Rukwaro Romiposalemi 7
7
Nyambi ne kughamwena hahunga
1Dimbo dyothidiro dyaDavita edi ghemberire Fumu, munyima dhoyitjokedha yoyitenda yaKusi, ghoMubenyaminite.
2Fumu, ghoNyambi wange,
kuKoye na kushana maghamweno.
Ni ghamwene no ni kunge kwawahe
wa hana ku ni kuthakutha.
3Eshi, ha dhire ku ni ndhanyaghura
yira thiyama thonyime.
No ku ni hanyaghura temba,
yira mbadiko makurupero nomaghamweno.
4Hekudyange, no Nyambi wange, ngeshi ha ni shinyi,
endi ha ghu kakatera ghuyi munyara dhange,
5endi kwipitha muyendhange,
endi ngeshi ha ni pagha mukore wange muwina,
6gha kone ku ni kutha‐kutha munyathi
wange no gha ni kwate,
no gha ni djatere mumuve,
ho gha ni manitherere ni kare rukungu vene.
7Wiye ne ghoFumu noghughandhi ghoye,
tjinaghane kuyinu yoghukore wawa ha ni dhimba.
Wiye ghu ni ghamwene,
Owe wa rikanyitha eshi,
ghuhunga ne mbo ghuna kara po.
8Withe mako ghomahe gha kudhingumwetwedhe,
ho wa yeyure kudyango dyodipuna
dyoye dyoghupanguri!
9Hekudyange, owe wa ghamba ghuhunga kumako,
yidimuke eshi nomuhunga me
no na pira murandu.
10Hurithe yitenda yoyiyi yawa ha shwena Nyambi.
Yakunuthe hahunga mofotji.
Owe wa rondonona mutjima nomathigho,
yowe Nyambi ghomuhunga.
11Nyambi ghomughamweni wawahunga ne,
yomukungi wange.
12Mupanguri ghomakurupero ne Nyambi,
yoNyambi yu, ghana kuhumbitha hakamurandu.
13Aye ghana kutwepitha kehe pano dimende dyendi,
gha rema ghuta wendi no wa ghondhera.
14Aye gha kwinduka noyitwa yendi yoyipaghitha,
no gha kutendera mandamba ghomahungu.
15Mukamurandu, gha pitura yira
mukakuremena mughudhindo,
ghuremu ghoghudhindari,
noyishamuruka ne yambango.
16Ghana kukudhungipithera dikwina
no kuwera mo thinda.
17Ghupata wendi, ghuna kumukorera thinda
nonyinya dhi gha shanine,
dhina kumumbandukera thinda dhi mu dye.
18Na haka kumukugha Fumu,
yoyishi gha paka po ghuhunga.
Ame ne na kwimbera Dina dyaFumu,
ghoMukakupiterera.
Currently Selected:
Rukwaro Romiposalemi 7: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
