1 कुरिन्थियां 16
16
यरुशलेम ची कलीसिया वास्ते दान
1 #
रोमि 15:25,26 हमा नरीकारा चे लौक जको यहूदिया प्रदेस मां छी वांची सहायता वास्ते दान चे बारे मां जको आज्ञा मैं गलातिया प्रदेस ची कलीसिया नु ङिली हुती, वे आज्ञा चा पालन तम्ही वी करा। 2हर हफ्ते चे पेहले ङिओ तम्चे महु हर हेक आपणी आमदनी चे अनुसार कहीं आपणे मेहले जती करो, कि माये आवणे पर दान भेला ना करना पड़ो। 3ते जिसे बेले मैं आवा, तां जानु तम्ही चाहवा वानु मैं चिठ्ठीया ङिती कर भेज़ती ङी, कि तम्चा दान यरुशलेम शहरा मां पुचाती ङियो। 4ते अगर माये वी जाणे सही हुले तां वे माये लारे जाये।
पौलुस ची योजना
5 #
प्रेरि 19:21
ते मैं मकिदुनिया हुती कर तम्चे गोढु आवी, कांकि मनु मकिदुनिया हुती कर जाणे जरुरी छै। 6पर हो सग़े कि तम्चे इठे ही रुकती जाये ते सर्दी चा मौसम तम्चे इठी कटती गिहे, तब जिठे माये जाणे हो, ऊंगी तम्ही माई सहायता करती ङिजा। 7मैं ना चाहवी कि तम्हानु सेर्फ चलते-चलते मिले, पर माई आस छै कि अगर प्रभु ने चाह्ले तां कोच्छ समय तक मैं तम्चे लारे रिही। 8#प्रेरि 19:8–10पर मैं पिन्तेकुस्त तेंहवारा तक इठी इफिसुस शहरा मां ही रिही। 9कांकि माये वास्ते इठे बङी सेवा चा मार्ग़ खुड़ला, ऐचे अलावा इठे माये ब़ोहत सारे विरोधी वी छी।
10 #
1 कुरि 4:17
जिसे बेले तीमुथियुस तम्चे गोढु आती जाओ, तां ओचा ध्यान राखजा तम्चे इठे निश्चिन्त रिहो कांकि ओ माये आलीकर प्रभु चे काम करे। 11ऐवास्ते कुई ओनु तोच्छ ना जाणो, पर ओनु खैरियत लारे इंगे पुचाती ङिजा कि माये गोढु आती जाओ। मैं ङुजे भावां लारे ओचा इन्तजार करे पला।
12ते भऊ अपुल्लोस कनु मैं ब़ोहत बिनती करली कि तम्चे गोढु भावां लारे चाह्ला जा। पर ओचे ऐ समय जाणे चे मन कोनी करले, जब मौका मिली तब आती जई।
आखरी आदेश
13जाग़ते रिहा, विश्वासा मां मजबूत रिहा, बेधड़क बणा, ताकतवार बणा। 14तां हर हेक काम प्रेमभाव लारे ही करा।
15 #
1 कुरि 1:16
हे माये भऊ, तम्ही स्तिफनास चे घराणे नु जाणा कि ओ अखाया प्रदेस चा पेहला फल छै, ते नरीकारा चे लौका ची सेवा वास्ते तियार रिहे। 16ऐवास्ते मैं तम्हा कनु बिनती करे पला कि इसड़ा चे अधीन रिहा, बल्कि हर-हेक चे जको ऐ कामा मां मेहनती ते सहायक छी।
17स्तिफनास ते फुरतूनातुस ते अखईकुस चे आवणे लारे मैं खौश छै, कांकि जको काम तम्हा कनु पुरे कोनी हुले वाणे पुरे करती ङिले। 18ते वाणे माई ते तम्ची आत्मा नु चैन ङिला, ऐवास्ते इसड़ा नु मना।
19 #
प्रेरि 18:2
आसीया ची कलीसिया चे तरफु तम्हानु नमस्कार। अक्विला ते प्रिस्का चा ते वांचे घरा ची कलीसिया चा वी तम्हानु प्रभु मां ब़ोहत-ब़ोहत नमस्कार। 20इठले सारे भावां चा तम्हानु तेह दिला लारे नमस्कार। हाथ जोड़ती कर आपस मां नमस्कार करा।
21मैं पौलुस, खौद्द आपणे हाथा लारे नमस्कार लिखे पला। 22अगर कुई प्रभु लारे प्रेम ना राखो तां ऊं श्रापित हो। अम्चा प्रभु आणे आला छै।
23प्रभु ईशु चा अनुग्रह तम्चे उपर हुता रिहो।
24माया प्रेम मसीह ईशु मां तम्चे सब लारे रिहो। आमीन।
Currently Selected:
1 कुरिन्थियां 16: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
