Gétsutsuéô 8
8
Môkatékôe atsambué
1Vamapaba Môpaga Endombo môkatékôe atsambué, asi g’ôba muetso ahmadigaa na pôkepôke ahmadingaka édigaa gévove na gépupé te geenda asi kôdane mbe gébéndéké seweda. 2Na vane, nameena asi g’ôba tsambué te ayanzie aNzambé andé mitie va mbene edi. Ameetsô émbômba tsambué.
3Muene môsi g’ôba môvo amatema vapévapé na gévumbéô sadigondoku. Amasumbéda gébunguge gémakônzu na dodo te gétumbéô sambônga amôsôba. Ameetsô éôma éyekani éambônga amôsôba mbe angô angadeekeda éangô na gôndé Nzambé kukepo na disambô yasi mbumu éaNzambé. Amavumba yetso gô gévumbéô sadigondoku gémakônzu na dodo na géndéké va mbene agédigaa sokumaka. 4Sôma sambônga amôsôba gémayôa. Môtute wedi ômabutima bandôa g’ôgogo amôsi g’ôba na ômabata te na disambô yasi mbumu éaNzambé. 5Vane, môsi g’ôba amayuéséda gébunguge géne na soto gémaviga gô gévumbéô sadigondoku. Na amagégunya na va tsinane. Gômakungaka môdumu na nzongodi épôni. Gômakadima na mikadikadi. Tsinane ématatéa.
Embômbee
6Asi g’ôba tsambué amavigédu na Nzambé amasumbéda émbômbee tsambué na amabandôa étômba éangô mbe étoongo.
7One amapanga amatoongo gémbômba. Gômaaga na gô tsina mataa na soto gémagésu na nzina. Eetso émagunyu na gô tsinane nyetso. Totone émakabô étaté étatô, na gévo saté gémayôa. Na éétété émakabô dikabô ditatô, na ôvo ôkabô ômayôa. Na ésingee éetso émadôngani émayôa na soto.
8Vane môsi g’ôba ône amôbaé amatoongo gémbômbage. Sôma géndé ga môkôdi ôvôni ôyôani gémagunyéga nava ngenge amubu. Gô éaté étatô, saté gévo samubu gémakoga géka nzina. 9Na vikabô vianyamaye yetso yagô mubu dimawa. Na ôkabô ambôngôye yetso dimabôéga na dimatôndôméa.
10Vane môsi g’ôba ône amôtatô amatoongo gémbômbage. Mônanga ôvôni ômayôa ga soto, ômaaga g’ôba. Omaaga na g’ôkabô ambéye na gô étôkee. 11(Ina amônangee ône g’ôgi aGrec te Absinthe, g’ôgi aSuada te Amertume, g’ôgi aGétsogo te Ndôé.) Okabôé ône amebame ômakoga ôka ndôé. Oma ayekani amawa gômanyua ahngô mebame mane mandôé.
12Na môsi g’ôba ône amônayi amatoongo gémbômbage. Saté#8:12 Tôôkô éva mbe, saté na visaté, ôkabô na vikabô, ékegea mbe gô éôma étatô, te sôma gévo. Eendô gô suada mbe, un tier. sakômbéne gémapikô na ôkabô aminanga ômapikô na saté sangonde gémapikô, na vane gévedege saô gémabandôa ééma. Gô gébéndéké samôsaa gôsibé ômanda. Na gô gébéndéké sapitsi te évitsi étévo.
13Me namoomba ébono. Nameena mbééa émapepa gô ngongo. Emaadôngana mbe: Maguga. Maguga. Maguga mangeena asi gô tsinane nyetso vangatoongo asi g’ôba atatô émbômbee étatô ésanéani.
Currently Selected:
Gétsutsuéô 8: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
