إنجیل یُوحَنَّا 11
11
مُوت ایلعازَر
1چان زِلمه مَریض بي أسِم ایلعازَر. هُوَّ چان مِن بَیت عَنْیا، قَریَة مَریَم وَ أخِتها مارتا. 2هَي مَریَم چانَت ذیچ مَراء إلْلي دِهْنَت الرَّب بي الْعُطور وَ بي شَعَر رَأسها یِبِّسَت رِیلِیه. هَسّه أخوها ایلعازَر چان صایِر مَریض. 3چَا خَوات ایلعازَر وَدَّن طارِش لِعیسیٰ، گالِن: «يا سِیِّدنا، ذاک ألَّذي أتحبَّه مَریض.» 4عیسیٰ وَکت إلْلي سِمَع هَذا الْخَبَر، گال: «هَذا الْمَرَض ما یِنتِهي بي الْمُوت، بَل لِأجل مَجد الْإلَه، خاطِر ابن الْإلَه بي واسِطتَه یِتْمِجِّد.» 5عیسیٰ، چان یِحِب مارتا وَ أخِتها وَ ایلعازَر. 6چا مِن سِمَع ایلعازَر مَریض، ضَل بَعَد یُومِین بي مَکان إلْلي چان..
7بَعدِین گال لِتِلامیذه: «تَعالوا بَعَد مَرَّه إنْروح لِمَنطَقة الْیَهُودیَّه.» 8تِلامیذه گالُوا: «یا مُعَلِّم، ما تَعَدَّه چِثیر مِن ذاک الْوَکِت إلْلي الْیَهُود رادُوا یِرِجمونَک، وَ أنتَ إتْرید بَعَد مَرَّه إتْروح أهناک؟» 9عیسیٰ جاوُب: «مو الْیُوم، أثْنَعَش ساعَه؟ ذاک إلْلي بي النَّهار یِمشي، ما یِعثَر، لِأن یِشوف نور هَذا الْعالَم. 10أمَّن ذاک إلْلي یِمشي بي اللِّیل، یِعثَر وَ یِطیح، لِأن ما بيه نور.» 11بَعَد هَذا الْحَچي گِلهُم: «صَدیقنا ایلعازَر نایِم، أمَّن أروح خاطِر أگَعده.» 12چَا التِّلامیذ گِلولَه: «یا سِیِّدنا، لُو نایِم، هُوَّ یِشفیٰ.» 13أمَّن عیسیٰ چان یِحچي مِن مُوتْته، التِّلامیذ فَکِّرُوا قَصده هَذ إلْلي هُوَّ نایِم و یِستِریح. 14بَعدِین عیسیٰ عَل مَکشوف گِلهُم: «ایلعازَر مِیِّت. 15وَ لِخاطِرکُم فَرحان إلْلي ما چِنِت أهناک، خاطِر تُؤمِنون. أمَّن هَسّه خِل إنْروح عِندَه.» 16چَا توما، إلْلي مَعروف بي تُؤم، گال لِبَاجي التِّلامیذ: «تَعالوا إحنَا هَم إنْروح خاطِر إنموت وَیَّاه.»
أنا أکون الْقیَامه وَ الْحَیَاة
17وَکِت إلْلي عیسیٰ وُصَل أهناک، عَرَف إلْلي أربَع تیَّام گَبُل چانُوا حاطین ایلعازَر بي الْمُگبَره. 18بِعِد بَیت عَنْیا عَن أورشَلیم چان ثِلِث کیلومِترات. 19چِثیر مِن الْیَهُود إیَّوا عِند مَریَم وَ مارتا خاطِر یِعَزونهِن بي مُوتَة أخوهِن. 20چَا وَکت إلْلي مارتا سِمعَت عیسیٰ ایّي أهناک إسْتَقبِلَته، أمَّن مَریَم ضَلَّت بي الْبَیت. 21مارتا گالِت لِعیسیٰ: «یا سِیِّدي، لُو چِنِت أهنا أخوي چان ما مات. 22أمَّن هَسّه هَم أدري کِل شي إلْلي مِن الْإلَه إتْرید، یِنْطیک.» 23عیسیٰ گِلها: «أخوچ ایگوم.» 24مارتا گِلِت لَه: «أدري بي یُوم الْقیَامه ایگوم.» 25عیسیٰ گال: «أنا أکون الْقیَامه وَ الْحَیَاة. ذاک إلْلي یُؤمِن بیِه، حَتَّیٰ لُو یِموت، یِحیي. 26وَ کِلْمَن حَيّ وَ یُؤمِن بیِه، یَقیناً لِلْأبَد ما یِموت؛ إتْأَجنین هَي؟» 27مارتا گالَت: «نَعَم، یا سِیِّدي، أنا آمَنِت أنتَ مَسیح الْمُوعود، ابن الْإلَه، ذاک إلْلي کون یَاي لِلْعالَم.»
