أعمال الرُّسُل 11
11
پِطرُس یِفَسِر عَمِله
1الْرُسُل وَ الْأخوَه بي کِل مَنطَقة الْیَهُودیَّه، سِمعَوا إلْلي غِیر الْیَهُود هَم قِبلُوا کَلام الْإلَه. 2چا مِن پِطرُس رِجَع إلَیٰ مَدینة أورشَلیم، مُصِرّین الطَهَّاره لامُوه وَ گالُوا: 3«إشْلون گِدَرِت تِدخَل بَیت إلْلي ماهُم إمْطَهَّرین وَ تِگعِد مَعَهُم عَلَیٰ الْسُفره؟»
4پِطرُس شِرَح ألهُم کِل الْسَالفه مِن الْبِدَایه بي الْتَفصیل، وَ گال: 5«أنا بي مَدینة یافا چِنِت مَشغول بي الْدُعاء إلْلي دِخَلت الْغَیبوبه و بي الْرُؤیَاء شِفِت شي مِثِل سُفره چِبیره إلْلي چانَت إمْعَلِّگه مِن أربَع أطرافها، مِن السَّماء نِزلَت لي. 6مِن باوَعِت زِین، شِفِت بیها مَواشي وَ وُحوش وَ زَواحِف وَ طُیور. 7بَعدِین وُصَل نِدَاء لِأذني إلْلي چان ایگول: ”یا پِطرُس، گوم أذبَح وَ أکِل.“
8«جاوَبِت: ”حَشاي، یا رَب، لِأن أبَد ما ذِگِت شي حَرام لُو نَجِس.“
9«ثَاني مَرّه وُصَل نِدَاء مِن السَّماء إلْلي ”شي إلْلي الرَّب إمْطَهّرَه، لا تْحِسبه نَجِس.“ 10وَ هَي الْسالفه ثِلِث مَرات إنْعَادِت؛ بَعدِین کِل ذِکِن الْأشیَاء إنْرُفعَن إلَیٰ السَّماء.
11«وَ شوف، بي ذاک الْوَکِت، ثِلِث أشخاص إلْلي مِن الْقَیصَریَّه چانُوا إمْوَدّینهُم لي، وُصلَوا إلَیٰ بَیت إلْلي چِنِت بيه. 12روح الْإلَه گِل لي لا تِتْرَدِّد بي الرُوحَه مَعَهُم. هِذول الْسِت أخوَه هَم إیَّوا وَیَّاي، وَ إحنَا دِخَلنا بي بِیت ذاک الْزِلمه. 13هُوَّ خَبَّرنا إلْلي إشْلون بي بَیته چان شَایِف مَلاک إلْلي چان گایل لِه: ”وَدّي إشخاص لِیافا خَاطِر إیِّبون أهنا شَمعون إلْلي مَعروف بي پِطرُس. 14هُوَّ راح إیِّب لِک رِسَاله إلْلي بي واسِطَتها أنتَ وَ کِل أهِل بِیتِک تِنِجحون.“
15«مِن بِدَیت بي الْحَچي، روح الْقُدُس نِزَل عَلِیهُم، کِلِّش مِثِل ما أوَّل مَرّه نِزَل عَلِینا. 16بي ذاک الْوَکِت إتذَکَّرِت إحچَایِة الرَّب إلْلي چان گایِل: ”یَحیَّیٰ چان یِعَمِّد بي الْمَاي أمَّن أنتُم راح تِتْعَمِّدون بي روح الْقُدُس.“ 17لُو الْإلَه بَعَد ما آمَنا بي عیسیٰ مَسیح الرَّب أنْطاهُم عَطاء إلْلي الرَّب چان مُنطینا، چا أنا مِنهو أکون إلْلي أرید أمنَع عَمِل الْإلَه؟»
18مِن سِمعَوا هَذا الْحَچي، سِکتُوا وَ حِمدُوا الْإلَه وَ گالُوا: «بي الْحَقیقه الْإلَه أنْطیٰ فُرصة التَّوبه هَم لِغِیر الْیَهُود، توبه إلْلي تِنتهي لِلْحَیَاة.»
کَلیسَة أنطاکیه
19وَ أمَّن ذاکول إلْلي چانُوا طاشّین بي بِدَایَة الْأذّیَه بي سَبَب سَالفِة إستیفان، سَافِرُوا إلَیٰ نَواحي فینیقیه وَ قِپرس وَ أنطاکیه. هُمّا چانُوا یِعِلنون الْکَلام بِس عَلَیٰ الْیَهُود. 20أمَّن بِیناتهُم چانُوا چِم أشخاص مِن أهالي قِپرس وَ قیرَوان إلْلي مِن وُصلَوا مَدینة أنطاکیه، تِکَلِّمُوا مَعَ الْیُونانیین و بِشِّروهُم بي عیسیٰ الرَّب. 21إید الرَّب هَم چانَت مَعَهُم وَ عَدَد چِثیر آمَنُوا وَ إهتِدَوا إلَیٰ الرَّب.
22مِن وُصَل هَذا الْخَبَر إلَیٰ کَلیسَة أورشَلیم، وَدَّوا بَرنابا إلَیٰ أنطاکیه. 23مِن وُصَل أهناک وَ شاف لُطف الْإلَه، فَرَح وَ شِجَّع الْجَمیع خَاطِر بي کِل گُلوبهُم إیکونون وافین لِلرَّب، 24لِأن چان زِلمه طَیِّب وَ مِتْروس مِن روح الْقُدُس وَ الْإیمان. بي هِل شِکِل عَدَد چِثیر إنضَمُّوا إلَیٰ الرَّب.
25مِن بَعَد ذاک، بَرنابا راح إلَیٰ مَدینة تَارسوس خَاطِر یِدَوِّر عَلَیٰ سولُس. 26وَ مِن لِگاه، یَابه إلَیٰ أنطاکیه. هِذول أهناک سِنه کامله چانُوا یِتجَمِّعون مَعَ الْکَلیسه وَ چانُوا یِعَلمون چِثیرین. بي أنطاکیه چان إلْلي لِأوَّل مَرَّه سِمَّوا التَّلامیذ ”مَسیحي“.
27بي ذِکِن الْأیَّام چِم نَبي مِن أورشَلیم إیَّوا إلَیٰ أنطاکیه. 28واحَد مِنهُم إلْلي أسمه چان آگابوس، گام وَ بي وَحي روح الْقُدُس تِنَبَّاء إلْلي راح ایّي گَحَط شَدید بي کِل الْدِنیا وَ هَذا الْگَحَط صار بي زَمان حُکومَة کْلودیوس. 29چا الْتَلامیذ صَمِّمُوا إلْلي کِل واحَد حَسَب وَسعَه، یِوَدّي مُساعِدَه لِأخوَه إلْلي ساکنین بي مَنطَقة الْیَهُودیَّه. 30چا هِیچ سَوَّوا وَ وَدَّوا هِدیّه لِلْمَشایخ بي إید بَرنابا وَ سولُس.
Currently Selected:
أعمال الرُّسُل 11: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
