प्रकाशितवाक्य 8

सातवीं मौहर ते सोने चा धूपदान

1जिसे बेले मैमणे ने सातवीं मौहर खोड़ली, तां स्वर्ग़ा मां आधे घण्टे तक सन्नाटा हुती गेला।

2बल्ति मैं वां सात स्वर्ग़दूता नु ङेखले जको नरीकारा चे सामणे भिले रिही ते वानु सात तुरहीया ङिलीया गेलीया।

3बल्ति हेक नेरा स्वर्ग़दूत सोने चा धूपदान चती आला ते वेदी चे गोढु आती भिला रेहला ते ओनु घणी धूप ङिली गेली कि सारे पवित्र लौका ची प्राथना चे लारे सोने ची ओ वेदी उपर जको सिंहासना चे सामणे छै चढ़ाओ। 4वे धूपे चा धूंआ पवित्र लौका ची प्राथना समेत स्वर्ग़दूता चे हाथु नरीकारा चे सामणे पुज़ती गेला। 5#प्र.वा 11:19; 16:18बल्ति स्वर्ग़दूता ने धूपदान चती कर ओचे मां वेदी चे जाखते भरले ते धरती उपर भुकाती ङिले ते गाज ते अवाज ते बिजलीया ते भूकम्प हुं लाग़ले।

सात तुरहीया

6बल्ति वे सात स्वर्ग़दूत जाये कनु सात तुरहीया हुतीया वानु बजाणे वास्ते तियार हुले।

7पेहले स्वर्ग़दूता ने तुरही बजाली, ते लुहींया लारे मिड़ले आले ओले ते जाखते पैदा हुले, ते धरती उपर भुकाती ङिले गेले। ते धरती ची हेक तिहाई ब़लती गेली, ते दरख्ता ची हेक तिहाई ब़लती गेली ते सारे सावे खड़ वी ब़लती गेले।

8ङुजे स्वर्ग़दूता ने तुरही बजाली तां मना जाखते जिसड़ा ब़लता हुला हेक बङा पहाड़ समुन्दरा मां नाखला गेला ते सारे समुन्दरा चा तीजा हेंस्सा लुहीं हुती गेले। 9ते समुन्दरा ची तीजा हेंस्सा जींये मरती गेली ते तीजा हेंस्सा जहाजा चा नाश हुती गेले।

10तीजे स्वर्ग़दूता ने तुरही बजाली ते हेक बङा तारा जको मशाली आलीकर ब़लता, आसमाना कनु तरुटला, ते नदीया चे तीजे हेंस्से उपर ते पाणीया चे झरना उपर आती ढेला। 11ओ तारे चे नां नागदौना छै, ते तीजा हेंस्सा पाणी नागदौने जिसड़े खारे जहर हुती गेले ते ब़ोहत सारी बन्दी ओ पाणीया चे खारे हुवणे लारे मरती गेली।

12चौथे स्वर्ग़दूता ने तुरही बजाली, ते सूरजा चा तीजा हेंस्सा, ते चाँदा चा तीजा हेंस्सा ते तारा चे तीजे हेंस्से उपर आफत आली, इठे तक कि वांचे तीजे हेंस्से मां अन्धारे हुती गेले ङिहां चे तीजे हेंस्से मां सोज़ले ना रेहले ते यूंही राती मां वी।

13जब मैं बल्ति ङेखले, तां आसमाना चे आधे मां हेक बाजा नु उङरते ते ऊंची अवाजी लारे ईं केहते सुणले, “वां तीन स्वर्ग़दूता ची तुरही ची अवाजी ची वजह जाये बजाणे हालि बाकि छै धरती चे रेहणे आला उपर हाय हाय हाय!”

Currently Selected:

प्रकाशितवाक्य 8: ODR

Highlight

Copy

Compare