رِسالَة ثاني إلَیٰ قُرَنتیین 8
8
تِجمیع الْهَدایَاء
1یا أخوتي، أنرید أنْخَبُرکُم مِن نِعمَه إلْلي الْإلَه مَنْطيها لِکِلیسات مُقاطِعَة مَقدونیه. 2لِأن ذاکول إلْلي أمتِحنُوا بي فِرِد مُصیبه صَعبه، مَعَ فَرحه عَظیمه وَ مَعَ فَقُر شَدید، فاضَت مِنهُم کَرامه غَنیَّه. 3لِأن ذاکول بي رَضاهُم أنْطُوا إبگَد إسْتِطاعَتهُم، وَ أنا شاهِد إلْلي حَتَّیٰ أکثَر مِن إسْتِطاعَتهُم، 4بي لَح چِثیر إتْرَجُّوا مِنْنَا إلْلي إیکونون شُرَکاء بي مُساعِدَة مُؤمَنین الْمَسیح. 5هِذول مو بِس عِملَوا أکثَر مِن أنتِظارنا، بِل أوَّل قَدِّمُوا نَفِسهُم لِلرَّب، وَ مِن بَعَدها حَسَب إرادَة الْإلَه، قَدِّمُوا نَفِسهُم ألنا إحنَا هَم. 6حَسَب هَي، إتْرَجِّینا مِن تیتوس أن یِکَمِّل عِندکُم هَذ عَمَل الْلُطف مِثل ما هُو گَبُل چان مِبْتِدي بيه. 7چَا مِثل ما أنتُم إتْسُبگون بي کِل شي، چَا بي هَذ لُطف الْمُساعَده هَم أسُبگوا، بي الْإیمان، بي الْبَیان، بي الْمَعرَفه، بي غیرَه کامِلَه، وَ بي محَبَّتنا ألکُم.
8ما أؤمِرکُم بي هَذا الْشي، بِل أرید أمْتِحِن أخلاص مَحَبَّتکُم مَعَ غیرَة الْآخَرین. 9لِأن عارفین لُطف رَبّنا عیسیٰ الْمَسیح إلْلي وَلو چان غَني، لِخاطِرکُم صار فَقیر خاطِر أنتُم بي نَتیجَة فُقره إتْصیرون أغنیَاء.
10هَذ نَظَري عَن هَذا الْموضوع: لأن إیکون بي صَلاحکُم، أنتُم چِنتُوا ذاکول إلْلي الْعام، مو بِس بِدِیتُوا هَذا الْعَمَل، بَل چان عِندکُم أشتیاق لِعَمَل هَي الْشُغله. 11أنتُم هَم کون إتْساعدوننا بي الْدُعاء، حَتَّیٰ بي هِل شِکِل نَاس چِثیره یِشُکرون، بي سَبَب ذیچ الْبَرَکه إلْلي إتوَهِّبَت ألنا مِن طَریق دُعاء چِثیرین. 12لِأن لو یکون أشتیاق، تِنْقِبِل هَدیَة الْشَخُص، طبعاً حَسَب شي إلْلي شُخَص عِندَه، مو شي إلْلي ما عِندَه.
13لِأن مَنظوري مو هَذ إلْلي الآخِرین إیکونون بي الْراحَه وَ أنتُم إتکونون تَحت الْحِمِل، بِل الْموضوع هَذ إلْلي هَي الْشُغله إتکون بي الْإنصاف، 14إلْلي غِناکُم الْحاضِر، یِسَدِّد أحتیاجاتهُم، خاطِر فِرد یُوم هَم غِناهُم یِسَدِّد أحتیاجاتکُم. بي هِل شِکل یِحصَل الْإنصاف، 15مِثل ما مَکتوب بي الْتُورات: «ذاک إلْلي جِمَع چِثیر، ما چان عِندَه زایِد، وَ ذاک إلْلي جِمَع قِلیل، ما چان عِندَه نَقُص.»
پولُس یِوَصّي عَن تیتوس
16أشکُر الْإلَه إلْلي حاط بي گَلُب تیتوس ذیچ غیرَه إلْلي أنا عِندي ألکُم. 17لِأن هُوَّ مو بِس قِبَل رَجاءنا، بِل تِقَدَّم بي أشتیاق چِثیر لِلْیِیَّه عِندکُم. 18وَ إحنَا إنْوَدي مَعَه فِرِد أخو. هَذا الْأخو، مَعروف بي الْکِلیسات لِخاطِر هَي إلْلي بَشَّر بي الْإنجیل. 19وَ مو بِس هَي، بَل هَذا الْشَخُص إتْعَیَّن مِن صُوب الْکِلیسات خاطِر بي هَي الْنِعمَه الَّذي نِقَدِّمها لِتَمجید الرَّب وَ إنْراوي شوقنا لِلْمُساعده، یِسافر مَعَنا. 20إحنَا چِثیر نِراقب إلْلي لا أحَد یِلومنا عَلَیٰ مود هَي هِدیَه الْکَریمه الَّذي إحنَا خِدَامها. 21لِأن نِسعي مو بِس بي نَظَر الرَّب، بِل بي نَظَر النَّاس هَم نِعمِل شي إلْلي لایِق.
22مَعَ هِل أشخاص إنْوَدي أخونا إلْلي إحنَا چِثیر جَرَبناه وَ شِفناه عِندَه غیرَه بي مَسائِل چِثیره، وَ هَسّه هَم غیرتَه صایرَه أکثَر لِخاطِر ثِقْتَه الْعَظیمه بیکُم. 23عَن تیتوس أگدَر أگول إلْلي بي الْخِدمَه ألکُم زِمیلي وَ مُعاوِني مِن أجِل صَلاحکُم. و عَن أخوَتنا هَم هِیچ أگول إلْلي هُمّا إیکونون رُسُل الْکِلیسات وَ مَجد الْمَسیح. 24چَا ثِبتُوا مَحَبَّتکُم بي حُضور الْکِلیسات، وَ راووهُم إیکون حَقّ، ذاک فَخر إلْلي إحنَا نِفتَخره بیکُم یِم هِذول النَّاس.
Currently Selected:
رِسالَة ثاني إلَیٰ قُرَنتیین 8: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
