إنجیل یُوحَنَّا 2
2
نِیشان بي الْعِرِس
1یُوم الثَّالِث، بي قانا إلْلي بي مَنطَقة الْجَلیل چان عِرِس وَ أم عیسیٰ هَم چانَت أهناک. 2عیسیٰ وَ تِلامیذه هَم چانُوا مَعزومین. 3وَکت إلْلي تِمَم الشَّراب، أمَّه گالِت لِعیسیٰ: «ما عِندهُم شَراب!» 4عیسیٰ گِلها: «یا مَراء، أنا شِلَّحَي بي هِل شُغله؟ ساعتي بَعَدهي مو واصله.»
5أمَّه گالَت لِلْخِدَّام: «إش ما گِلکُم، أعِملوه.» 6أهناک چانَن سِت بِرامیل مِن صَخَر إلْلي الْیَهُود چانُوا یِستَخدِمون مَایهِن لِمَراسِمهُم الْمَذهَبیه لِلْتَطهیر، وَ کِل وَحده حَجِمها چان تَقریباً مِیَه وَ عِشرین لیتَر. 7عیسیٰ گال لِلْخِدَّام: «عَبّوا الْبَرامیل مِن الْمَاي.» چا تِرسوهِن تِرِس. 8بَعدِین گِلهُم: «هَسّه إشْوَي شیلوا مِنَّه وَ أخذوا عِند شَخص إلْلي یِفُر الْمَجلِس.» چا خِذُوا. 9وَ الْیِفُر الْمَجلِس ذاگ ذاک ماي إلْلي چان صایِر شَراب. هُوَّ ما چان یِدري مِن وُین یایبینه، وُلُو الْخِدَّام إلْلي چانُوا یارّین الْمَاي مِن الْبیر، چانُوا یِعُرفون. چَا الْیِفُر الْمَجلِس راد الْعِرّیس 10وَ گِلَّه: «الْجَمیع أوَّل یِضَیفون بي شَراب زِین وَ وَکت إلْلي الضُّیوف یِسِکرون، ایِّبون شَراب الْأرخَص؛ أمَّن أنتَ إمْخِلّي شَراب الزِّین لِهَي الْلَحظه!»
11بي هِل شِکِل عیسیٰ ظَهَر أوَّل نِیشانه بي قانا الْجَلیل وَ راوه مَجدَه وَ تِلامیذه آمِنُوا بيه.
12بَعدِین مَعَ أمَّه وَ خُوّانه وَ تِلامیذه نِزَل لِکَفَرناحوم وَ چِم یُوم ضَلَّوا أهناک.
عیسیٰ یِنَظُّف الْمَعبَد
13چِن عید پِسَخ الْیَهُود چان جِریب، عیسیٰ راح لِأورشَلیم. 14بي صَحن الْمَعبَد، شاف أشخاص مَشغولین بي بِیع الْهُوش وَ غَنَم وَ حَمام، وَ الصَّرافین هَم چانُوا مَشغولین بي شُغُلهُم. 15چا سُوّاله سوط مِن الْحَبِل وَ طَرَدهُم مِن الْمَعبَد مَعَ الْغَنم وَ هَوایِشهُم. وَ طَشَّر أفلوس الصَّرافین عَل گاع وَ گولَب طاولاتهُم، 16وَ گال لِلْبِیّاعین الْحَمام: «طَلْعوا هِذِن مِن أهنا، وَ لا تِجِعلون بِیت أبوي مَحَل کِسِب!» 17بَعدِین تِلامیذه إتْذَکَّرَوا إلْلي مِکْتوب: «غیرَة بِیتَک تِحْرِگني.» 18چا الْیَهُود مُقابِل هَذ عَمَله گالُوا: «شِتْراوینا مِن نِیشان خاطِر نُعرُف عِندَک إذِن هِیچ أعمال؟» 19عیسیٰ بي الْجَواب گال: «هَدْموا هَذا الْمَعبَد خاطِر أنا بي ثِلِث تِیَّام أقیمَه.» 20الْیَهُود گالُوا: «بِناء هَذا الْمَعبَد طَوَّل سِتَّه وَ أربَعین سِنه، وَ هَسّه أنتَ إتْرید بي ثِلِث تِیَّام أتْقیمَه؟» 21أمَّن مَعبَد إلْلي هُوَّ چان یِحچي عَنَّه، چان جِسمه. 22چا وَکت إلْلي گام مِن الْمُوتیٰ، تِلامیذه إتْذَکَّرَوا هَي إحْچایته، آمِنُوا بي کُتُب الْمُقَدَّسه وَ کَلام إلْلي عیسیٰ چان گایله.
23بي وَکت إلْلي چان بي أورشَلیم لِعید الْپِسَخ، چِثیر أشخاص إلْلي شافُوا نِیاشین تِصدَر مِنَّه، آمِنُوا بي أسمه. 24أمَّن عیسي ما چان یِعْتِمِد عَلَیٰ إیمانهُم، لِأن چان یِعرُف جَمیع النَّاس 25وَ ما چان یِحتاج أحَد یِگِلَّه شي عَن الْإنسان، لِأن هُوَّ چان یِعرُف شِنهو بي باطِن الْإنسان.
Currently Selected:
إنجیل یُوحَنَّا 2: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
