إنجیل یُوحَنَّا 13
13
عیسیٰ یِغسِل رِیلِین التِّلامیذ
1گَبُل عید الْپِسَخ، عیسیٰ عِلَم إلْلي ساعته واصله وَ کون ایروح مِن هَذا الْعالَم یِم الْأب، وَ أشخاص إلْلي یِخَصّونه وَ چان یِحِبهُم بي هَذا الْعالَم، حَبهُم بي أکثَر الْمَحَبَّه.
2چان وَکت الْعَشاء. گَبُلها إبْلیس چان حاط بي گَلُب یَهُودا الْأسخَریوطي، ابِن شَمعون، إلْلي یِسَلِّم عیسیٰ لِلْعَدو. 3عیسیٰ إلْلي چان یُعرُف الْأب أمسَلِّم بي إیده کِل شي وَ یَاي مِن عِند الْإلَه وَ ایروح عِندَه، 4گام مِن الْعَشاء وَ نِزَع عَبَاءَ وَ کَض خاولیه وَ إتْحَزَّم بیها. 5بَعدین عَبّه طَشِت مَاي وَ أبتِدَء بي غَسْل وَ تَنشیف رِیلِین تِلامیذه بي خاولیه إلْلي چانَت عَلَیٰ إحزامه. 6وَکت إلْلي وُصَل لِشَمعون الْپِطرُس، پِطرُس گِلَّه: «یا سِیِّدي، أنتَ تِغسِل ریلي؟» 7عیسیٰ جاوُب: «هَسّه ما تِدْرِک شي إلْلي أسُوّي، أمَّن بَعدِین تِفهَم.» 8پِطرُس گِلَّه: «أبَد ما خِلّیک تِغسِل ریلِي!» عیسیٰ جاوُب: «لُو ما أغِسلَک مِنْته سَهیم مَعَي.» 9چَا شَمعون الْپِطرُس گال: «یا سِیِّدي، مو بِس ریلِي، بَل أغسِل إیدِي وَ رَأسي هَم!» 10عیسیٰ جاوُب: «ذاک إلْلي سابِح، مِن فُوگ لِحَدِر نَظیف وَ ما یِحتاج غَسِل، غِیر ریلِیه. أنتُم أنظاف، أمَّن مو کِلکُم.» 11لِأن چان یُعرُف یاهو یِسَلمه لِلْعَدو، وَ بي هِل سَبَب گال: «کِلکُم مو أنظاف.»
12بَعَد ما عیسیٰ غِسَل ریلِیهُم، لِبَس عَبَاء وَ هِنّوب رجَع لِمَکانه عَل سُفرَه. بَعدِین سِأَل مِنهُم: «عَرَفْتوا شي إلْلي عِمَلته ألکُم؟ 13أنتُم إتْنادوني مُعَلِّم وَ سِیِّدي وَ صَحیح هَم إتگولون، لِأن أنا هِیچ. 14چَا لُو أنا إلْلي سِیِّد وَ مُعَلِّمکُم وَ غِسَلِت ریلِیکُم، أنتُم هَم کون واحَد یِغسِل ریلِین الْآخَر. 15أنا بي هَذا الْعَمَل، عَلِّمِیتْکُم شي إلْلي کون تِعِملون، مِثِل ما أنا عِمَلِت مَعَکُم . 16بِالْحَق، بِالْحَق، أگِلکُم، لا الْخادِم أعظَم مِن سِیِّده، وَ لا إلْلي یَاي أعظَم مِن الْإموَدّيه. 17هَسّه إلْلي تِدْرون هِذِن، خِیعونکُم لُو تِعِملونهِن. 18«شي إلْلي أگوله مو عَنکُم کِلکُم. أنا أعرُف ذاکول إلْلي أختارِیتهُم. أمَّن هَذ کَلام کُتُب الْمُقَدَّسه کون یِتْحَقَّق إلْلي ”ذاک إلْلي یَأکِل خُبُزتي، صایِر عَدُوّي.“ 19چَا هَسّه گَبُل لا توگَع، أگِلکُم خاطِر وَکت إلْلي وُگعَت، تُؤمِنون إلْلي أنا هُوَّ. 20بِالْحَق، بِالْحَق، أگِلکُم، کِلْمَن یِقبَل ذاک إلْلي أنا إموَدّیه، قابِلني، وَ کِلْمَن قِبَلني، قابِل الْإموَدّیني.»
