Gétsutsuéô 9
9
1Môsi g’ôba ône amôtayi amatoongo gémbômbage. Me Jean, nameena mônanga ômaagaka g’ôba na gô tsina. Mônangee ône ômeetsô môsapi eeduku éamongodi ésaba n’ekôdéô. 2Mônangee ômakukua édukue éamongodi. Gômakusa nzôngé amôtutu ga soto gévôni. Môtutue ône ômakukéga kômbéne na tsengene n’evitsi. 3Gô môtutue gômakusa miveege mimapangana gô tsinane nyetso mimeetsô miangagaa ga miangôtô. 4Mimadékédu mbe: Nômbiabata ésinga na éétété. Na éetso ékandani, nômbiambata. Na mimatômu mbe: Nômbata te oma atévo, ane asiitsô ndémbo étubéda ina aNzambé. 5Na misiitsô ôtômu mbe: Nôyôha oma. Ivô mimeetsô ôtômu mbe: Mbatakani omeaa kuka yetso gôétubéda ahngô panda gô ngonde ditayi. Pievia dimookô ane amambatôkôni te ga dine diôkô môma ambatô na ngôtô. 6Gô gédingéôge géne sangonde ditayi, omee angabuta ôwa, ivô asangawa. Ahnganyôngéô éwa ti wakaga. Ivô ôwee ôsangaba gôpégôpé n’ahngô.
7Miveegemie mine mimagono na nyamaye ditsua oma na gô ébadi diéndô mbe cheval. Gô miôtsémie miaô te ga épôkôdô éokumaka émakônzu na dodo. Diôsôye yaô te ga dine yoma. 8Tsôgéye yaô te ga dine yaageto. Na minôme maô te ga mane magémbungu. 9Gô mbômaye yaô ahmaata ngoyi dindé ga mianga. Papaye yaô dimaba na nzongodi ga dôtô diyekani didutuku na nyamaye dikea gôégenya ébadi. 10Ahmabaka na mikôndô mindé ga miangôtô na tsuétsué. Na mikôndômie miaô ahmatubéda oma panda gô ngonde ditayi. 11Môtômine waô te môsi éduku éamongodi. Inedi g’ôgi aHébreu te Abaddon. Na g’ôgi aGrec te Apollyon.#9:11 G’ôgi aGétsogo te Môbunganédi.
12Ene te égugee éamapanga éoti. Va ngongone vane mavo maguga mabaé mangabuéa.
13Na vane môsi g’ôba ône amôtôba amavigédu na Nzambé gôétoongo gémbômbage. Me Jean namookô ôgie ômakusa gô mapandaka magévumbéô sadigondoku ômakônzu na dodo na gémabaka va mbene aNzambé. 14Ogie ône ômatôma môsi g’ôba amôtôba amasumbéda gémbômbage mbe: Nzeegedaka asi g’ôba anayi andé katôgô na pangaye gô kôbangô ambéne épôni ééndô mbe Euphrate. 15Asi g’ôba anayi ane amanzeegedu. Angô amakatô na amakeneo ti gô ébégôe éne mbe anganzeegedu gô ndéô nene, na gô pitsi nene, na gô ngonde nene, na gô gémage géne gômbe angayôhéda ôkabô oma agô tsina. Gôndé oma atatô dingayôha te môvo. 16Me Jean namatubédu migodemie mimabaka digaa gô chevale yaô. Otangôe waô te mikama miamitônisa na mitônisa miagétangégegé. 17Evo ébégô émeena me Jean te nandé nani gébé gô vio. Namatubédu na Nzambé ébégô éanyamaye n’omee ahmadigaa gô yangô. Ahmaata ngoyiye yamianga. Dipo dimabaka na tsoo ga soto, dipo na bôbé ga étaé ééndô mbe saphir, na dipo dôta ga ôtsakadi gandé sôma gééndô mbe soufre. Miôtsé miachevaleye mimagono na miôtsé miembungu. Gô miônya miaô gômakusa soto, na môtutu agémbôngambônga gébévani génôtôa môma modi. 18Okabô oma muetso ava tsina amayôhu na panda yevungee étatô émakusa gô miônya miachevale, te soto na môtutu na mbônga. 19Gôébégô ngudi yanyamaye dine dindéké gô miônya miaô na gô mikôndômie miaô. Mikôndômie miaô migono na nyogo. Mindé na miôtsé, na oma abévédu na miangô.
20Omee muetso amasanéaka va tsina ahsiyôuku na panda yevungee étatô éne, asiviié ngima mane mamayanzahngô anguene. Ahsitsiké éneegeda édidie ébévani na mbumba yegoni dimapakôni na dimakônzuni na dodo na muahnga osunu ôvôni na étaé na kunga, na péndé. 21Eômee éne éseenani, na ésookôni na ésakeani. Omeaa dôta asaviia mikôbé miaô ngima. Na maganga mesôgee yaô na ésasô éaô n’eesuee waô aseeviia ngima.
Currently Selected:
Gétsutsuéô 9: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
