رِسالَة ثاني إلَیٰ قُرَنتیین 7
7
1چا یا الْأعزَاء، بي سَبَب هَي إلْلي عِندنا هِل وُعود، تَعالُوا إنُظُف حالنا مِن کِل نِجاسَة الْجِسِم وَ الرّوح وَ إنکَمِّل الْقَدَّاسه بي خوف الْإلَه.
فَرحَة پولُس
2بي گُلوبکُم أفتَحولنا مَکان. ما ظَلَمنا بي حَگ أحَد، ما فَسَّدنا أحَد و ما إسْتِغِلِینا أحَد. 3ما إگول هَي خاطِر أحکُمکُم. مِثِل ما گُبُل گِلت ألکُم، بي شِکِل إتْکونون بي گُلوبنا إلْلي حاضرین إنْموت وَ نِعیش مَعَکُم. 4وایِد إمْأَمِن بیکُم وَ چِثیر أفتِخِر بیکُم؛ أنا مِتْروس مِن الْفَرَح. بي مَصائِبنا هِلْگِد مِتْروس مِن الْفَرَح إلْلي گاعِد یِفیض مِن رَأسي.
5لِأن وَکت إلْلي وَصَلنا مُقاطِعَة مَقدونیه، هَذ جِسِمنا ما أرتاح، بِل مِن کِل صوب چِنَّا بي الْمَصایِب، مِن بُرَّا چان عِندنا جِدِل، وَ مِن داخِل خَوف 6أمَّن إلَه إلْلي یِعَزي الْطایحین، عَزَانا بي یِیِّت تیتوس. 7وَ إحنَا مو بِس مِن یِیِّت تیتوس، بِل تَعَزِینا بي سَبَب ذیچ تَعزِیَه إلْلي حَصَلها مِنکُم. هُو خَبَّرنا مِن أشتیاقکُم، و حِزِنکُم الْچِثیر وَ غیرَتکُم عَلِي، هِنَّه أکثَر مِن گَبُل فِرِحَنْني.
8لِأن حَتَّیٰ لُو بي رِسَالتي حَزِنِتکُم، مَاني نِدمان. وَلو إشوَي چِنِت نادِم، لِأن گاعِد أشوف رِسَالتي حَزِنَتکُم، وَلو لِمُدَّه قِلیله. 9أمَّن هِسّه فَرحان، مو مِن سَبَب هَي إلْلي حِزَنتُوا، بِل چِن حِزِنکُم أنتَهیٰ لِلْتُوبه. لِأن حِزِنکُم چَان لِلْإلَه، خاطِر لا تِنْضَرون مِن صُوبنا. 10لِأن حِزن إلْلي إیکون لِلْإلَه، مِن دون نِدامه یِثمَر فِرِد تُوبه إلْلي تِنتِهي لِلْنَجاح. أمَّن حِزن إلْلي لِلْدِنیا، یِثمَر الْمُوت. 11شوفُوا شِنهي مِن جَهَد ثَمَّر بیکُم حِزن إلْلي لِلْإلَه، شِنهي مِن أشتیاق لِإثبات بِرائَتکُم، شِنهي مِن غَضَب وَ خوف، شِنهي مِن حَسره، غیرَه وَ عَقاب! أنتُم مِن کِل حِیث ثِبَّتوا إلْلي چِنتُوا بِریئین بي ذیچ الْقَضیه. 12چَا وَلُو أنا کِتَبِت ألکُم هَي الْرِسَاله، ما چانَت لِخاطِر ذاک شَخُص إلْلي عامِل شَرّ وَ لو ذاک شَخُص إلْلي واصلِه شَرّ. بِل لِهِل خاطِر چانَت إلْلي غیرَتکُم ألنا بي حُضور الْإلَه، تِظهَر ألکُم. 13چا، بي هِذِن کِلهِن تَعَزِینا.
وَ فوگ تَعزِیَِتنا، فَرَحنا أکثَر مِن شِفنا فَرحَة تیتوس، لِأن جَمیعکُم رِدِیتوا لِه روحَه. 14لِأن أنا أي فَخُر إلْلي أفتَخَرْته بیکُم یِمَّه، ما خِجَلتوني. بَل بي شِکل إلْلي کِل شي الَّذي گِلنالکُم چان صَح، ثِبْتَت إلْلي فَخُرنا عَند تیتوس هَم چَان حَقّ. 15کِل مُرَّه إلْلي تیتوس یِتْذَکَر أطاعَتکُم کِلکُم وَ هَي إلْلي إشلون بي خوف وَ رِجفه قِبِلتوه، إتْزید مَحَبّته بیکُم. 16أنا فِرحان إلْلي کامِل واثِق بیکُم.
Currently Selected:
رِسالَة ثاني إلَیٰ قُرَنتیین 7: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
