رِسالَة ثاني إلَیٰ قُرَنتیین 9
9
1ماکو حاجَه لِأکتِب ألکُم عَن هَي الْخِدمَه الَّذي لِمُؤمَنین الْمَسیح، 2لِأن عارِف أشتیاقکُم وَ بي هِل خُصوص أفتِخِر بیکُم یِم ناس مُقاطِعَة الْمَقدونیه. گِلتِلهُم إلْلي أنتُم بي مُقاطِعَة أخائیه، مِن الْعَام چِنتُوا مُستَعِدّین لِأعطاء الْهَدایَاء. هَي غیرَتکُم هَیِّضَت چِثیر مِنهُم. 3أمَّن أوَدّي هِل أخوَه خاطِر فَخَرنا بیکُم بي هِل خُصوص لا یکون عَل فاضي خاطِر إتکونون مُستَعِدین مِثِل ما گِلتِلهُم. 4وَ لو لا، إذا أحَد مِن نَاس مَقدونیه ایّي مَعَی وَ یِشوف إلْلي مِنتُم مِستَعِدین، إحنَا إشگِد راح نِخجَل مِن ثِقَه إلْلي چانَت عِندنا بیکُم، خِل لا أگول عَن هَي إلْلي أنتُم إشْگَد راح تِخِجلون. 5چَا شِفِت لازِم أطلُب مِن الْأخوَه إلْلي گَبُلها إیّون یِمکُم وَ یِجَهزون هِدیَه الْکَریمه إلْلي چِنتُوا إمْواعدینها. خاطِر هِیچي هَي الْهَدیَه، إتْصیر فِرِد هِدیَه إلْلي مِنْعَطیه بي کَرَم وَ مو بي الْأجبار.
الْواهِب الَّذي یِوَهِّب هِدیَه بي فَرَح
6الْموضوع هَذ إلْلي: کِلمَن یِشتِل قَلیل، قَلیل هَم راح یِحصُد، وَ کِلمَن یِشتِل چِثیر، چِثیر هَم راح یِحصُد. 7کِل واحَد یِنْطي إبگِد شي إلْلي نَاوي بي گَلبه، مو بي إکراه وَ إجبار، لِأن الْإلَه یِحِب ذاک الَّذي یِوَهِّب هِدیَه بي فَرَح. 8وَ الْإلَه قادِر یِچَثِّر أي نِعمَه ألکُم، خاطِر إیکون عِندکُم الْکِفائَه دایماً بي کِل الْأشیَاء وَ إتْفیضون بي أي عَمَل خِیر. 9مِثِل ما مَکتوب بي کِتاب الْزَبور:
«وَزَّع بي کَرامَه، أنْطیٰ الْفُقَراء؛
صَالحیتَّه دایماً لِلْأبَد.»
10وَ ذاک إلْلي یِجَهِّز الْبَذِر لِلْفَلاح وَ الْخُبُز لِلْأکِل، أمجَهِّز بِذِرکُم وَ یِچَثرَه لِلْزَرِع وَ یِزَوِّد ثَمَرات صَالِحیَّتکُم. 11بي ذاک الْوَکِت مِن کِل حِیث راح تِسْتِغنون خاطِر تِگِدرون بي أي فُرصه إتکونون کَریمین، وَ هَذ کَرَمکُم بي واسِطَتنا راح یِنْتِهي لِشُکر الْإلَه.
12تَقدیم هَي الْخِدمَه، مو بِس إتْسِدِّد أحتیاجات مُؤمِنین الْمَسیح، بِل یِفیض شُکُر چِثیر لِلْإلَه. 13لِخاطِر الْخِدمَه إلْلي بي واسِطَتها أنتُم أیَّدتُوا نَفِسکُم، ذاکول راح یِمَجدون الْإلَه مِن أطاعَتکُم إلْلي تِیّي مِن أعتِرافکُم بي إنجیل الْمَسیح، وَ کَرَم مُشارِکَتکُم ألهُم وَ لِلْجَمیع، 14ذاکول چِن إتکون عَلِیکُم نِعمَة الْإلَه الْعَظیمه، بي رِغبَه وَ أشتیاق چِثیر یِنْدَعون ألکُم. 15الْحَمد لِلْإلَه لِخاطِر ذیچ الْهَدیَه إلْلي أي کَلام ما یِگدَر یِوَصُّفها!
Currently Selected:
رِسالَة ثاني إلَیٰ قُرَنتیین 9: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
