1 तीमुथियुस 6
6
1जितने दास छी, वे आपणे आपणे स्वामीया नु बङे कद्दर चे लायक समझो, ताकि नरीकारा चे नांवा ते उपदेश ची निन्दा ना हो। 2ते जाये स्वामी विश्वास करने आले छी, याहनु वे भऊ ते ब़ेहणी हुवणे ची वजह तोच्छ ना समझो, बल्कि वांची नेरी सेवा करो, कांकि ऐचे कनु फायदा चवणे आले विश्वास करने आले ते प्रेमी छी। जा बाता चा उपदेश करले कर ते समझाता रेह।
कूड़ी शिक्षा ते धन ची लालच
3अगर कुई नेरे ही तरीके चा उपदेश ङेणा, ते खरिया बाता नु, यानिकि अम्चे प्रभु ईशु मसीह चा बाता नु ते ओ उपदेशा नु ना मनी, जको भग़ती चे अनुसार छी। 4तां ओ घमण्डी हुती गेला, ते कहीं ना जाणी, पर ओनु बहस-बाजी ते अक्षरा उपर तर्क करने चा रोग़ छै, जाये कनु नफरत, ते झग़ड़े, ते निन्दा चीया बाता, ते गन्दे-गन्दे शक्क पैदा हुवी, 5ते वा बन्दा मां बेकार मां लड़ाई झग़ड़े पैदा हुवी, जाई ब़ुध्दि बिगड़ती गेली, ते वे सच्चाई कनु दूर हटती गेले, जको समझी कि भग़ती कमाई चा मार्ग़ छै।
6पर सब्रा लारे भग़ती करने आला ही सच्चा धनवान छै। 7कांकि ना ते अम्ही ऐ संसारा मां कहीं चती आले, ते ना तां कहीं चती जा सग़ु। 8अगर अम्हा कनु कहीं खाणे जा घालणे वास्ते कहीं हो, तां यांचे उपर सब्र करना चाही छै। 9पर जको धनी हुवणे चाहवे, ओ इसड़ी परीक्षा मां पड़ती कर फन्दे मां फसती कर ते घणे बेकार मूर्खता ते नुकसान पुचाणे आलीया बाता मां फसती जई, जको बन्दा नु बिगाड़ती नाखे ते विनाश चे समुन्दरा मां ब़ुङाती नाखे। 10कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।
तीमुथियुस ची सलाह
11पर ओ नरीकारा चे जन, तु यां बाता कनु द्रोड़, ते धर्म, भग़ती, विश्वास, प्रेम, सब्र, ते नरमाई चा पीछा कर। 12विश्वास चे सुसमाचार चे वास्ते आच्छी कुश्ती लड़, ते ओ अनन्त जीवन नु घालती गे, जाये वास्ते तु हकरवाला गेला, ते घणे ग़वाह चे सामणे मनले हुते। 13#यूह 18:37 मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला, 14कि तु अम्चे प्रभु ईशु मसीह चे प्रकट हुवणे तक तनु जको आज्ञा ङिली तु विश्वास कर ते बेकसूर टुरता चाल। 15जानु ओ ठीक समय उपर ङिखाणी, जको परमधन्य ते हेकमात्र अधिपति ते राजा चा राजा, ते प्रभुआं चा प्रभु छै। 16ते अमरता हेको नरीकारा ची ही छै, जको घणे चमकदार सोज़ले मां रिही, ओचे सोज़ले गोढु कुई ना जा सग़ी, ते ना ओनु कुई बन्दे ने ङेखले, ते ना कङी ङेख सग़े, ओचा मान-समान ते राज़ युगानयुग हुता रिहो। आमीन।
17ऐ संसारा चे धनवाना नु हा आज्ञा ङे, कि वे अंहकारी ना हो ते चंचल धन उपर आस ना राखो, पर नरीकारा उपर आस राखो जको अम्चे सुखा चे वास्ते सारे कोच्छ ब़ोहत ज्यादा ङिये। 18ते भलाई करो, ते भले कामा मां धनी बणो, ते उधार ते सहायता ङेणे मां हमेशा तियार रिहो। 19कि वे आपणे वास्ते आग़ु कनु इसड़ा धन भेला करो कि आणे आले समय चे वास्ते आच्छी नीम बणती जाओ जाये कनु ओ ओनु पकड़ती गिहो जको सच्चमां जीवन छै।
20हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह। 21कोच्छ बन्दी ऐ कूड़े ज्ञान चा अंगीकार करती कर, सच्चे विश्वास कनु भटकती गेले।
तम्चे उपर नरीकारा चा अनुग्रह हुता रिहो।
Currently Selected:
1 तीमुथियुस 6: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
