1 यूहन्‍ना 1

जीवन चा वचन

1 # यूह 1:1 ओ जीवन चे वचन चे बारे मां जको आदि कनु हुता जानु अम्ही सुणले, ते जानु अम्ही आपणी आंखी लारे ङेखले, बल्कि जानु अम्ही ध्यानारीत रीत ङेखले ते ओनु हाथा लारे छूले। 2#यूह 1:14ओ जीवना चा ज्ञान अम्हानु ङिला गेला, ते अम्ही ओनु ङेखले, ते ओची ग़वाही ङिऊं पले, ते तम्हानु अनन्त जीवन ङेणे आले ची घोषणा करु पले जको ब़ा नरीकार चे लारे हुता अम्चे उपर प्रकट हुला। 3ते जानु अम्ही ङेखले ते सुणले ओचा समाचार तम्हानु ङिऊं पले, ऐवास्ते कि तम्ही वी अम्चे लारे शामिल हुवा, ते अम्ची हा सहभागिता ब़ा नरीकारा चे लारे ते ओचे पूत ईशु मसीह चे लारे छै। 4ते ये बाता अम्ही ऐवास्ते लिखु पले कि अम्ची खुशी पुरी हुती जाये।

सोज़ले मां टुरणे

5जको समाचार अम्ही ओकनु सुणला ते तम्हानु सुणाऊं पले, वा हा छै कि नरीकार सोज़ले छै ते ओचे मां कहीं वी अन्धकार कोनी। 6अगर अम्ही किहुं कि ओचे लारे अम्ही हेंस्सेदार छिऊं, ते हमा वी अम्ही पापा चे अन्धकारा मां टुरु, ते अम्ही कूड़े छिऊं, ते सच्‍चाई उपर ना टुरु। 7अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

8अगर अम्ही किहुं कि अम्चे मां कहीं पाप कोनी, तां आपणे आप नु धोक्‍का ङिऊं, ते अम्चे मां सच्‍चाई कोनी। 9अगर अम्ही नरीकारा चे सामणे आपणे पापा नु मनती गिहुं, ते ओ अम्चे पापा नु माफ करने, ते अम्हानु सारे अधर्मा कनु शोद्ध करने मां विश्‍वास लायक छै, कांकि ओ न्यांयी ते धर्मी छै। 10अगर अम्ही किहुं कि अम्ही पाप कोनी करला, तां नरीकारा नु कूड़े ठहराऊ, ते ओचा वचन अम्चे मां कोनी छै।

Currently Selected:

1 यूहन्‍ना 1: ODR

Highlight

Copy

Compare