1 तीमुथियुस 5
5
विश्वास करने आला चे वास्ते जिम्मेवारीया
1कुई ब़ुढ़े नु ना दड़का, पर ओनु ब़ा जाणती कर समझाती ङे, ते जवाना नु भऊ जाणती कर। 2ब़ुढ़ीया असतरीया नु आई जाणती कर ते जवान असतरीया नु पुरी पवित्रता लारे ब़ेहण जाणती कर समझाती ङे।
3वा बांढीया चा कद्दर कर जको सच्चमां बगैर कुणम्बे चा छी। 4ते अगर कुई बांढी ची ब़ाले-ब़च्ची जा ङोहत्रे पोत्रे हो, तां वे सारा महु पेहले आपणे ही घराणे चे लारे भग़ती चा बर्ताव करो, ते आपणे आई-ब़ा ची सेवा करती कर वांचा बदला चुकाओ, कांकि ईं नरीकारा नु भावे। 5जको सच्चमां बांढी छै, ते विचे कुई कोनी, वा नरीकारा उपर आस राखे, ते रात-ङिओ बिनती करती ते प्राथना मां मगन रिहे। 6पर जको भोग़ विलास मां पड़ती गेली, वा जीते-जी मरती गेली। 7विश्वास करने आला नु जा बाता ची वी आज्ञा ङिले कर, ताकि वे बेकसूर रिहो। 8पर अगर कुई आपणा ची ते खास करती कर आपणे घराणे ची चिन्ता ना करी, ते ओ विश्वास कनु मुकरती गेला, ते अविश्वासी कनु वी बुरा बणती गेला।
9वे बांढी चे नां सहायता सूची मां लिखले जाओ, जको साठ साल ची उम्री ची ना हो, ते हेके ही मुणसा ची घराआली रेहली हो। 10ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।
11पर जवान बांढीया चे नां सहायता सूची मां ना लिखजा, कांकि वे जिसे बेले मसीह चे विरोध हुती कर सोख-विलास मां पड़ती जई, ते बीहा करने चाहवी। 12ते वे दोषी ठहरे, कांकि याणे आपणे पेहले विश्वास नु छोड़ती ङिले। 13ते ऐचे लारे ही लारे वे घर-घर फिरती कर आलसी हुवणे सिखती जई, ते सेर्फ आलसी कोनी, पर बक-बक करतीया रिही ते नेरा चे कामा मां टांका अड़ावी ते बेफालतु चा बाता ब़ोली। 14ऐवास्ते मैं हा चाहवे, कि जवान बांढीया बीहा करो, ते ब़ाले जमाओ ते घर ब़ार सम्भालो, ते कुई विरोधीया नु बदनाम करने चा मौका ना ङियो। 15कांकि कोच्छ तां बहकती कर शैताना चे भांसु टुरती पलीया।
16अगर कुई विश्वास करने आली चे इठे बांढीया हो, तां वाहो वांची सहायता करो, कि कलीसिया उपर बोझ ना हो ताकि वा वांची सहायता कर सग़ो, जको सच्चमां मां बांढीया छी।
17जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ। 18#मत्ती 10:10; लूक 10:7कांकि पवित्रशास्त्र किहे, “ग़ाहा ग़ाहते आले ङान्दा चे मुँह ना ब़ांधजा,” कांकि “मजदूर आपणी मजदूरी चा हक्कदार छै।” 19कुई दोष कलीसिया चे अग़ुवे उपर लाला जाओ तां बिना ङोन जा तीन ग़वाहा चे ओनु ना सोण। 20पाप करने आला नु सारा चे सामणे ङराती ङे, ताकि नेरे लौक वी ङरो।
21नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।
22कलीसिया चा अग़ुवा बणावणे चे वास्ते काये उपर तुरन्त हाथ ना मेहलजा। ङुजा चे पापा मां भाग़ी ना हुजा। आपणे आप नु पवित्र बणाती राखा।
23भविष्य मां सेर्फ पाणी पीणे आला ही ना बण, पर आपणे ढिड्डा चे ते आपणे बार-बार बिमार हुवणे चे वजह थोड़ा थोड़ा दाखरस वी कामा मां गेहले कर।
24कोच्छ बन्दा चे पाप प्रकट हुती जई, ते न्यां चे वास्ते पेहले कनु पुज़ती जई, पर ङुजा चे तां भांसु कनु आवी। 25यूंही कितने भले काम वी प्रकट हुवी, ते जको ङिसी ना, वे वी छौप्प वी ना सग़ी।
Currently Selected:
1 तीमुथियुस 5: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
