Titusi 2
2
Yihonga mwene
1Ene we yuvithe yi ya kurikanya noyihonga mwene. 2Tongwere harume ha kare hando‐ndoro, ha kukutekere, ha kare nomaghano, ndjewa‐ndjewa no ha tanare mumatawero, muruhakitho no ha dhidhimeke. 3Kemo sho tongwere karo hambuyama, eshi yikara yawo ne yikare pathinaghunu. Ha pare mughupongoki. Mbadi ha kona kukara mushedho, ngambi kuwamuna yinwa. Awo ha kona kutapa dighano mwene kwawamweya. 4Kemo po sha hongere hashengeteya ruhakitho rokwawanu wawo no kwawana wo mu kukara noruhakitho roshemwa, 5ha kare nomaghano noghukushuki, ha kare hakamadi mwene hopamadhiko no ha kone kukara kwishi dhawatutughuru wawo. Po mbo dhi dhira kushwahuka n̂ando dhaNyambi.
6Dyo mbo thundawedha nawo hangaghu eshi, ha kare nomaghano. 7Muyoyiheya yi, ghukutende ghothinda thitamenedhi thoyirughana yoyiwa. Kushuke muyihonga no hungame muyikara. 8Kare muyihonga mwene no kupira man̂anani. Munyima po mbo ghafa honyi kehe munyathi wetu no kupira thighamba thothiyi kukwetu.
9Hapika ha kone kukara kwishi dhawahekudyawo muyoyihe no kuwashambereritha, no ha pire mutomonono, 10no kwidha temba thinu. Awo, ha kuneghedhe muyoyihe eshi, ha kara nomakurupero. Kemo mbo ha wana dikuto muyinu yoyihe eyi hana kutenda, muyihonga yaNyambi ghoMushuturi wetu.
11N̂eke dhaNyambi edhi dhina kureta makomweneno, dha hokoka kwawanu wahe. 12Adho kurera dhina kuturera eshi, tu mwaghe yiparitha yawanyambi hombango noyirumbera yokaye, ho tu kuraghure twathinda mughuhunga muyinu yaNyambi, oku shime ha tu para pano pakaye. 13Oku shime ha tu ruru diyuwa dyofiyaghudhi edi twa taterera. Mudiyuwa di mbo ghuna hokoka ghufumu waNyambi wetu shokuru noMushuturi wetu Jesus Kristusi. 14Aye thinda gha kutapire kukwetu, gha kare yira muyambo pakutushutura kumaghuyi ghomahe, no kutukushukitha kumaharwero. Eshi tu kone kukara twadiko dyendi hokutoghoropa kutenda yinu yoyihunga.
15Yino ne, yoyinu yi wa kona kughamba. Rughanithe ngcamu dhoye dhodhihe mukuwatjokedha no mukuwahonga. Mbadi wa kona kukutoperera eshi gha kwine ghumweya.
Currently Selected:
Titusi 2: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
