أعمال الرُّسُل 10
10
زیارَة پِطرُس مِن کُرنِلیوس الْرومي
1بي مَدینة قَیصَریَّه چان زِلمه بي أسِم کُرنِلیوس، مِن ضُباط جِیش الْرومي إلْلي مَعروف بي جِیش الْإیطالي. 2هُوَّ وَ أهل بِیته کِلهُم چانُوا خایفین الْإلَه. کُرنِلیوس بي سَخاء چان یِنْطي صَدَقه لِلْفُقَراء وَ دائماً چان یِنْدِعي إلَیٰ الْاِلَه. 3بي فِرِد یُوم حَوالي السَّاعه ثِلاثه مِن الْظُهُر بي الْرُؤیاء واضِح شاف إلْلي إیّه یِمّه فِرِد مَلاک مِن مَلائِکَة الرَّب وَ گال: «یا کُرنِلیوس!»
4کُرنِلیوس بي خُوف نَظَر إلَیٰ الْمَلاک وَ جاوَب: «نَعَم، یا سَیِّدي!»
الْمَلاک گال: «کِل دُعائَک وَ صَدَقاتَک مِثِل هِدیَّة تِذکار وَصلَن إلَیٰ الْاِلَه. 5هَسّه وَدّي أشخاص إلَیٰ مَدینة یافا خَاطِر إیِّبون شَمعون الْمَعروف بي پِطرُس إلَیٰ أهنا. 6هُوَّ ضِیف فِرِد دَبّاغ بي أسِم شَمعون إلْلي بِیته عَلَیٰ راگ الْبَحَر.»
7مِن مَلاک إلْلي چان یِکِلمه تَرَکه، کُرنِلیوس راد شَخصین مِن خِدّامه وَ جُندي وافي إلْلي چان زِلمه مُتَقّي، 8وَ شِرَح ألهُم کِل الْسَالفه وَ وَدّاهُم إلَیٰ یافا.
9یُوم التَّالي، جِریب الْظُهُر، مِن چانُوا بي الْطَریق وَ یِتْگَرِّبون إلَیٰ الْمَدینه، پِطرُس صَعَد فُوگ السَطَح خَاطِر یِنْدِعي. 10أهناک یَاع وَ راد یَأکِل شي. مِن چانُوا یِجَهزون الْأکِل، دَخَل بي الْغَیبوبه. 11بي ذیچ الْحال شاف إلْلي السَّماء إنْفِتحَت وَ چان یِنزِل شي إلَیٰ الْأرض مِثِل سُفره چِبیره إلْلي إمعَلِّگه مِن أربَع أطرافها. 12وَ چانِت مِتْروسه مِن أنواع الْمَواشي و الْزَواحِف وَ الْطُیور. 13بي ذاک الْوَکِت وُصَل لِه نِدَاء إلْلي: «یا پِطرُس، گوم، إذبَح وَ أکِل!»
14پِطرُس گال: «حَشاي! یا رَب، لِأن أبَد ما ذِگِت شي حَرام لُو نَجِس.»
15ثاني مَرَّه وُصَل نِدَاء إلْلي «شي إلْلي الرَّب إمطَهُّرَه، لا تْحسبه نَجِس!»
16هَي الْسالفه ثِلِث مَرات إنْعَادِت وَ بَعدِین بي فِرِد لَحظه الْسُفره إنْرُفعَت إلَیٰ السَّماء.
17بي ذاک الْحال إلْلي پِطرُس بي حیرَه چان یِفَکِّر بي مَعنیٰ الْرُؤیَاء، شوف، أشخاص إلْلي کُرنِلیوس چان إموَدّیهُم، لِگَّوا بَیت شَمعون، وَ وُصلَوا إلَیٰ باب بِیته. 18ذاکول بي صُوت عالي چانُوا یِسِألون: «هَلْ شَمعون الْمَعروف بي پِطرُس ضِیف أهنا؟»
19پِطرُس بَعَدهو چان یِفَکِّر بي الْرُؤیَاء إلْلي روح الْإلَه گِلَّه: «شوف، ثِلِث أشخاص گاعدین یِدَوْرون عَلِیک. 20گوم وَ إنزِل وَ روح وَیَّاهُم بِدون أي تَردید لِأن أنا إمْوَدّيهُم.»
21پِطرُس نِزِل وَ گِلهُم: «أنا ذاک إلْلي إتْدَورون عَلِیه. شِنهي سَبَب یِیِّتکُم؟ 22ذاکول گالُوا: «کُرنِلیوس الْقَائِد وَدّانا. هُوَّ زِلمه خیر وَ خَایِف الْإلَه وَ سِمِعته طَیبه عِند کِل الْیَهُود. هُوَّ آمِرَه فِرِد مَلاک مُقَدَّس إلْلي یِوَدّي وَراک وَ یِعِزمَک إلَیٰ بَیته، لِیِسمَع کَلامِک.»
23چا پِطرُس أخِذهُم إلَیٰ الْبَیت خَاطِر إیکونون ضِیفه.
یُوم التَّالي گام وَ راح مَعَهُم. بَعض الْأخوَه مِن أهِل یافا هَم راحُوا مَعَه. 24یُوم التَّالي وُصلَوا إلَیٰ مَدینة قَیصَریَّه. کُرنِلیوس چان إمْجَمِّع گَرایبه وَ صُدقانه الْجِریبین وَ چان یِنْتَظَر وَصُولهُم. 25مِن پِطرُس دِخَل إلَیٰ الْبَیت، کُرنِلیوس رَکَض لِإستِقباله وَ طاح عَلَیٰ ریلِیه، وَ سِجَد لِه. 26أمَّن پِطرُس گَوَّماه وَ گال: «گوم؛ أنا هَم إنسان مِثلَک.»