28گالِت هَي وَ راحَت صاحَت لِأخِتها مَریَم، بي الْخَفاء گِلِت ألها: «الْمُعَلِّم إهنا وَ یِصیح لِچ.» 29مَریَم وَکت إلْلي سِمعَت هَي، إبْسَعیتها گامَت وَ راحَت عِندَه. 30عیسیٰ بَعده ما چان داخِل بي الْقَریه، بَل چان أهناک إلْلي مارتا چانَت رایحه إتْشوفه. 31الْیَهُود إلْلي چانُوا مَعَ مَریَم بي الْبَیت وَ یِعَزونها، وَکت إلْلي شافُوا مَریَم بي سُرعه گامَت وَ راحَت بَرّا، تِبعُوها. فَکِّرُوا راحَت تِبچي یِم الْمُگبَره. 32مِن مَریَم وُصلَت أهناک إلْلي چان عیسیٰ وَ شافِته، طاحَت عَلَیٰ رِیلِیه وَ گالِت: «یا سِیِّدي، لُو چِنِت أهنا أخوي چان ما مات.» 33عیسیٰ مِن شاف بِچي مَریَم وَ الْیَهُود إلْلي چانُوا مَعَها، إنْزَعَج بي الرّوح و إتْأثَّر چِثیر. 34سِأَل: «وُین حَطِّیتوه؟» گالُوا: «یا سِیِّدنا، تَعال وَ شوف.» 35عیسیٰ بِچَیٰ. 36چَا الْیَهُود گالُوا: «شوفوا إشگَد چان یِریده!» 37أمَّن الْبَعَض گالُوا: «شَخُص إلْلي فِتِّش أعیون ذاک زِلمه الْعَمیٰ، ما چان یِگدَر یِمنَع مُوت ایلعازَر؟»
إحیَاء ایلعازَر
38بَعدِین عیسیٰ إلْلي چان مِتْأثِّر، إیّه یِم الْمُگبَره. الْمُگبَره، چانَت کَهَف إلْلي عَلَیٰ بابها چانُوا حاطّین صَخره. 39گال: «شیلوا الصَّخره.» مارتا أخت الْمِتوَفي گالَت: «یا سِیِّدي، هَسّه بَعَد یِنْطي ریحه مو طَیبه، لِأن مِتعَدیه أربَع تیَّام.» 40عیسیٰ گِلها: «مو گِلِت لِچ لُو تُؤمِنین، إتْشوفین مَجد الْإلَه؟» 41چَا وَخِّرُوا الصَّخره. بَعدِین عیسیٰ عایِن فُوگ وَ گال: «یا أباه، أشکُرِک إلْلي سِمَعِتْني. 42أنا چِنِت أعرُف کِل وَکِت تِسْمَعني. أمَّن گِلِت هَي لِخاطِر أشخاص إلْلي حاضرین أهنا، خاطِر یُؤمِنون إلْلي أنتَ إموَدّیني.» 43گال هَي وَ بَعدِین بي صُوت عالي نادَه: «ایلعازَر، أطلَع!» 44چَا ذاک الْمِیِّت طَلَع، إیده وَ رِیلِیه مِشدودات بي الْچِفَن وَ گُطعَه مِلفوفه عَلَیٰ وَیهه. عیسي گِلهُم: «فوکّوه وَ خِلّوه ایروح.»
خُطَط قَتل عیسیٰ
45چَا چِثیر مِن الْیَهُود إلْلي چانُوا یَایین لِشُوفِة مَریَم وَ شافُوا عَمَل عیسیٰ، آمِنُوا بيه. 46أمَّن بَعَض مِنهُم راحُوا عِند فِرقَة الْفَریسیین وَ خَبِّرُوهُم کِل شي إلْلي عیسیٰ چان عامله. 47چَا کُبار الْکاهِنین وَ فِرقَة الْفَریسیین إسْتِشارُوا مَعَ بَعَض، گالُوا: «شِنْسُوّي؟ هَذا الْزِلمه یِعمِل نِیاشین چِثیره. 48لُو إنْخِلّيه هِیچ یِعمِل، الْجَمیع یُؤمِنون بيه، وَ الرّومیین إیّون وَ یَأخذون مِن عِندنا هَذا الْمَکان وَ الْقُوم.» 49أمَّن واحَد مِنهُم، بي أسِم قیافا، إلْلي بي ذیچ السِّنه چان کاهِن الْأعظَم، گال لِلْآخَرین: «أنتُم ما تِعُرفون شي 50وَ ما تْفتهمون إلْلي بي صَلاحکُم واحَد یِموت لِلْقُوم، مِن هَي إلْلي کِل الْقُوم یِهلَک.» 51أمَّن هَذا الْحَچي ما چان مِن عِندَه، بَل لِأن بي ذیچ السِّنه چان کاهِن الْأعظَم، هِیچ تَنَبَّأ إلْلي عیسیٰ یِموت لِلْقُوم، 52وَ مو بِس لِلْقُوم، بَل لِتَجمیع وَ تُوحید أولاد الْإلَه إلْلي مِتْطَشرین. 53چَا، مِن ذاک الْیُوم یِرُّوا خُطَط لِقَتله.
54بي هِل سَبَب عیسیٰ بَعَد عَل مَکشوف ما چان یِتمَشَّیٰ بِین الْیَهُود، بَل راح لِمَدینه بي أسِم إفرایم جِریبه لِلصَّحراء وَ مَعَ تِلامیذه ضَل أهناک.
55وَکت إلْلي إتْگَرَّب عید پِسَخ الْیَهُود، مَجموعه چِثیره مِن کِل النَّواحي إیَّوا لِأورشَلیم خاطِر گَبل الْپِسَخ یِعِملون مَراسِم التَّطهیر. 56ذاکول چانُوا یِدَوْرون عَلَیٰ عیسیٰ وَ بي ذیچ الْحال إلْلي چانُوا مُوگفین بي صَحن الْمَعبَد، واحَد چان ایگول لِلْآخَر: «شِتْفَکرون؟ هَلْ أبَد ما راح ایّي لِلْعید؟» 57أمَّن کُبار الْکاهِنین وَ فِرقَة الْفَریسیین چانُوا آمرین وَکت إلْلي أحَد یِعرُف وَین عیسیٰ، یِخَبِّرهُم خاطِر یِعتِقْلونه.
Currently Selected:
إنجیل یُوحَنَّا 11: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
