Rukwaro Romiposalemi 61
61
Owe yowe matjirero ghange
1Kwamwimbithi: nothikitare. Mupisalemi waDavita.
2Yove kakugho komaghamweno ghange ghoNyambi,
no yuve ndapero dhange.
3Kutunda kughuhura ghokaye,
na kwithanga mukupira makurupero.
Ni tware kudiwe oku mbo ni ka fiyaghuka.
4Owe, yowe matjirero ghange,
no mondo ghongcamu ghokudhira kukona kuwitha han̂ore.
5Ninge ni wane matungo ghororuheya kuKoye.
Ho nundeke mumando ghoye.
6GhoNyambi, yuve kumedhero ghange,
Owe ghuna kuyaritha dirura dyawa ha kutekera Dina dyoye.
7Repithe mayuwa ghafumu,
no wingipithe myaka dhomoyo wendi kwawanahoka wendi.
8Tawe gha vure mayuwa,
ghoghuraghuri wendi kughutho waNyambi
no ru mu kunge ruhakitho roye no makurupero ghoye!
9Munyima mbo nembera roruhe difumanekero dyoDina dyoye,
no mbo na nongonona medhero ghange mu kehe diyuwa.
Currently Selected:
Rukwaro Romiposalemi 61: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
