رِسالَة ثاني إلَیٰ قُرَنتیین 2
2
1بي هَذا الْسَبَب، نیتّي چَانَت إلْلي مَرَّه أخریٰ، لا تکون عِندي زیارَه حَزینَه مَعَکُم. 2لِأن لو سِبِّبِت ألکُم الْحِزِن، یاهو یِفَرِّحني غِیر ذاک إلْلي أحزَنتَه؟ 3أنا بي هِل سَبَب کِتَبِت ألکُم خاطِر بي وَکِت یِیّتي عِندکُم، ذاکول إلْلي کون یِفَرحوني، لا یْکونون سَبَب حِزني. لِأن چِنِت مُتْطَمِّن مِنکُم کِلکُم إلْلي فِرِحتي هیَّه فِرحَة جَمیعکُم. 4لِأن بي حِزن چِثیر وَ گَلُب مَهموم وَ دُموع چِثیرَه کِتَبِت ألکُم، مو لِأحَزِنکُم، بِل خاطِر أخِبِرکُم مِن کِثرَة مَحَبّتي ألکُم.
مُسامِحَة المُذنِب
5أمَّن لو شَخُص سَبَّب الْحِزِن، مو بِس أمسَبِّب لي، بِل إشوَي، إمحَزِنکُم کِلکُم، لو ما إرید أبَالِغ. 6هَذا العِقاب یِکفي ذاک الشَخُص إلْلي إتْعاقِب مِن صُوب أکثَرکُم. 7چا بِدَالها، أنتُم کون تِسامحونَه وَ إتْعَزونَه، خاف یِغُط بي حِزن الْشَدید. 8چَا، إتْرَجاکُم إتأَکدون لِه مَحَبَّتکُم. 9سَبَب کِتابتي ألکُم هَي چانَت إلْلي أمتِحِنکُم و أشوف بي کِل أمُر مُطیعین لو لا. 10کِل واحَد إلْلي أنتُم سامَحتوه أنا هَم أسامحَه. وَ إذا أمْسَامِح أحَد، بي الْواقِع لو چان عِندي شي لِمُسامِحتَه، أنا سامَحِت ذاک الْشَخُص لِخاطرکُم بي حُضور عیسیٰ الْمَسیح. 11خاطر لا إنْطیح بي لِعبَة الشَّیطان، لِأن إحنَا مِحنَّا مِن دون خَبَر مِن فِتْناته.
خِدَام عَهد الْجَدید
12وَکت إلْلي لِبِشارَة إنجیل المَسیح رِحِت إلَیٰ مَدینَة تْروآس، عَرَفت إلْلي الرَّب أهناک فِتَح باب لِخاطري. 13أمَّن ما إرتاحَت روحي، لِأن ما لِگِیت أخوی تیتوس أهناک. چَا وُدَّعِت أهاليها وَ رِحِت إلَیٰ مُقاطِعَة مَقدونیه.
14أمَّن أحمِد الْإلَه، إلْلي کِل وَکِت بي المَسیح یِرشِدنا بي موکِب الْنَصر وَ بي وَسیلِتنا یِنْشُر رائِحَة مَعرَفته بي کِل مِکان. 15لِأن بِین أشخاص إلْلي یِنِجحون وَ بِین أشخاص إلْلي یِهِلکون، إحنَا لِلْإلَه إنکون رائِحَة طَیبة المَسیح. 16أمَّن نَعْطي لِواحَد رائِحَة الْمُوت إلْلي تِنْتِهي لِلْمُوت؛ لِلآخِر رائِحَة الحَیَاة إلْلي تِثمَر الْحَیَاة. وَ یاهو إلْلي إیکون عِندَه کِفائَه لِهِل أمور؟ 17لِأن إحنَا مو هِیچ، مِثِل چِثیرین إلْلي یِبَسطون بي کِلام الْإلَه، بَل إحنَا کَأرجال مُخلِصین وَ کَمَأمورین الْإلَه، نِتکَلَّم بي المَسیح أمام أنْظار الإلَه.
Currently Selected:
رِسالَة ثاني إلَیٰ قُرَنتیین 2: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
