Rukwaro Romiposalemi 8
8
Fuma kwaMuvareki
1Kwamwimbithi: noyishika. Mupisalemi waDavita.
2Fumu, ghoHekudyetu,
ngepi dyatetura Dina dyoye pamuve ghoghuhe,
ngepi di ya rwedhima yoyihe yi wa pakire pathifikitho thodiwiru!
3Hanuke nawatumbututu,
hana kukutekera yitenda yoye yongcamu,
eyi wa tanarithire.
Kemo po ha porerire hakakukunyatha
nawan̂ore dhoye nawakanyinya.
4Ngeshi ha ni kengi kudiwiru dyoye,
no kuyirughana yonyara dhoye,
kaghonda nungwedhi eyi wa paka po,
5thinye keho munu
ethi sho mu ghayare,
nye ghuna kumukon̂omekera munu ghokenge yo?
6Wa mu tendire kamanana eshi gha kare
yira munu ghomudiwiru,
no wa mu yengire nodikuto.
7Wa mu pire ghuraghuri ghoyitenda yoye yoyihe yonyara dhoye.
Yoyiheya wa yi tapire kukwendi:
8ndjwi no ngombe no yoyiheya,
ngambi yiyama yomumuthitu
9no yinyunyi yomuwiru,
no thi dhomudikuruviya
edhi dhina kutjinaghana mumakuruviya.
10Fumu, ghoHekudyetu,
ngepi dya tetura Dina dyoye pamuve ghoghuhe.
Currently Selected:
Rukwaro Romiposalemi 8: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