27بَعدِین مِن چانُوا یِحچون دِخَل إلَیٰ الْبَیت وَ أهناک شاف جَمعیه چِبیره مِن النَّاس. 28پِطرُس گِلهُم: «أنتُم تِدرون إلْلي حَرام الْیَهُود یِعاشرون الْأجَانِب لُو یِرحون لِبَیتهُم. أمَّن الْإلَه راواني إلْلي وَلا أحَد أحِسبه نَجِس لُو مو طاهِّر. 29چا مِن وَدِّیتوا وَراي، مِن دون أي أعتِراض إیِّت. هَسّه گولوا، بي أي سَبَب طَلَبتوني؟»
30کُرنِلیوس جاوَب: «قِبِل أربَع تِیَّام بي هِل وَکِت، جِریب السَّاعه ثِلاثه مِن بَعد الْظُهُر، چِنت أنْدِعي بي بَیتي إلْلي فَجأَةً وَگَف جِدّامي زِلمه بي ثُوب إمْنَوَّر 31وَ گال: ”کُرنِلیوس، دُعائَک إستَجاب وَ إنْذَکرَن صَدَقاتَک بي حُضور الْإلَه. 32وَدّي أشخاص إلَیٰ یافا إلْلي إیِّبون شَمعون إلْلي مَعروف بي پِطرُس أهنا. هُوَّ ضِیف عَند شَمعون الْدَبّاغ إلْلي بَیته عَلَیٰ راگ الْبَحَر.“
33چا إبْسَع وَدِّیت وَراک وَ أنتَ مِن حُسن لُطفَک إیِّت. هَسّه کِلنا حَاضرین بي حُضور الْإلَه خَاطِر نِسمَع کِل شي إلْلي الرَّب گایِل لَک.»
34پِطرُس هِیچ إبْتِدَء بي الْحَچي: «هَسّه أنا عِلَمِت إلْلي بي الْحَقیقه الْإلَه ما یُفَرِّق بِین النَّاس؛
35بَل مِن أي الْقُوم، یِقبَل أي شَخُص إلْلي یِخاف مِنَّه وَ یِعمِل الْصالحیَّه. 36أنتُم تِعِلمون بي رِسَاله إلْلي الْإلَه وَدّاها لِبَني إسرائیل وَ بي واسِطَة عیسیٰ الْمَسیح إلْلي هُوَّ رَب الْجَمیع، بَشَّر بي السَّلام وَ السَّلامه. 37أنتُم تِدرون إلْلي إشْلون هَذا الْأَمُر أستِبدَء بي مَنطَقة الْجَلیل مِن بَعَد تَعمید إلْلي یَحیَّیٰ چَان یِخطُب بيه، وَ إنْتَشَر بي کِل مَنطَقة الْیَهُودیَّه، 38وَ إشْلون الْإلَه مَسَح عیسیٰ النَّاصِري بي روح الْقُدُس وَ الْقُوَّه، بي شِکِل إلْلي چان یِفتَر کِل مَکان وَ چان یِعمِل أعمال طَیبه وَ چان یِشفي کِل ذاکول إلْلي چانُوا تَحَت ظُلُم إبْلیس، لِأن الْإلَه چان مَعَه.
39«إحنَا شُهُود عَلَیٰ کِل أعمال إلْلي عِمِلهِن بي أرض الْیَهُود وَ بي مَدینة أورشَلیم. وَ هُمّا رِفعوه عَلَیٰ الْصَلیب وَ قِتلوه. 40أمَّن الْإلَه گَوَّماه بي یُوم الثَّالِث وَ ظَهَره عَلَیٰ چِثیرین، 41أمَّن مو عَلَیٰ الْکِل، بَل بِس عَلَیٰ شُهُود إلْلي هُوَّ مِن گَبُل چان مِختارهُم، یَعني عَلِینا إحنَا إلْلي مِن بَعَد قِیَامه مِن بِین الْأموات، کِلِینا وَ شَرَبنا مَعَه. 42هُوَّ أَمَرنا إلْلي نِعلِن هَي الْحَقیقه لِلْقُوم وَ نِشهَد إلْلي الْإلَه إمْقَرُّرَه خَاطِر إیکون حَکَم عَلَیٰ الْأحیَاء وَ الْأموات. 43الْأنبیَاء کِلهُم یِشِهدون عَن عیسیٰ إلْلي أي واحَد الَّذي یُؤمَن بيه، بي أسمه راح یِحَصُّل غُفران الْذُنوب.»
44پِطرُس بَعَدهو چَان یِحچي إلْلي روح الْقُدُس نِزَل عَلَیٰ کِل ذاکول إلْلي چانُوا یِسِمعون الْرِسَاله. 45عَدَد مِن مُؤمِنین الْیَهُود إلْلي چانُوا یَایین مَعَ پِطرُس، مِن شافُوا إلْلي روح الْقُدُس حَتَّیٰ نِزَل عَلَیٰ غِیر الْیَهُود، إتْحَیِّرُوا. 46لِأن سِمعَوا إلْلي هِذول یِتکَلِّمون بي غِیر لُغات وَ یِحِمدون الْإلَه. بَعدِین پِطرُس گال: 47«هَسّه إلْلي هِذول حَصِّلُوا روح الْقُدُس مِثِلنا، هَلْ واحَد یِگدَر یِمنَع تَعمیدهُم بي الْمَاي؟» 48چا أمَر إلْلي یِعَمِّدونهُم بي أسِم عیسیٰ الْمَسیح. بَعدِین رادُوا مِن پِطرُس إلْلي چِم یُوم یِضُل مَعَهُم.
Currently Selected:
أعمال الرُّسُل 10: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
