إنجیل یُوحَنَّا 15
15
أنا أکون شِجرَة عَنِب الْحَقیقیه
1«أنا أکون شِجرَة عَنِب الْحَقیقیه وَ أبوي الْفَلاح. 2کِل فَرِع إلْلي بیِه وَ ما یِثمَر، یِگُطعَه، وَ کِل فَرِع إلْلي یِثمَر، یِزِبره خاطِر یِثمَر أکثَر. 3أنتُم هَسّه أنظاف بي سَبَب کَلام إلْلي گِلتِلکُم. 4أبْقوا بیِه، أنا هَم أبْقیٰ بیکُم. مِثِل ما الْفَرِع ما یِگدَر یِثمَر مِن نَفسه لُو ما یِضُل بي الشِّجرَه، أنتُم هم ما تْگِدرون تِثُمرون لُو ما تُبقون بیِه.
5«أنا أکون شِجرَة الْعَنِب وَ أنتُم فُروعها. شَخُص إلْلي یِبقیٰ بیِه وَ أنا بيه، هُوَّ ذاک إلْلي چِثیر یِثمَر؛ لِأن بِدوني ما تْگِدرون تِعِملون شي. 6لُو شَخُص ما یُبقیٰ بیِه، مِثل الْفَرِع إلْلي یِذِبّونه و ایِّبَس. فُروع الْیَابسه یِجَمعونهِن وَ یِحُرگونهِن بي النَّار. 7لُو تُبقون بیِه وَ کَلامي یُبقیٰ بیکُم، کِل شي إلْلي تِردون، اُطُلبوه لِأن یِستَجاب ألکُم. 8أبوي بي هِل شِکِل یِتْمَجَّد إلْلي تِثِمرون چِثیر؛ وَ هِیچ تْثَبتون أنتُم تِلامیذي.
9«مِثِل ما أبوي یِحِبني، أنا هَم أحِبکُم؛ أبْقوا بي مَحَبّتي. 10لُو تِعِملون أحکَامي، تُبقون بي مَحَبّتي؛ مِثِل ما أنا عِمَلِت أحکَام أبوي وَ أبقیٰ بي مَحَبّته. 11گِلتِلکُم هَذا الْحَچي خاطِر فَرَحتي إتْکون بیکُم وَ فَرحَتکُم تِکمَل.
12«حُکمي هَذ إلْلي حِبُّوا بَعَضکُم، مِثِل ما أنا حَبِیتکُم. 13ماکو مَحَبَّه أکبَر مِن هَي إلْلي شَخُص یِفدي نَفسه بي طَریق أصدَقائه. 14أنتُم أصدَقائي لُو عِمَلتوا أشیَاء إلْلي حُکمِتهِن ألکُم. 15بَعَد ما أسِمّیکُم عَبید، لِأن الْعَبِد ما یُعرُف أعمال إلْلي یِعمِلهِن سِیِّده. بَل أسِمّیکُم أصدَقائي، لِأن خَبَّرِتکُم بي کِل شي إلْلي سامعه مِن أبوي. 16أنتُم ما چِنتوا إلْلي أختارِیتوني، بَل أنا أختارِیتکُم وَ قَرَّرِت خاطِر تِرحون وَ إتْیِّبون ثَمَر وَ یُبقیٰ ثَمَرکُم، خاطِر الْأب یِنْطیکُم کِل شي إلْلي تِطُلبون بي أسمي. 17حُکمي إیکون بي هِذِن الْأشیَاء خاطِر إتْحِبّون بَعَضکُم.
کَرهَة الْعالَم مِن مُتابِعین عیسیٰ
18«لُو الْعالَم یِکرَهکُم، أتذَکَّروا إلْلي گَبُلکُم هَم چان یِکرَهني. 19لُو چِنتوا مِن هَذا الْعالَم؛ الْعالَم هَم چان حَبکُم مِثِل نَاسه. أمَّن چِن مِنْتُم مِنَّه، بل أنا أختارِیتکُم مِن هَذا الْعالَم، الْعالَم یِکرَهکُم. 20أتذَکَّروا کَلام إللي گِلتِلکُم: ”الْعَبِد مو أعظَم مِن سِیِّده.“ لُو أنا لُوِّعوني، أنتُم هَم راح یِلُوْعونکُم؛ وَ لُو حُفظوا کَلامي، کَلامکُم هَم راح یِحُفظونه. 21أمَّن یِعِملون کِل هِذِن مَعَکُم بي سَبَب أسمي، لِأن ما یُعُرفون الْإموَدّیني. 22لُو ماني یَاي وَ ماني إمْحاچیهُم، ما چان عِندهُم ذَنِب؛ أمَّن هَسّه بَعَد ما عِندهُم أي عِذِر لِذُنوبهُم. 23أحَد إلْلي یِکرَهني، یِکرَه أبوي هَم. 24لُو بِیناتهُم مو عامِل أعمال إلْلي مو عامِلهِن أحَد غِیري، ما چان عِندهُم ذَنِب؛ أمَّن هَسّه، مَعَ هَذ إلْلي شایفین ذِنیچ الْأعمال، هَم یِکُرهوني وَ هَم یِکُرهون أبوي. 25بي هِل شِکِل، یِتْحَقَّق کَلام إلْلي بي تُوراتهُم مِکتوب: ”بِدون سَبَب چانُوا یِکُرهوني.“
26«أمَّن وَکت إلْلي ذاک الْمُعین أوَدّيه ألکُم ایّي مِن صوب أبوي، یَعني روح الْحَقّ إلْلي یِصدَر مِن أبوي، هُوَّ بي نَفسه یِشهَد عَنّي، 27وَ أنتُم هَم تِشِهدون، لِأن مِن الْبِدایَه چِنتوا مَعَي.
Currently Selected:
إنجیل یُوحَنَّا 15: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
