أعمال الرُّسُل 17
17
پولُس وَ سیلاس بي تَسالونیکي
1پولُس وَ سیلاس تَعَدَّوا مِن مُدُن آمْفیپولیس وَ آپولونیا وَ وصلوا إلَیٰ تَسالونیکي، إلْلي أهناک الْیَهُود چان عِندهُم مَحَل عِباده. 2پولُس حَسب الْعاده راح لِمَحَل عِبادَة الْیَهُود وَ بي ثِلِث شَبّات باحَثهُم مِن کُتُب الْمُقَدَّس 3وَ شِرَح وَ یاب ألهُم دِلیل إلْلي چَان لازم الْمَسیح یِتْعَذِّب وَ یِگوم مِن بِین الْأموات. هُوَّ چان ایگول: «هَذ عیسیٰ إلْلي أعِلنه ألکُم، هُوَّ مَسیح الْمُوعود.» 4بَعَض مِن هذول وَ هَم چِثیر مِن یُونانیین الَّذي عابدین الْإلَه وَ جِمِع چِبیر مِن نَسوان الْمَعروفه، قِبلَوا وَ إتَّحدَوا مَعَ پولُس وَ سیلاس.
5أمَّن الْیَهُود حِقدَوا وَ مِن الْسوگ لِمَّوا لِختیِّه وَ شِکِلَوا عِصابه وَ سِوَّوا أغتشاش بي الْمَدینه. وَ هِجمَوا عَلَیٰ بَیتْ یَاسُون خَاطِر یِلگون پولُس وَ سیلاس وَ یِطَلعونهُم بِین الْجِمعیَّه. 6أمَّن چِن ما لِگوهُم، خِذَوا یَاسُون وَ بَعض أخریٰ مِن الْأخوَه یِم حُکّام الْمَدینه، صاحَوا «هِل زِلِم إلْلي خِبصَوا کِل الْعالَم، هَسّه هَم یَایین أهنا 7وَ یَاسُون مَأخِذهُم لِبَیته. هذول کِلهُم ما یِطیعون أوَامُر الْأمبراطور وَ یِگولون إلْلي أکو مَلِک آخَر بي أسم عیسیٰ.» 8وَکت إلْلي النَّاس وَ حُکّام الْمَدینه سِمعَوا هَي، غِضبَوا. 9بَعدِین خِذَوا ضَمانه مِن یَاسُون وَ الْآخَرین وَ تِیِّهوهُم.
پولُس وَ سیلاس بي بیریه
10الْأخوَه بي ذیچ الْلِیلَه، مِشَّوا پولُس وَ سیلاس إلَیٰ مَدینَة بیریه. وَکت إلْلي وِصلَوا أهناک، راحَوا لِمَحَل عِبادَة الْیَهُود. 11هذول چانُوا إنْجَب مِن نَاس تَسالونیکي، لِأن بي أشتیاق قِبلَوا الْرِسَاله وَ کِل یُوم چانُوا یِفَحصون کُتُب الْمُقَدَّسه خَاطِر یِشوفون صَدَگ هِیچ لو لا. 12بي هِل شِکِل، چِثیر مِن الْیَهُود وَ هَم عَدَد چِبیر مِن الْنَسوان وَ زِلِم مَعروفین مِن الْیُونان آمِنَوا.
13وَکت إلْلي یَهُود تَسالونیکي عِرفَوا إلْلي پولُس گاعد یِخطَب کَلام الْإلَه بي بیریه هَم، راحَوا أهناک وَزَّو وَ هَیِجَّوا النَّاس. 14الْأخوَه بي سُرعه مِشَّوا پولُس صُوب الْسَاحل، أمَّن سیلاس وَ تیموتائوس ضَلَّوا بي بیریه. 15مُشَیَّعین پولُس، راحَوا مَعَه لِحَد مَدینَة آتن وَ بَعَد ما خِذَوا أَمُر إلْلي بي أسرَع وَکِت سیلاس وَ تیموتائوس کون یِتِبعون پولُس، تِرکَوا أهناک.
