رِسالَة ثاني إلَیٰ قُرَنتیین 1
1
1مِن پولُس إلْلي بي إرادة الْإلَه رَسُول عیسیٰ الْمَسیح، و مِن أخونا تیموتائوس،
إلَیٰ کِلیسة الْإلَه بي مَدینَة قُرنتُس، وَ إلَیٰ جَمیع مُؤمِنین المَسیح بي کِل مُقاطِعَة أخائیه:
2إیکونن عَلِیکُم الْنِعمَه وَ السَّلامه مِن صوب الْإلَه، أبونا، وَ الرَّب عیسیٰ الْمَسیح!
الْإلَه إموَهِّب جَمیع الْتَعازي
3إیکون مُبارک الْإلَه، أبو رَبّنا عیسیٰ الْمَسیح، إلْلي أبو الْرَحمَه وَ إلَه کِل الْتَعازي، 4إلْلي یَعَزینا بي جَمیع صُعوباتنا، خاطر إحنَا هَم نِگدَر بي ذیچ الْتَعزیه أللي حَصَلناها مِنَّه، نِعَزي الآخرین إلْلي یَواجِهون الْصُعوبات. 5لِأن مِثِل ما إنحَصُل نَصیب چِثیر مِن آلام الْمَسیح، بي ذاک الْمِقدار هَم بي واسِطَة الْمَسیح إنْفیض مِن کِثرَة الْتَعازي. 6لو أنکون بي صُعوبه، إیکون مِن أجِل تَعازيکُم وَ نَجاحکُم، وَ إذا عِندنا الْتَعزیه هَم إیکون مِن أجِل تَعزیِتکُم، وَ هَی إتصیر وَکت إلْلي أنتُم ذِنیچ الْآلام إلْلي نِتْحَمِلهِن تِتْحَمِلونهِن بي صَبُر. 7أمَلنا عَنکُم ثابِت، لِأن نِدري مِثِل ما أنتُم شُرَکاء بي آلامنَا، راح تِشْتَرکون هَم بي تَعزیِتنا.
8یا أخوَه، إحنَا ما نرید إتْکونون بدون عِلِم مِن صُعوبات إلْلي تَعَدِن عَلِینا بي مُقاطِعَة آسیا. ضُغوط إلْلي سِدَن عَلِینا هِل گِد چانَن صَعبات وَ أکثَر مِن إسْتِطاعَتنا إلْلي فِقَدنا أمَلنا مِن الحَیَاة. 9بي الْواقِع حَسِّینا إنْصِدَر حُکُم موتنا. أمَّن هِذِن کِلهِن وُگعَن خاطِر ما نِنْتِکِل عَلَیٰ نَفِسنا، بِل نِتوُکَل عَلَیٰ الْإلَه إلْلي ایگَوُم الْأموات. 10هُوَّ نِجانَا مِن هِچ مُوت شَدید وَ بَعَد هَم راح یِخَلَصنا. أمَلنا بیه إلْلي مِن بَعَد هَی هَم راح یِخَلِصنا، 11أنتُم هَم کون إتْساعدوننا بي الدُّعاء، خاطِر أکثَر النَّاس لِخاطِرنا یِشُکرون، بي سَبَب بَرکات إلْلي إتوَهِّبَن ألنا مِن طَریق دُعاء چِثیر مِن النَّاس.
سِبِب تِغییر خُطَط سَفَر پولُس
12لِأن فَخَرنا هُوَّ هَذ، شَهادَة ضَمیرنا بي هَي إلْلي تَعامُلنا بي الدِّنیا وَ خاصتاً ألکُم، چَان مَع قَدَّاسة الْإلَه و صَداقتَه. إحنَا مو بي حِکمَه بَشَریَّه، بِل عِمَلنا حَسَب لُطف الْإلَه. 13لِأن شي إلْلي إحنَا نِکِتبه ألکُم تَماماً مِثِل شي إلْلي تِگرون وَ تِفْتِهمون لِه. وَ أنا عَندي أمَل إلْلي راح کامِل تِفْتِهمون 14مِثِل ما قِلیل عَرِفتونا، بي یُوم رَبّنا عیسیٰ راح تِفْتَخرون بینا، مِثِل ما إحنَا راح نِفْتِخِر بیکُم.
15بي هَي الْثِقَه، نُوِّیت أوَّل أیّی لِشوفَتکُم خاطِر لِمَرَّه ثَانیه تَأخذون ثَمَر مِن اللُطُف. 16أنا رِدِت أزورکُم عَلَیٰ طَریقي إلَیٰ مَقدونیه، وَ أرجَع ألکُم مِن الْمَقدونیه خاطِر إتْزِتوني لِمَنطَقة الْیَهُودیه. 17هِل چِنِت مِتْرَدِّد وَکت إلْلي رِدِت أعمِل هَذا الْشي؟ أو أخِذ قَراراتي بي مَنطَق الَّذي یِوافُگ الْبَشَر، إلْلي إیکون کَلامي ”نَعَم“ ”نَعَم“ وَ ”لا“ ”لا“ بي نَفس الْوَکِت؟
18الْإلَه یِشهَد إلْلي حَچینا مَعَکُم ما چَان ”نَعَم“ وَ ”لا“. 19لِأن ابن الْإلَه، عیسیٰ الْمَسیح، إلْلي أنا وَ سیلاس وَ تیموتائوس چِنَّا إنبَشِّر بیه بِینکُم، ما چَان ”نَعَم“ لو ”لا“، بِل کِل وَکِت بيه ”نَعَم“. 20لِأن جَمیع وعود الْإلَه بي عیسیٰ الْمَسیح إیکونِن نَعَم. لِخاطر هَي هَم مِن طَریقَه هُوَّ، إحنَا لِمَجد الْإلَه عَلَیٰ الْلِسَان إنیِّب الْآمین. 21أمَّن هُوَّ الْإلَه الَّذي یِثَبِّتنا مَعَکُم بي المَسیح. هُوَّ مِسَحنا وَ عَیِّننا، 22وَ هُوَّ الَّذي هَم خِتَم خِتمَه عَلِینا، وَ وَهَّبنا روحَه کِعَرَبون بي گُلوبنا.
23الْإلَه یِشهَد عَلِي إلْلي بِس لِخاطِر الْشَفَقه عَلِیکُم، مَرَّه أخریٰ ما إیِّت إلَیٰ قُرِنتُس. 24مو هَي إلْلي نِتحَکَّم عَلَیٰ إیمانکُم، بِل مَعَکُم، نِسعي لِفَرحَتکُم، لِأن أنتُم ثابتین بي الْإیمان.
Currently Selected:
رِسالَة ثاني إلَیٰ قُرَنتیین 1: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