21عیسیٰ بَعَد ما گال هَي، إنْزَعَج بي الرّوح وَ عَل مَکشوف عِلَن: «بِالْحَق، بِالْحَق، أگِلکُم، واحَد مِنکُم یِسَلِّمني لِلْعَدو.» 22التِّلامیذ واحَد باوَع لِلْآخَر وَ إتْحَیِّرُوا إلْلي ایگول هَي عَن یاهو مِنهُم. 23واحَد مِن التِّلامیذ، إلْلي عیسیٰ چان یِوَدّه چان مِنتِچي عَلَیٰ صَفحَة عیسیٰ عَل سُفره. 24شَمعون الْپِطرُس بي إشاره راد مِنَّه، یِسأَل عیسیٰ إلْلي یِعَاني مِن. 25چَا ذاک إشوُیه رِجَع لِوُراء وَ عَلَیٰ گُفاه إنتِچه عَلَیٰ صَدِر عیسي وَ سِأَل: «یا سِیِّدي، هُوَّ یاهو؟» 26عیسیٰ جاوُب: «ذاک إلْلي هَي اللُّگمَه أغَمِّسها وَ أنْطیها ألَه.» بَعدِین اللُّگمَه غِمِّسها وَ أنْطاها لِیَهُودا ابِن شَمعون الْأسخَریوطي. 27وَکت إلْلي یَهُودا کَض اللُّگمَه، بي وَکِتها الشِّیطان دَخَل بیه. بَعدِین عیسیٰ گِلَّه: «شي إلْلي إتْرید تِعِمله، إبسَع خَلصه.» 28أمَّن وَلا واحَد مِن الْگاعدین عَلَیٰ السُّفره، أفتَهَم مَنظور عیسیٰ. 29بَعَض فَکِّرُوا چِن یَهُودا مَسئول الْدَخَل، عیسیٰ چان ایگِلَّه یِشتري شي إلْلي نِحتاجه لِلْعید، لُو یِنْطي شي لِلْفُقَراء. 30یَهُودا بَعَد ما کَض اللُّگمَه، إبْسَعیته طَلَع بَرّا. وَ چان لِیل.
حُکُم یِدید
31یَهُودا بَعَد ما طَلَع بَرّا، عیسیٰ گال: «هَسّه ابن الْإنسان إتْمَجَّد وَ الْإلَه إتْمَجَّد بيه. 32لُو الْإلَه إتْمَجَّد بيه، چَا الْإلَه هَم یِمَجده بي نَفسه، وَ إبْسَعیته یِمَجده. 33یا أولاد، بَعَد وَکِت قَلیل أنا مَعَکُم. إتدَوْرون عَلِي وَ مِثِل ما گِلِت لِلْیَهُود، هَسّه هَم أگِلکُم إلْلي أهناک إلْلي أنا أروح، أنتُم ما تْگِدرون تِیّون. 34أوَصّیکُم وَصیَّه یِدیده، وَ هَي هیَّه إلْلي واحَد یِحِبِّ الْآخَر. مِثِل ما أنا حَبِّیتکُم، أنتُم هَم کون واحَد یِحِبِّ الْآخَر. 35مِن هَي مَحَبِّتکُم لِلْبَعَض، الْجَمیع یُعرفون إلْلي أنتُم تِلامیذي.»
36شَمعون الْپِطرُس گال: «یا سِیِّدي، وَین إتروح؟» عیسیٰ جاوُب: «أنتَ هَسّه ما تِگدَر بي مَکان إلْلي أروح لَه تِیّي وَراي؛ أمَّن بَعدِین راح تِیّي وَراي.» 37پِطرُس گال: «یا سِیِّدي، لِیش هَسّه ما أگدَر أیّي وَراک؟ أنا أنْطي نَفسي بي طَریقِک.» 38عیسیٰ گال: «هَلْ تِنْطي نَفسَک بي طَریقي؟ بِالْحَق، بِالْحَق، أگِلِک گَبُل لا الدّیچ یصیح، ثِلِث مَرَّات تِنکُرني.»
Currently Selected:
إنجیل یُوحَنَّا 13: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
