2 पतरस 3
3
ईशु बल्ति आवी
1हे माये प्यारे भऊ, हमा मैं तम्हानु हा ङुजी चिठ्ठी लिखे पला, ते ङुंहु मां चैता ङिवाती कर तम्चे शोद्ध मना नु उभारे पला। 2कि तम्ही वां बाता नु जको, पवित्र भविष्यवक्ता ने पेहले कनु केहलीया ते प्रभु ते उद्धारकर्ता ची वे आज्ञा नु ध्यान करा, जको तम्चे प्रेरितां चे जरिये ङिलीया गेलतीया।
3 #
यहू 1:18
पेहले ईं जाणती गिहा, कि आखरी ङिहां मां ठठा मखोल करने आले आवे, जको आपणी बुरी इच्छा चे मुताबिक टुरे। 4ते किहे, “मसीह चे आणे चा वायदा किठे गेला? कांकि जिसे बेले वांचे ङाङा-ब़ा नूहती रेहले, सब कोच्छ इसड़े ही छै, जिसड़े सृष्टि ची शुरुआत कनु हुते।”
5पर वे तां जाणती ब़ुझती कर ईं भूलती गेले, कि नरीकारा चे वचना चे जरिये आसमान पुराणे युगा कनु टिकला पला ते धरती वी पाणीया महु बणली ते पाणीया मां मोजुद छै। 6ये वजह कनु ओ युगा चा संसार पाणीया मां ब़ुङती कर नाश हुती गेला। 7पर ऐ समय चा आसमान ते धरती ओह वचना चे जरिये ऐवास्ते राखले गेले कि ब़ाड़ले जाओ ते अधर्मी बन्दा चा न्यां ते नाश हुवणे चे ङिओ तक यूंही मेहले रिहे।
8हे प्यारे, हा बात तम्हा कनु लुकली ना रिहो कि प्रभु चे इठे हेक ङिओ हजार साला चे बराबर छै, ते हजार साल हेके ङिओ चे बराबर छै। 9प्रभु आपणे वायदे चे बारे मां देर ना करी जिसड़ी देर कोच्छ लौक समझे पर तम्चे बारे मां तसल्ली करे, ते ना चाहवी कि कुई नाश हो बल्कि ईं कि सब नु मन फिरावणे चा मौका मिलो।
10 #
मत्ती 24:43; लूक 12:39; 1 थिस्स 5:2; प्र.वा 16:15 पर प्रभु चा ङिओ चोरा आलीकर आती जई। ओ ङिओ आसमान बङी हड़बड़ाहट ची अवाजी लारे जता रिही ते सारीया चीजा तपती कर पिघलती जाये ते धरती ते विचे उपर चे सारे काम ब़लती जाये।
11जबकि ये सारीया चीजा, यूं करती पिघलणे आलीया छी तां तम्हानु पवित्र चाल-चलन ते भग़ती मां आच्छे हुवणे चाही छै। 12ते नरीकारा चे ओ ङिओ ची बाट ङेखणी चाही छै ते ओचे जल्दी आवणे वास्ते जत्तन करना चाही छै जिसी वजह कनु आसमान जाखते लारे पिघलती जई ते आसमाना चे तारागण ब़ोहत ही तपती कर गलती जाये। 13#प्र.वा 21:1पर ओचे वायदे चे अनुसार अम्ही हेक नवें आसमान ते नवीं धरती ची आस ङेखु पले जाये मां धार्मिकता वास करी।
14ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा। 15ते अम्चे प्रभु ची तसल्ली नु उद्धार समझा जिंवे अम्चे प्यारे भऊ पौलुस ने वी ओ ज्ञान चे अनुसार जको ओनु नरीकारा ची ओर कनु मिड़ला, तम्हानु लिखले। 16यूंही ओणे आपणीया सारीया चिठ्ठीया मां वी यां बाता ची चर्चा करली, जाये मां कोच्छ बाता इसड़ीया छी जाये समझणे मुश्किल छै, ते नासमझ ते गैर विश्वासी लौक वांचे मतलब नु वी पवित्रशास्त्र चा नेरीया बाता आलीकर छिकती मुछती आपणे ही नाश ची वजह बणावी।
17ऐवास्ते हे प्यारे, तम्ही लौक पेहले ही कनु यां बाता नु जाणती कर चौकस रिहा, कि अधर्मीया चे भ्रम मां फसती कर आपणी मजबूती नु हाथा लारे किठी गुंती ना ब़ेसा। 18पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।
Currently Selected:
2 पतरस 3: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
