إنجیل یُوحَنَّا 3
3
عیسیٰ وَ نیقودیموس
1چان زِلمه مِن فِرقَة الْفَریسیین، أسمه نیقودیموس، مِن کُبار الْیَهُود. 2هُوَّ فِرِد لِیله إیّه عِند عیسیٰ وَ گِلَّه: «یا مُعَلِّم، نِدري أنتَ مُعَلِّم إلْلي یاي مِن طَرَف الْإلَه، لِأن کِل أحَد ما یِگدَر یِراوي نِیاشین إلْلي أنتَ إتْراویهین، الّا الْإلَه إیکون مَعَه.» 3عیسیٰ بي الْجَواب گال: «بِالْحَق، بِالْحَق، أگِلَک، لُو أحَد مِن یِدید ما یُولِد، ما یِگدَر یِشوف مَلکوت الْإلَه.» 4نیقودیموس گِلَّه: «شَخص إلْلي إمْشَیِّب، إشلون یِگدَر مِن یِدید یُولِد؟ هَلْ یِگدَر بَعَد مَرَّه یِدیش بي بَطِن أمَّه وَ یُولِد؟». 5عیسي جاوَب: «بِالْحَق، بِالْحَق، أگِلَک لُو شَخُص ما یُولِد مِن الْمَاي وَ الرّوح، ما یِگدَر یِدخُل بي مَلکوت الْإلَه. 6کِل شي إلْلي یولِد مِن الْجِسِم، إیکون جِسِم؛ کِل شي إلْلي یُولِد مِن الرّوح، إیکون روح. 7لا تِتْعَجَّب إلْلي گِلِت کون مِن یِدید تُولِدون! 8الْهَوا وُین ما یرید ایروح؛ تِسمَع صُوته، أمَّن ما تِدري إمْنَین ایّي وَ لِوَین ایروح. هِیچ هَم إیکون کِل شَخص إلْلي یُولِد مِن الرّوح.» 9نیقودیموس سِأَل مِنَّه: «إشلون یِمکِن هِیچ شي؟» 10عیسیٰ جاوَب: «أنتَ مُعَلِّم بَني إسرائیل وَ مَعَ هِل حال ما تُعرُف هِل أشیَاء؟ 11بِالْحَق، بِالْحَق، أگِلَک إحنَا مِن شي إلْلي نِعُرفه نِحچي وَ نِشْهِد عَلَیٰ شي إلْلي شایفینه، أمَّن أنتُم ما تِقِبلون شَهادَتنا. 12وَکت إلْلي حاچِیتکُم عَن أمور أرضیَّه وَ ما تْصَدگون، إشلون إتْصَدگون لُو إحاچیکُم مِن أمور سَماویَّه؟ 13کِل أحَد ما صاعِد لِلسَّماء، بِس إلْلي نَازِل مِن السَّماء، یَعني ابن الْإنسان إلْلي هُوَّ بي السَّماء. 14مِثِل ما مُوسیٰ بي الصَّحراء ثَبَّت الْحَیَّه إلْلي چانَت مِن الْصُفُر عَلَیٰ خِشبه و رَفَعها، ابن الْإنسان هَم کون یِنْرِفِع بي ذاک الْشِکِل، 15خاطِر کِلْمَن یُؤمِن بيه، إتکون عِنده حَیَاة الْأبَدیَّه.
16«لِأن الْإلَه هِلگَد حَبِّ الْعالَم إلْلي أنْطیٰ ابنه الْوَحید خاطِر کِلْمَن یُؤمِن بيه لا یِهْلَک، بَل یِحَصُّل حَیَاة الْأبَدیَّه. 17لِأن الْإلَه ما وَدَّه ابنه لِلْعالَم خاطِر یِحکُم الْعالَم، بَل وَدّاه إلْلي بي واسِطتَه الْعالَم یِنْجَح. 18کِلْمَن یُؤمِن بيه ما یِنْحُکُم، أمَّن کِلْمَن ما یُؤمِن بيه، هَسّه هَم إیکون مَحکوم، لِأن ما آمَن بي أسِم ابن الْوَحید الْإلَه. 19وَ الْمَحکومیَّه بي هَي إلْلي إیّه النّور بي الْعالَم، أمَّن النَّاس حَبُّوا الظَّلام أکثَر مِن النّور، لِأن أعمالهُم شَر. 20لِأن کِلْمَن یِعمِل شَر یِکرَه النّور وَ ما ایّي لِلنّور، خاف أعمَاله یِنْکَشفَن وَ یِشْتُهُر. 21أمَّن ذاک الْذي یِعمِل شي إلْلي صَح ایّي لِلنّور خاطِر یِنْکَشفَن أعماله إلْلي إمْسُوّیهِن حَسَب إرادَة الْإلَه.»
