أعمال الرُّسُل 20
20
سَفَر پولُس إلَیٰ مَقدونیه وَ یُونان
1وَکت إلْلي هِدِء الْأغتِشاش، پولُس راد تِلامیذه وَ مِن بَعَد ما شَجَّعهُم، وَدَّعْهُم وَ راح إلَیٰ مَقدونیه. 2هُوَّ تَعَدّه مِن ذِنیچ النَّواحي وَ بي کَلامه چِثیر شِجَّع الْمُؤمِنین، لِحَد ما وُصَل إلَیٰ یُونان 3وَ ثِلِث تِشهُر ضَل أهناک. وَکت إلْلي چان نَاوي بي المَرکَب ایروح إلَیٰ سوریه، الْیَهُود خَطِّطُوا ضِدّه. چا قَرَّر یِرجَع مِن طَریق مَقدونیه. 4إلْلي چانُوا مَعَه، سوپاتِر ابِن پیرروس مِن نَاس بیریه، آریستارخوس وَ سِکوندوس مِن نَاس تَسالونیکي، گایوس وَ تیموتائوس مِن نَاس دِربه، تیخیکوس وَ تْروفیموس مِن نَاس أیالَة آسیا. 5ذاکول جِدَّامنا راحُوا وَ إنتَظرونا بي تْروآس. 6أمَّن إحنَا مِن بَعَد أیَّام عید الْفَطیر، بي المَرکَب مِشِینا مِن فیلیپي وَ خِمِس تِیَّام بَعَد بي تْروآس لِحَگناهُم وَ ضَلِّینا أهناک سِبِع تِیَّام.
إفتیخوس یِستَحییٰ مِن الْمُوت
7بي أوَّل یُوم مِن الْإسبوع، إجتِمَعنا لِعَشاء الْمُقَدَّس. پولُس چان یُخطُب لِلنَّاس، وَ مِن چان نَاوي یُوم التَّالي یِترِک أهناک، طَوَّل کَلامه لِحَد نُص اللِّیل. 8چانِن مِصابیح چِثیره بي طابِق فُوگ إلْلي چِنَّا مِجْتَمعین. 9بي ذیچ الْحال إلْلي پولُس بَعده چان یِتْکِلِّم، فِرِد شاب بي أسِم إفتیخوس إلْلي چان گاعِد یِم الْشِبّاچ، خِذِته الْنومه وَ غَط بي نُومه عَمیقه وَ فَجأةً مِن طابِق الثَّالِث طاح حَدِر وَ شالُوه مِیِّت. 10پولُس نِزَل حَدِر، ذِب نِفسه عَلَیٰ الشَّاب وَ حِضَنه وَ گال: «لا تخافون، لِأن بَعَدهو حَي!» 11بَعدِین راح فُوگ وَ ثِلَم الْخُبُز وَ کِلَّه. هُوَّ لِلْفَجُر أستَمَر بي الْکَلام مَعَهُم، وَ بَعدِین تَرَک أهناک. 12النَّاس خِذُوا ذاک شاب لِلْبَیت حَيّ وَ إتسَلُوا تِسلایه عَظیمه.
13أمَّن إحنَا إستَمَرنا بي السَّفَر وَ رُکَبنا المَرکَب وَ رِحنا لِمَدینَة آسوس خاطِر أهناک حَسَب قَرار پولُس، إنیِبه لِلْمَرکَب، لِأن چان رایِد لِهناک ایروح مِن طَریق الْیِباس. 14چا مِن شِفنا پولُس بي آسوس، یِبْناه لِلْمَرکَب وَ رِحنا لِمیتیلیني. 15مِنَّاک بي الْمَرکَب رِحنا وَ یُوم الثَّاني وُصَلنا جِریب یِزرَة خیوس. باچِرها رِحنا إلَیٰ یِزرَة ساموس وَ یُوم التَّالي وُصَلنا لِمَدینَة میلیتوس. 16پولُس چان نَاوي مِن طَریق الْبَحَر یِتعَدَّه مِن یِم أفِسُس خاطِر لا یِصرَف وَکِت بي أیالَة آسیا، لِأن چان مِستَعجِل لُو مُمکِن، یُوم الْپِنتیکاست ایکون بي أورشَلیم.
