Popular Bible Verses from Gétsutsuéô 8

Share

Vamapaba Môpaga Endombo môkatékôe atsambué, asi g’ôba muetso ahmadigaa na pôkepôke ahmadingaka édigaa gévove na gépupé te geenda asi kôdane mbe gébéndéké seweda.

One amapanga amatoongo gémbômba. Gômaaga na gô tsina mataa na soto gémagésu na nzina. Eetso émagunyu na gô tsinane nyetso. Totone émakabô étaté étatô, na gévo saté gémayôa. Na éétété émakabô dikabô ditatô, na ôvo ôkabô ômayôa. Na ésingee éetso émadôngani émayôa na soto.

Me namoomba ébono. Nameena mbééa émapepa gô ngongo. Emaadôngana mbe: Maguga. Maguga. Maguga mangeena asi gô tsinane nyetso vangatoongo asi g’ôba atatô émbômbee étatô ésanéani.

Vane môsi g’ôba ône amôbaé amatoongo gémbômbage. Sôma géndé ga môkôdi ôvôni ôyôani gémagunyéga nava ngenge amubu. Gô éaté étatô, saté gévo samubu gémakoga géka nzina.

Vane môsi g’ôba ône amôtatô amatoongo gémbômbage. Mônanga ôvôni ômayôa ga soto, ômaaga g’ôba. Omaaga na g’ôkabô ambéye na gô étôkee. (Ina amônangee ône g’ôgi aGrec te Absinthe, g’ôgi aSuada te Amertume, g’ôgi aGétsogo te Ndôé.) Okabôé ône amebame ômakoga ôka ndôé. Oma ayekani amawa gômanyua ahngô mebame mane mandôé.

Na môsi g’ôba ône amônayi amatoongo gémbômbage. Saté sakômbéne gémapikô na ôkabô aminanga ômapikô na saté sangonde gémapikô, na vane gévedege saô gémabandôa ééma. Gô gébéndéké samôsaa gôsibé ômanda. Na gô gébéndéké sapitsi te évitsi étévo.