آخِر شَهادَة یَحییٰ الْمُعَمِّد عَن عیسیٰ
22مِن بَعَد هَذ، عیسیٰ وَ تِلامیذه راحُوا أطراف قَریه مِن مَنطَقة الْیَهُودیَّه. هُوَّ چِم یُوم ضَل أهناک مَعَ ذاکول و چان یِعَمِّد النَّاس. 23یَحییٰ هَم بي قَریة عِیْنون، جِریبه لِمَدینَة سالیم، چان یِعَمِّد، لِأن أهناک چان مَاي چِثیر وَ النَّاس چانَت تِیّي وَ تِتْعَمَّد. 24لِأن یَحییٰ بَعده ما چان مَسجون. 25مَرَّه، تِلامیذ یَحییٰ وَ فِرِد یَهُودي تِباحِثُوا عَن رُسوم التَّطهیر. 26چَا تَلامیذه إیَّوا عِند یَحییٰ وَ گِلوله: «یا مُعَلِّم، ذاک إلْلي چان مَعَک بي ذاک صُوب نَهَر أُردُن، وَ أنتَ شِهَدِت عَنَّه، هَسّه هُوَّ گاعِد یِعَمِّد وَ الْجَمیع یِرحون عِندَه.» 27یَحییٰ بي الْجَواب گال: «کِل أحَد ما یِگدَر یِحَصُّل شي، غِیر شي إلْلي یِنْعُطي لِه مِن السَّماء. 28أنتُم شاهدین إلْلي أنا گِلِت ماني مَسیح الْمُوعود، بَل إنْرِسَلِت گَبله. 29الْعَروس لِلْعِرّیس، أمَّن صَدیق الْعِرّیس إلْلي مُوگُف بي کِتُر وَ یِسِمعَه، یِفرَح چِثیر مِن یِسمَع صُوت الْعِرّیس. فَرَحتي أنا هَم بي هِل شِکِل تِکمَل. 30هُوَّ کون یِعْلیٰ أمَّن أنا کون إضغَر.
31«ذاک إلْلي ایّي مِن فُوگ، أعلَیٰ مِن الْجَمیع، أمَّن ذاک إلْلي مِن الْأرض، هُوَّ أرضي وَ یِتْکَلَّم کَلام أرضي. ذاک إلْلي ایّي مِن السَّماء، أعلَیٰ مِن الْجَمیع. 32هُوَّ یِشْهَد عَلَیٰ شي إلْلي شَایفه وَ سَامعه، بي هِل حال کِل أحَد ما یِقبَل شَهادتَه. 33ذاک إلْلي یِقبَل شَهادتَه، یِخْتِم عَلَیٰ هَي إلْلي الْإلَه حَقّ. 34لِأن ذاک إلْلي الْإلَه رَسَله، یِتْکَلَّم کَلام الْإلَه، لِأن الْإلَه یُنْطي الرّوح بِلا حُدود. 35الْأب، یِحِبِّ الْابِن وَ إمْسَلِّم کِل شي بي إیده. 36ذاک إلْلي یُؤمِن بي الْابِن، عِندَه حَیَاة أبَدیَّه؛ أمَّن ذاک إلْلي ما یِطیع الْابِن، ما یِشوف الْحَیَاة، بَل غَضَب الْإلَه یِضُل عَلِیه.»
Currently Selected:
إنجیل یُوحَنَّا 3: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
