَد
22وَصَل وَکت عید الْوَقف بي أورشَلیم. چان شِتاء 23وَ عیسیٰ بي مُحَوَطَة الْمَعبَد، چان یِمشي بي طارمَة سُلِیمان. 24الْیَهُود أحاطُوه وَ گالُوا: «لِیَمته إترید إتْخَلّینا بي الشَّک؟ لُو أنتَ مَسیح الْمُوعود، واضِح گِل ألنا.» 25عیسیٰ جاوَب ذاکول: «گِلتِلکُم، أمَّن ما تْأَجنون. أعمال إلْلي أنا أعمِلْهِن بي أسِم أبوي، یِشِهدَن عَنّي. 26أمَّن أنتُم ما تُؤمِنون، لِأنکُم مو مِن طُلیاني. 27طُلیاني یِسِمعَن صُوتي؛ أنا أعرُفهِن وَ هِنَّه یِتِبْعَني. 28أنا أنْطیهِن حَیَاة الأبَدیَّه، وَ یَقیناً لِلْأبَد ما یِهِلکَن. أحَد ما یِگدَر یِکمُشهِن مِن إیدي. 29أبوي إلْلي مُنْطینیاهِن أعظَم مِن الْکِل، وَ أحَد ما یِگدَر یِکمُشهِن مِن إید أبوي. 30أنا وَ الْأب إنکون واحَد.»
31بَعدِین مَرَّه أخریٰ الْیَهُود شالُوا صَخَر خاطِر یِرِجْمونه. 32عیسیٰ گال لِذاکول: «أعمال طَیبه چِثیره مِن طَرَف أبي راوِیتکُم. بي سَبَب یاهي مِنهِن تِرْدون تِرِجْموني؟» 33جاوُبُوا: «ما نِرِجْمَک بي سَبَب أعمال الطَّیبه، بَل بي سَبَب هَي إلْلي تِکفُر، لِأن أنتَ إنسان وَ تِجعَل نَفسَک إلَه.» 34عیسیٰ جاوُب ذاکول: «چا مو یَاي بي تُوراتکُم إلْلي ”گِلِت، أنتُم آلِهَه“؟ 35لُو ذاکول إلْلي وَصَلهُم کَلام الْإلَه، ”آلِهَه“ ایگولون ألهُم وَ جُزُء مِن کِتاب الْمُقَدَّس ما یِطیح مِن الْأعتِبار 36إشلون تِگِدرون بي شَخُص إلْلي أبو قَدَّسه وَ وَدَّه لِلْعالَم، إتگولون ”تِکفُر“، بِس لِخاطِر هَي إلْلي گِلِت أنا ابن الْإلَه؟ 37لُو ما أعمِل أعمال أبوي، لا تْأَجنون کَلامي. 38أمَّن لُو أعمِل، حَتَّیٰ لُو ما تْأَجنون کَلامي، عَل أقَل آمِنوا بي ذَنیچ الْأعمال خاطِر تِعُرفون وَ تِدِرکون إلْلي الْأب بیِه وَ أنا بي الْأب.» 39بَعدِین مَرَّه أخریٰ رادُوا یِکُضّونه، أمَّن شَرَد مِن إیدهُم.
40بَعدِین عیسیٰ راح لِذاک صُوب نَهَر أُردُن، أهناک إلْلي یَحییٰ چان یِعَمِّد، وَ ضَل أهناک. 41چِثیرین إيَّوا عِندَه. ذاکول چانُوا ایگولون: «وَلُو یَحییٰ ما عِمَل وَلا نِیشان، أمَّن کِل شي إلْلي گال عَن هَذا الشَّخُص، چان صِدِگ.» 42چَا چِثیرین أهناک آمِنُوا بيه.
Currently Selected:
إنجیل یُوحَنَّا 10: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
