2 कुरिन्थियां 1

नमस्कार

1 # प्रेरि 18:1 हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस#1:1 हा चिठ्ठी पौलुस ने लिखली ते नमस्कार तीमुथियुस चे तरफु वी ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

2अम्चे ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

तसल्‍ली ङेणे आला नरीकार

3अम्चे प्रभु ईशु मसीह चा ब़ा नरीकार चा धन्यवाद हो, जको दया चा ब़ा, ते हर-तरीके ची तसल्‍ली ङेणे आला नरीकार छै। 4ओ अम्चे सारे ङुखा मां तसल्‍ली ङिये, ताकि अम्ही ओ तसल्‍ली चे वजह जको नरीकार अम्हानु ङिये, वानु वी तसल्‍ली ङे सग़ु जको हर-तरहा चे ङुखा मां छी। 5कांकि जिंवे मसीह चे ब़ोहत ङुखा मां अम्ही भईवाल छिऊं, यूहीं मसीह चे जरिये ब़ोहत तसल्‍ली मां वी भईवाल हुले। 6अगर अम्ही क्लेश भोग़ु, तां ईं तम्ची तसल्‍ली ते उद्धार वास्ते छै। ते अगर अम्हानु तसल्‍ली मिले, तां ईं तम्ची तसल्‍ली वास्ते छै, जाये प्रभाव लारे तम्ही सब्रा लारे वां क्लेशा नु सेहती गिहा, जानु अम्ही सिहुं वी। 7ते अम्ची आस तम्चे बारे मां पक्‍की छै, कांकि अम्ही जाणु, कि तम्ही जिंवे अम्चे ङुखा मां यूहीं अम्ची तसल्‍ली मां वी भईवाल छिवा।

ङुखा कनु बचणे

8 # 1 कुरि 15:32 हे माये भऊ, अम्ही ना चाहु कि तम्ही अम्चे ओ क्लेश कनु अणजाण रिहा, जको एशिया मां अम्चे उपर आती पले, अम्ही इसड़े बोझ मां दब़िती गेले हुते जको अम्चे सेहणे ची ताकत कनु ब़हार हुते, इठे तक कि अम्ही आपणी जीन्दगी कनु वी हाथ धोवणे आले हुते। 9ऐवास्ते अम्ही आपणे मना मां समझती गेले हुते, कि अम्चे उपर मौत ची सजा हुती चुकली, कि अम्ही आपणा भरोसा ना राखु, बल्कि नरीकारा चा, जको मरले आला नु जिवाती ङिये। 10ओणे ही अम्हानु खतरनाक मौत कनु बचाले, ते बचावी वी, ते ओचे कनु अम्ची हा आस छै, कि ओ उग़ते वी बचाता रिही। 11ते तम्ही मिलती कर प्राथना चे जरिये अम्ची सहायता करा। जको ब़ोहता लौका ची प्राथना चे जरिये दया अम्चे उपर हुली, वेही वजह कनु ब़ोहत सारे लौक अम्चे तरफु नरीकारा चा धन्यवाद करो।

पौलुस ची योजना बदलने ची वजह

12कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता। 13अम्ही तम्हानु नेरे कोच्छ ना लिखु, सेर्फ ऊंही जको तम्ही पढ़ा ते समझा वी। मनु आस छै कि जिंवे तम्ही हमा अम्हानु पुरी तरह समझ ना सग़ले, 14तम्ही अम्हानु पुरी तरह समझ सग़ा, ताकि तम्ही अम्चे उपर गर्व कर सग़ा यूंही प्रभु ईशु चा बल्ति आवणे चा ङिओ, अम्ही तम्चे उपर गर्व करु।

15ते ऐ भरोसे लारे मैं चाहवें ला, कि पेहले तम्चे गोढु आवे, कि तम्हानु हेक नेरा आशीर्वाद मिलो। 16#प्रेरि 19:21ते तम्चे गोढु हुती कर मैं मकिदुनिया सनु जाये, ते मकिदुनिया कनु आते बेले तम्चे गोढु आवे ते तम्ही मनु यहूदिया प्रदेस सनु कोच्छ दूरी तक पुचावा। 17ऐवास्ते मैं जको इच्छा करली हुती तां का मैं चंचलता ङिखाणली? जा जको करने चाहवे कि ऊं शरीरा चे अनुसार करने चाहवे, कि मैं बाते मां “हां, हां” ते “ना, ना” वी करे?

18नरीकार विश्‍वासयोग छै, कि अम्चे ओ वचन मां जको तम्हानु केहला गेला, “हा” ते “ना” ङोनी ना मिली। 19#प्रेरि 18:5कांकि नरीकारा चा पूत ईशु मसीह, जाया अम्चे जरिये यानिकि माये ते सिलवानुस ते तीमुथियुस चे जरिये तम्चे बीच मां प्रचार हुला, ओचे मां, “हां” ते “ना” ङोनी कोनी हुते पर ओचे मां “हां” ची “हां” ही हुली। 20कांकि नरीकारा चे जितने वी वायदे छी, वे सारे ईशु मसीह मां “हां” लारे छी। ते ओचे जरिये अम्ही नरीकारा ची महिमा वास्ते “आमीन” वी किहुं। 21ओही नरीकार अम्हानु तम्चे लारे मसीह मां मजबूत करे, ते ओणे ही अम्हानु अभिषेक करले। 22ओही नरीकारा ने अम्चे उपर मौहर वी लाती ङिली, ते बयाने मां पवित्र आत्मा नु अम्चे दिला मां ङिला।

23नरीकार माया ग़वाह छै कि मैं हमा तक दुबारा कुरिन्थुस मां कोनी आला, कांकि मैं तम्हानु ङोख ङेणा ना चाहवें ला। 24ऐचा मतलब हा कोनी कि अम्ही तम्चे विश्‍वास उपर आपणा अधिकार जताऊं, कांकि तम्ही आपणे विश्‍वास मां मजबूत भिले। अम्ही तां तम्ची ही खुशी वास्ते तम्चे सहायक छिऊं।

Currently Selected:

2 कुरिन्थियां 1: ODR

Highlight

Copy

Compare