پولُس یِوَدع مَشایخ أفِسُس
17هُوَّ مِن میلیتوس وَدَّه رِساله إلَیٰ أفِسُس وَ راد مَشایِخ الْکِلیسه عِندَه. 18وَکت إلْلي إیَّوا، گِلهُم: «تِدرون إلْلي إشلون عِشِت کِل الْوَکِت وَیَّاکُم، مِن یُوم الأوَّل إلْلي حَطِّیت ریلي بي آسیا. 19إشلون بي کِل تَواضُع وَ بي الْإدموع خِدَمت الرَّب وَ إتحَمَّلِت صُعوبات إلْلي سِدَن عَلِي بي سَبَب مُؤامرات الْیَهُود. 20تِدرون إلْلي ما گَصَّرِت مِن أي شي إلْلي چان یِنفَعکُم، بَل خُطَبت الرِّساله ألکُم، عَلِّمِیْتکُم شِنهي بي الْجَمِع وَ شِنهي بي الْبِیوت. 21شِهَدِت لِلْیَهُود وَ الْیُونانیین هَم إلْلي کون بي التُّوبه یِرِجعون صُوب الْإلَه وَ یُؤمِنون بي رَبنا عیسیٰ الْمَسیح.
22«وَ هَسّه، شوف، بي أمَر روح الْقُدُس أروح إلَیٰ أورشَلیم وَ ما أدري أهناک إش راح ایصیر لي، 23غِیر ذاک إلْلي بي أي مَدینه روح الْقُدُس یِحَذِّرني إلْلي سِجِن وَ صُعوبه بي إنتِظاري. 24أمَّن ما أحسِب لِنِفسي أي قیمه، بِس لُو أگدَر أخَلُّص مُهِمتي وَ أکِمِّل خِدمه إلْلي إمحَصُّلها مِن عیسیٰ الرَّب، خِدمه إلْلي هیّه إعلان إبشارَة نِعمَة الْإلَه.
25«وَ هَسّه، شوفوا، أدري وَلا واحَد مِنکُم إلْلي بِیناتکُم عِلَنِت مَلَکوت الْإلَه، بَعَد ما راح یِشوف وَیهي. 26چا الیُوم راح أخلصها مَعَکُم إلْلي أنا بَرئ مِن دِم الْکِل، 27لِأن ما گَصَّرِت وَیَّاکُم بي إعلان کِل إرادَة الْإلَه. 28دیروا بالکُم عَلَیٰ نَفِسکُم وَ عَلَیٰ کِل قَطیع إلْلي روح الْقُدُس جاعِلکُم نُظار عَلِیه خاطِر إتکونون رُعاء لِکَلیسَة الْإلَه إلْلي شاریها بي دِمّه. 29أدري إلْلي بَعَد روحتي، راح إیّون بِیناتکُم ذیاب إلْلي یِمِردِعَن وَ ما راح یِرُحمَن الْقَطیع. 30حَتَّیٰ مِن بِیناتکُم راح ایگومون أشخاص وَ یِغَیرون الْحَقیقه خاطِر یِجِذبون التِّلامیذ صُوبهُم وَ یِزِلفونهُم مِن الطَّریق. 31چا کونوا واعیین وَ إتذَکَّروا إلْلي أنا ثِلِث إسنین کامِل، لِیل وَ نَهار، ما بَطَلِّت لَحظه مِن هَي إلْلي أحَذِّر کِل واحَد مِنکُم بي الدُّموع.
32«هَسّه أسِلِّمکُم لِلْإلَه وَ لِکَلامه الْمُنعِم إلْلي یِگدَر یِبنیکُم وَ یِنطیکُم میراث بِین جَمیع أشخاص الْمُقَدِّسین. 33ما چان عِندی طُمَع لِفُضَّة أحَد لُو ذَهبه لُو هِدمِه. 34أنتُم تِدرون إلْلي بي إیدِي، هَیَّئِت أحتیاجاتي وَ أحتیاجات إلْلي چانُوا مَعَي. 35مِن أي جِهه راوِیتکُم إلْلي کون حِیل نِشتُغُل خاطِر نِگدَر إنکُض إید الضُّعَفاء، وَ نِتذَکَّر کَلام عیسیٰ الرَّب إلْلي گال: الْعَطاء مُبارِک أکثَر مِن الْأخذ.»
36مِن خَلَّص کَلامه، رِکَع مَعَ الْجَمیع وَ إندَعَیٰ. 37الْکِل وایِد بِچُوا وَ حُضنُوه وَ چانُوا یِبوسونه. 38شي إلْلي أکثر چان یِحزِنهُم، چان هَذ کَلامه إلْلي گال «بَعَد ما راح تشوفون وَیهي.» بَعدِین زِتُوه لِلْمَرکَب.
Currently Selected:
أعمال الرُّسُل 20: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