پولُس بي آتِن
16بي ذاک الْحال إلْلي پولُس بي مَدینة آتن چان مِنتَظَر ذاکول الْأثنَین، ضاجَت روحَه بیه مِن شاف الْمَدینه مِتْروسه مِن الْأصنام. 17چا بي مَحَل الْعِباده مَعَ الْیَهُود وَ عابدین الْإلَه وَ بي الْسوگ، وَ کِل یُوم مَعَ أي واحَد إلْلي چان یِتْلاگه، چان یِتْسائِل وَ یِتْباحَث. 18بَعَض مِن فَلاسِفَة اپیکوریین وَ الْرَواقیین هَم باحِثوه. بَعَض مِنهُم چانُوا یگولون: «هَذ الْإمهَروَت شیرید یگول؟» بَعَضهُم چانُوا ایگولون: «کِأنه یِبَلَغ آلهه غَریبه.» لِأن پولُس، چان یِبِشِّرهُم عَن عیسیٰ وَ قیام الْأموات. 19بَعدِین کَضوه وَ خَذوه إلَیٰ مِجلس آریوپاگوس وَ أهناک گالو لِه: «هَل مُمکن نَعرَف هَذ تَعلیم الْیِدید إلْلي إتْعَلمه، شِنهو؟ 20کَلامک بي إذاننا عَجیب. چا إنْرید نَعرَف مَعناته.» 21جَمیع الْآتِنیین وَ الْغَرَباء إلْلي چانُوا أهناک یِعیشون، ما چان عِندهُم شُغله غِیر هَي إلْلي یِعَدون وَکِتهُم بي الْنَقاش لو سِماع عَن عَقایِد الْیِدِّد.
22چا پولُس بِین مَجلِس آریوپاگوس گام وَ گال: «یا زِلِم آتِن، أنا مِن کِل حِیث شِفِتکُم مُؤمَنین. 23لِأن وَکت إلْلي چِنِت إمْشي بي الْمَدینه وَ إباوَع لِشي إلْلي تِعِبدونه، شِفِت مَذبَح إلْلي چان مَکتوب عَلِیه: ”تَقدیم لِإلَه الْمَجهول“. هَسّه، شي مَجهول إلْلي أنتُم تِعِبدونه، أنا أعِلنه ألکُم.
24«إلَه إلْلي خَلَق الْعالَم وَ کِل شي إلْلي بیه، هُوَّ مالِک السَّماء وَ الْأرض وَ ما یِسکن بي مَعابد مَصنوعه بي إید الْإنسان. 25إیدِین الْبَشَر ما یِگِدرَن یِخِدمِنه، مِثِل ما کِأنه مِحتاج الْشي، لِأن هُوَّ وَهاب الْحَیَاة وَ الْنَفَس وَ أي شي آخَر لِجَمیع النَّاس. 26هُوَّ خَلَق جَمیع أقوام الْبَشَر مِن فِرِد إنسان خَاطِر یِسِکنون بي کِل الْأرض؛ وَ قَرَّر ألهُم أوقات مُعَینه وَ حُدود مَحَل سَکَنهُم. 27خَاطِر النَّاس ایدَورون عَلَیٰ الْإلَه وَ بِلکَة هَم یدَورون وَراه و یِلگونه، وَلو ماهو بَعید مِن أي واحَد مِنْنا. 28لِأن عِندنا الْعیشه وَ الْحَرَکه وَ الْوجود بیه؛ مِثِل ما بَعَض مِن شُعَراکُم هَم گالوا إلْلي: ”بِالحَق إحنَا مِن نَسله“.
29«چا چِن إحنَا مِن نَسل الْإلَه، مو لایگه هِیچ إنْفَکِر إلْلي ذات الْإلَهي یکون مِثِل ذَهَب لو فَضّه لو حَجَر الَّذي الْإنسان بي خَلاقیته بي صورة تِمثال إمنِگشه. 30بي الْماضي، الْإلَه چان یِغَمَّض عِینه عَلَیٰ هِیچ جِهاله. أمَّن هَسّه یِحکُم عَلَیٰ جَمیع النَّاس إلْلي یِتوبون. 31لِأن قَرَّر یُوم إلْلي بي واسِطَة زِلمه إلْلي مِختارَه، یِقْضي الْعالَم بي الْعداله، وَ بي هَي إلْلي گَوَّماه مِن الْأموات، طَمَّن الْجَمیع مِن هَذا الْأَمُر.»
32وَکت إلْلي سِمعَوا عَن قِیَام الْأموات، بَعَضهُم مِسخَرَوا، أمَّن الْآخَرین گالُوا: «إنْرید عَن هِل موضوع بَعَد هَم نِسمَع مِنَّک.» 33بي هِل شِکِل پولُس تَرَک الْمَجلِس. 34أمَّن چِم شَخُص إتَّحدَوا مَعَه وَ آمَنُوا. مِن جُملَتهُم دیونیسیوس، عَضو مَجلِس ”آریوپاگوس“، مَراء بي أسم داماریس، وَ هَم چِم نَفَر آخَر.
Currently Selected:
أعمال الرُّسُل 17: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
