2 तीमुथियुस 3
3
अन्त चा आखरी ङिहां मां अधर्म
1पर हा जाणती राख कि, संसारा चा आखरी ङिहां मां मुश्किल समय आवी। 2कांकि बन्दे स्वार्थी, लोभी, डींगमार, अहंकारी, निन्दक, आई-ब़ा ची आज्ञा ना मनणे आले, कृतघ्न, अपवित्र। 3प्रेमरहित, क्षमारहित, दोष लावणे आले, असंयमी, कठोर, भले चे बैरी। 4विश्वासघाती, ढीठ, घमण्डी, ते नरीकारा चे कोनी पर सोख-विलास नु ही चाहणे आले हुवे। 5वे भग़ती चा भेष घाले, पर नरीकारा ची शक्ति नु नी मने, इसड़ा बन्दा कनु दूर रेहजा। 6यांचे महु कोच्छ सिखावणे आली बन्दी छी, जको घरा मां दब़ले पग़्ग़ घिरती आवी ते छिमछरीया असतरीया नु आपणे वशा मां करती गिही, जको पापा मां दब़िलीया आलीया ते हर-प्रकार चे कामा चे वशा मां रिही, 7ते सदा सिखतीया तां रिही पर सच्चाई ची पिछाण तक कङी ना पुज़ी। 8ते जिंवे यन्नेस ते यम्ब्रेस जको सिखावणे आले हुते, वाणे मूसा चा विरोध करला हुता, यूंही ये वी सच्चाई चा विरोध करी, ये तां इसड़ी बन्दी छी, जाया दिमाक खत्तम हुती गेला ते वे विश्वास मां निक्कमे छी। 9पर वे ऐचे कनु आग़ु ना बढ़ सग़ी, कांकि जिंवे यन्नेस ते यम्ब्रेस ची अज्ञानता सारा बन्दा उपर प्रकट हुती गेलती, यूंही यांची वी हुती जई।
तीमुथियुस नु आखरी आज्ञा
10पर तु तां उपदेश, चाल-चलन, मनसा, विश्वास, सहनशीलता, प्रेम, तसल्ली, 11#प्रेरि 13:14–52; प्रेरि 14:1–7; प्रेरि 14:8–20माये वा कष्टा मां ते ङुखा मां माया साथ ङिला, ते तम्ही तां जाणा ही कि इसड़े ङुखा मां वी जको अन्ताकिया ते इकुनियुम ते लुस्त्रा मां माये उपर पड़ले हुते ते नेरे-नेरे ङुखा मां वी, जको मैं चले हुते, पर प्रभु ने मनु वा सारा कनु छुड़ाती गेले। 12पर जितने ईशु मसीह ची सेवा मां जको नेकी ते भग़ती चे लारे जीवन बिताणे चाहवी वे सारे सताले जाये। 13पर दुष्ट, ते बहकाणे आले धोक्का ङिते हुले, बिगड़ते हुले चाह्ले जाये। 14पर तु जा बाता उपर जको तु सिखलीया हुतीया, तु विश्वास करला हुता, हा जाणती कर मजबूत बणला रेह, कि तु वे बाता किसा बन्दा कनु सिखलीया हुतीया। 15ते बचपना कनु पवित्रशास्त्र दुधा जाणला आला हुता, जको तनु ईशु मसीह उपर विश्वास करने लारे उद्धार गेहणे चे वास्ते समझदार बणा सग़े। 16पूरा पवित्रशास्त्र नरीकारा ची प्रेरणा लारे रचला गेला ते उपदेश, ते गलती उपर समझाणे, ते सुधारने, ते धर्म ची शिक्षा चे वास्ते लाभदायक छै। 17ताकि नरीकारा चा जण सेद्ध बणो, ते हर हेक भले कामा वास्ते तियार हुती जाओ।
Currently Selected:
2 तीमुथियुस 3: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
