2 तीमुथियुस 1

नमस्कार

1पौलुस चे तरफा कनु जको, वे जीन्दगी ची प्रतिज्ञा चे अनुसार जको मसीह ईशु मां छै, नरीकारा ची इच्छा लारे मसीह ईशु चा प्रेरित छै, 2#प्रेरि 16:1प्यारे पूत तीमुथियुस चे नांवे,

नरीकार ब़ा ते अम्चे प्रभु मसीह ईशु ची ओर कनु तनु अनुग्रह ते दया ओर शान्ति मिलती रिहो।

धन्यवाद ते बढ़ावा

3जिसे नरीकारा ची सेवा मैं आपणे ङाङा-ब़ा ची रीति उपर शोद्ध विवेक लारे करे पला, ओचा धन्यवाद हो कि आपणी प्राथना मां तनु लगातार याद करता रिहे। 4ते दुधे हींजवा नु याद करती कर रात-ङिओ दुधे लारे मिलणे ची लालसा राखे कि खुशी लारे भरीती जाये। 5#प्रेरि 16:1ते मनु दुधे ओ निष्कपट विश्‍वास ची याद आवे, कि जको पेहले दुधी नानी लोइस, ते दुधी आई यूनीके मां हुती, ते मनु पक्‍का पता लाग़ला कि, तम्चे मां वी छै।

6यूंही मैं पौलुस तनु याद ङिवावे कि, तु नरीकारा चे ओ वरदाना नु जको माये हाथ मेहलणे चे जरिये मिड़ला, जग़ाती ङे। 7कांकि नरीकारा ने अम्हानु ङरा ची आत्मा कोनी पर ताकत, ते प्रेम, ते सब्र करने ची आत्मा ङिली।

8ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा। 9जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला। 10पर हमा अम्चे उद्धार करने आला ईशु मसीह चे प्रकट हुवणे चे जरिये प्रकाशित हुला, जेह्णे मौत चा नाश करला, ते जीवन ते अमरता नु ओ सुसमाचार चे जरिये प्रकाशमान करती ङिला।

11 # 1 तीमु 2:7 जाये वास्ते मैं प्रचारक, ते प्रेरित, ते उपदेशक वी ठहरला। 12येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी। 13जको खरिया बाता, तु माये कनु सुणलीया वानु ओ विश्‍वास ते प्रेम चे लारे जको ईशु मसीह मां छै, आपणे खौद्द चे वास्ते नमुना बणाती कर राख। 14अम्चे भीतर रेहणे आला पवित्र आत्मा चे लारे तु ओ खास सुसमाचार नु जको नरीकारा ने तनु ङिली ओची रखवाली कर।

15तु जाणी कि, आसीया आले सारे मनु छोड़ती गेले, जाये मां फूगिलुस ते हिरमुगिनेस शामिल हुते।

16उनेसिफुरुस चे घराणे उपर प्रभु दया करो, कांकि ओणे घणा वारी माये जीया नु ठाडे करले, ते माये संगला कनु शर्मसार कोनी हुला। 17पर जिसे बेले उनेसिफुरुस रोम शहरा मां आला, ते बङे जत्तना लारे मनु सोती ते भेंट करली। 18प्रभु करो, कि आखरी ङिओ ओचे उपर प्रभु ची दया हो। ते जको-जको सेवा ओणे इफिसुस मां करली वानु वी तु आच्छी तरह जाणती गे।

Currently Selected:

2 तीमुथियुस 1: ODR

Highlight

Copy

Compare