Rukwaro Romiposalemi 62
62
KwaNyambi pithako ko na wana maturumuthero
1Kwamwimbithi: Manongweneno. Mupisalemi waDavita.
2KwaNyambi pithako, na wana maturumuthero,
no kuKwendi gha tunda maghamweno ghange.
3Pithendi yodiwe dyange no mughamweni wange,
matungo ghange ghohoro,
eshi mbo ni tanarere mo thikuma.
4Rungatji muna kuhima mwaheya eshi,
ni kare nodirambaramba dyomurandu,
no kushana ku ni pagha,
murume yu gha hendama,
yira ditete di dina kushana kuyeghuka,
no mbadi dhomawe dho dhokudhira kuyeghuka ndi?
5Awo, kunukathana, hana kukunukathana,
no ha haka mbango,
no ha fighera notunwa twawo,
ene mumitjima dhawo ne yikuto yidi mo.
6KwaNyambi pithako na wana maturumuthero,
no paPendi na kurupera.
7Pithendi yodiwe dyange no mughamweni wange,
matungo ghange ghohoro eshi,
mbo ni tanarere mo thikuma.
8Nyambi ne yomughamweni wange no ngcamu dhange.
Aye yodiwe dyange no ngcamu dhange,
karo Aye ne yomatjirero ghange.
9Mwakadiko dyange, mu kurupere roruhe paPendi,
mu tape mitjima dhenu kughutho wendi!
Yoyishi, Nyambi ne yomatjirero ghetu.
10Hanu ne kukona kufa,
hanu ne ha kara yira yinu vene:
pathiyedhekeritho, mbadiko wo muremenena,
yoyishi, ha kara pofotji yira yinu vene.
11Mwa kurupera pawaringi‐ringi,
yomukungu, mbadi mbo mu yishimba mutukuruta twenu.
Ene ngeshi ghuna vuru ghutungi ghoye,
mbadi wa kona kughupaka kumutjima.
12Thinu thofotji na yuva thi gha ghamba Nyambi,
ene mbadi kemo yiwadi wate:
eshi: Nyambi pithendi yo gha kara nongcamu, 13na
munu gha kona kukurupera papoye We Fumu,
no ghuna kutenda kwakehe yu, popayitenda yendi.
Currently Selected:
Rukwaro Romiposalemi 62: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
