أعمال الرُّسُل 12
12
تَحریر پِطرُس مِن السِّجِن
1بي ذاک الْزَمان، هیرودیس الْمَلِک ضُل یَظلُم بَعَض أشخاص مِن الْکَلیسه. 2بي أَمرَه هُوَّ قِتلُوا یَعقوب أُخو یُوحَنَّا بي الْسَیف. 3وَ مِن شاف هَي الْشُغله فَرِحَت الْیَهُود، ما یاز وَ أعتِقَل پِطرُس هَم. هَي صارت بي أیَّام عید الْفَطیر. 4هیرودیس بَعَد ما أعتِقَل پِطرُس، ذِبّه بي السِّجِن وَ جَعَل یِحُرسونه أربَع فُرُق إلْلي مِتْشَکله مِن أربَع أشخاص. وَ صَمَّم إلْلي مِن بَعَد عید الْپِسَخ یِحاکمه بي حُضور الْکِل.
5چا خِلُّوا پِطرُس بي السِّجِن، أمَّن الْکَلیسه بي أهتِمام چانُوا یِنْدِعون لِه عِند الْإلَه.
6لِیله گَبُل یُوم إلْلي هیرودیس چان قاصِد یِحاکِم پِطرُس، پِطرُس چان إمسَنسَل بي أثنَین سَناسِل وَ نایِم بِین أثنَین جِنود، وَ الْحُرّاس هَم چانُوا یِحُرسون جِدَّام باب السِّجِن. 7وَ شوف، ظَهَر فِرِد مَلاک مِن مَلائِکَة الرَّب وَ فِرِد نور شَرَق بي داخِل السِّجِن. الْمَلاک طَگ عَلَیٰ صَفحَة پِطرُس وَ نِدِهه وَ گال: «إبْسَع گوم!» بي لَحظَتها الْسَناسِل طاحَن مِن إیدِیه.
8الْمَلاک گِل لِه: «شِد أحزَامِک وَ ألبَس قِندَره.» پِطرُس هِیچ عِمَل. بَعدِین الْمَلاک گِل لِه: «لِف عَباک عَلِیک وَ إتْبَعني.» 9چا پِطرُس تِبَعه وَ طَلَع بَرَّات السِّجِن. أمَّن ما چان یِأَجِّن شي إلْلي الْمَلاک چَان یِسَویه حَقیقي، بَل چان یِظُن گَاعِد ایشوف رُؤیَاء. 10هُمّا تَعَدُّوا مِن مَحرَس الْأوَّلي وَ الثَّاني. وَ وُصلَوا إلَیٰ باب الْحَدیدي إلْلي چان یِنفِتِح عَلَیٰ الْمَدینه. الْباب لِوَحده إنْفِتَح بي وَیوههُم. چا طُلعَوا وَ مِن وُصلَوا إلَیٰ نِهَایَة الْشَارِع، فَجأَةً الْمَلاک غاب.
11بي ذاک الْوَکِت پِطرُس وَعه وَ گال: «هَسّه صار عِندي یَقین إلْلي الرَّب وَدَّه فِرِد مَلاک مِن مَلائِکته وَ خَلَّصني مِن إید هیرودیس وَ مِن شي إلْلي قُوم الْیَهُود چانُوا یِنتَظرونه.»
12مِن پِطرُس عَرَف هَي، راح إلَیٰ بَیت مَریَم أُم یُوحَنَّا إلْلي مَعروف بي مَرقُس. أهناک چِثیرین چانُوا مِجتَمعین وَ یِنْدِعون. 13مِن پِطرُس طَگ الْباب، خَادمه بي أسم رودا إیِّت تِفتَح الْباب. 14أمَّن مِن عِرفَت صُوت پِطرُس، مِن الْفَرَح، بِدون لا تِفتَح الْباب رِکضَت داخل وَ خِبِرَتهُم: «پِطرُس وَراء الْباب!»
15گالُوا ألها: «إتْسودِنتي؟» أمَّن مِن شافوها إتْصُر، گالُوا: «إنَّه مَلاکِه.»
16بي هِل وَکِت، پِطرُس بَعَدهو چان یِطِگ الْباب. بَعدِین، بي الْأَخیر، مِن فِتحَوا الْباب، چِثیر إتْحَیِّرُوا بي شُوفته. 17پِطرُس بي إیده أشَّر وَ سِکِّتهُم وَ شَرَح إلْلي إشْلون الرَّب خَلُّصَه مِن السِّجِن. بَعدِین گال: «خَبْروا یَعقوب وَ بَاجي الْإخوَه مِن هَذا الْأمُر.» بي ذاک الْوَکِت راح إلَیٰ مَکان آخَر.
18مِصباح یُوم التَّالي، صارت شوشه بِین الْجِنود، لِأن ما چانُوا یِدرون إش سِدَیٰ عَلَیٰ پِطرُس. 19هیرودیس آمَر یِدَوْرون کِل مَکان عَلَیٰ پِطرُس؛ وَ مِن ما لِگُوه حَقَّق مِن الْجِنود وَ حُکَم بي قِتِلهُم. بَعدِین پِطرُس راح مِن مَنطَقة الْیَهُودیَّه إلَیٰ قَیصَریَّه وَ ضَل مُدّه أهناک.
وَفاة هیرودیس
20هیرودیس چان غَاضُب عَلَیٰ نَاس صور وَ صیدون. بي هِل سَبَب بي گَلُب واحَد راحُوا عِندَه وَ طُلبَوا رُخصَه لِیِتْشَرِّفون وَ یِرحون لِحُضوره. هُمّا إتِّحدَوا مَعَ بْلاستوس، مُعَاوِن خَاص الْمَلَک، وَ طُلبَوا السَّلام، لِأن مِن أرض هیرودیس چان یِتْهَیَّأ طَعام وَ مَعاشهُم.
21بي یُوم الْإمقَرَّر، هیرودیس لِبَس عَباء الْمُلوکیه، گَعَد عَلَیٰ الْکُرسي وَ خَاطَب الْجَمَاعه. 22النَّاس صاحُوا: «هَذا صُوت فِرِد إلَه، مو صُوت فِرِد إنسان!» 23بي لَحظَتها، فِرِد مَلاک مِن مَلائِکَة الرَّب طَگَّه، بي هِل سَبَب إلْلي ما چان إمْمَجِّد الْإلَه. بَعدِین الْدود کِلَّن جِسمه وَ مات.
24أمَّن کَلام الْإلَه چان یِتْقَدَّم وَ یِنتُشُر بي سُرعه.
25بَرنابا وَ سولُس مِن خَلِّصُوا مُهِمِّتهُم، رِجعَوا مِن أورشَلیم وَ هَم یَابُوا مَعَهُم یُوحَنَّا إلْلي چان مَعروف بي مَرقُس.
Currently Selected:
أعمال الرُّسُل 12: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
