رِسالَة ثاني إلَیٰ قُرَنتیین 3
3
خادِمین عَهد الْجَدید
1هَل مَرَّه أخریٰ نِبتَدي نِمدَح نَفِسنا یِمکُم؟ لو مِثل بَعَض، نَحتاج نَنْطي شَهادَة تُوصیَه ألکُم لو نَأخِذ شَهادَة تُوصیَه مِنکُم؟ 2أنتُم بي نَفِسکُم إتکونون شَهادَة تُوصیِتنا، شَهادَه الَّذي مَکتوبه عَلَیٰ گُلوبنا لِتِنعُرُف وَ تِنْگُري مِن طَرَف الْجَمیع. 3وَ أنتُم راوِیتوا إلْلي إتکونون رِسَاله مِن المَسیح إلْلي إتسَلِّمَت بي وَسیلِتنا، وَ مَکتوبه مو بي الْحِبِر، بِل بي روح إلَه الْحَيّ، وَ مو عَلَیٰ ألواح حَجَریَه، بِل عَلَیٰ ألواح مِن گُلوب بَشَریَّه.
4إحنَا بي واسِطَة الْمَسیح عِندنا هِیچ ثِقَه بي الْإلَه. 5مو هِیچ إلْلي إحنَا إیکون عِندنا کِفائَه مِن نَفِسنا حَتَّیٰ نِنْدِعي بي أي شي کَأنَه یَاي مِن صُوبنا، بِل کِفائِتنا مِن الْإلَه. 6هُوَّ إنْطانا کِفائَه خاطِر إنکون خِدَام عَهد الْیِدید، عَهد إلْلي مو عَلَیٰ الْرِسَاله، بَل إمثَبَّت بي روح الإلَه. بي سَبَب هَي إلْلي الْرِسَاله تِقتِل، أمَّن روح الْإلَه یِوَهِّب الْحَیَاة.
7هِسّه، لو خِدمَه إلْلي إتیِّب الْمُوت، چانَت مَحکوکه بي حُروف عَلَیٰ صَخَر، بي شِکل ظَهرَت مَعَ الْمَجد إلْلي بَني إسرائیل ما گِدرَوا یِثَبتون أنظارهُم عَلَیٰ وُیِه مُوسیٰ بي سَبَب مَجدَه، ولو ذاک الْمَجد چَان یِزول، 8چا خِدمَه إلْلي إمثَبِّته بي روح الْإلَه، إشگَد مَجِدها إتکون أکثَر. 9لِأن لُو ذیچ الْخِدمَه إلْلي چانَت تِحکُم النَّاس، چان ألها مَجد، إشگَد أکثَر إتْفیض مِن الْمَجد ذیچ الخِدمَه إلْلي تِنتِهي لِلْصَالحیَّه. 10بي الْواقِع، بي هَي الْحاله، شي إلْلي فِرِد زَمان چان ألِه مَجد، صار مِن دون أي مَجد بي سَبَب ذاک مَجد الْأفضَل. 11وَ لو شي إلْلي چان یِزول چان لِه مَجد، إشگَد أکثَر ذاک شي إلْلي یِبْقیٰ إیکون لِه مَجد.
12چا چِن عِندنا هِیچ أمَل، نِتکَلَّم بي شِهامَه کاملِه؛ 13مو مِثِل مُوسیٰ إلْلي إتنَگَّب خاطر بَني إسرائیل لا یِثَبتون أنظارهُم عَلَیٰ نِهایَة شي إلْلي چَان یِزول. 14أمَّن أنظُلمَت أفکارهُم لِأن لِحَد الْیُوم ذاک الْنِگاب بي وَکت إگرایَة عَهد الْعَتیق باقي وَ ما إنْشال، لِأن بِس بي واسِطَة الْمَسیح إلْلي یِنْشال. 15نَعَم لِحَد هَذا الْیُوم، کِل وَکت إلْلي تُورات مُوسیٰ یِنْگُري، یِبْقیٰ فِرِد نِگاب عَلَیٰ گلُوبهُم؛ 16أمَّن وَکت إلْلي أحَد یِرجَع إلَیٰ الرَّب، یِنْشال ذاک الْنِگاب. 17الرَّب، إیکون روح وَ کِل مَکان إلْلي إیکون روح الرَّب، حُرِّیه أهناک. 18وَ کِلنا إلْلي بي وُیِه بِدون نِگاب، مَجد الرَّب مِثِل ما إنْشوفه بي الْأمرایَه، مِثِل ذیچ الْصوره، نِتحَوَّل مِن مَجد إلَیٰ مَجد أعظَم؛ و هَذ یِنْبَع مِن الرَّب إلْلي هُوَّ الرّوح.
Currently Selected:
رِسالَة ثاني إلَیٰ قُرَنتیین 3: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
